الموضوع: صيانة الالف كيلو للجين تو

المشاركة الأصلية كتبت بواسطة Khaled85

ايوه انا عربيتي زرقا
انت كنت قاعد معانا في الاستراحه؟

لا بس شوفتك وان ماشى الظهر كدة على 1 و قلت كويس فى ناس بتمشى بدرى اهه
و برضه قعدونى لـ 5
وعلى الفاضى

المشاركة الأصلية كتبت بواسطة momopersona

هههههههههههههه
روحت للمهندس اامر طيب ؟؟
وياريت معلشى تقرير بردو للى حصل لك

[OVERLINE]لا مروحتش لانه مكانش موجود كان فى meeting بس ان شاء الله هروحله الاسبوع الجاى
[/OVERLINE]

المشاركة الأصلية كتبت بواسطة BlackBerry

الله يبشرك بالخير
بس ياريت تقرير عشان نعرف
و هافضل متفائل لاخر لحظه وربنا يستر

احلى حاجة خليك متفائل زيي بالظبط لحد ما تفوق من التفائل ده

التقرير
وصلت الساعة 11 جالى المهندس الساعة 12 الا ربع و بعدين جت المهندسة ايمان تستلم منى بدل المهندس
استلمت و كتبت الحاجات اللى بشتكى منها

1- صفارة تيل (اتعملت و رجعت تانى)
2- حدفى يمين (كانت مؤجلة من الصيانة اللى فاتت)
3-صوت هواء من الخلف شمال (كان مؤجل ايضا)
4- صوت طقطقة فى الزاز مش عارف مكن ولا فبر ولا ايه (كان مؤجل برضه)
5- تزييئ فى كفى الفرامل

استلمت و قالتلى هتستلم 5 ان شاء الله
وقتها ايمون كلمنى و اتقبلنا و شفت عربيته و سلمها و كان بيخلص فى ورقها و كان معانا احمد ابراهيم برضه بس هوا مشى بعد ما ايمن لطعه شوية
و فضلنا قاعدين انا و ايمن و ايمن كاتب مشاكل ناس و عمال يلف عليها و يسأل و يحاول يحلها هناك بما فيهم مشاكلى
و شوية يروح يجيب اكل للكلاب اللى فى التوكيل
و فضلنا مقضينها كدة لحد ما جه مهندس قالى بقت تمام يلا نجرب قلتله يلا
قالى التزييق راح و ده فعلا
و بعدين طلعنا على الطريق جربنا الحدفة قاللى تمام قلتله مش حاسس اما اسوق هعرف قاللى منا بوريك اهه قلتله برضه اما اسوق
الفرامل مبتصفرش وده كان فعلا
صوت الهوا اعلى من الاول قاللى هارجع اظبطهولك
رجعنا على التوكيل
دخل و شوية و طلعلى قالى عملناه بس الباب هيبقى تقيل شوية و لازم ترزعه وانت بتقفله !!
قلتله نعم !! قالى ماهو كدة يا اما تسمع صوت قلتله ده لما اروح لحد بدائى فى الشارع حاطط صفيحة فيها عصاية اخرها يفطة مكتوب عليها الاسطى عبده لتظبيط البيبان هو ده اللى ممكن يحلهالى كدة
انما انا جى توكيل !
و قلتله لا مش هاخده كدة و دخلت لحد اسمه سيد المفروض انه الكبير بتاعهم
قاللى ما لازم كدة قلتله لا مش لازم و مش هيحصل و لو وقفت على انك هتغير الباب كبه هتغيره
قاللى خلاص تعالى يوم تانى و افك الباب و اشوفه و ابعته للسمكرة يكشفوا عليه و كدة (بيعجزنى ) قلتله عنية هجيلك تانى
و طقطقة الازاز بيقولولى انت برة الضمان عشان وحدة الرفع و ده لسة بيتظبط و معرفش نهايته ايه (مع ايمون )
المهم بقى ان اصلا مشيت انا و ايمن من التوكيل و اليكم الاتى
1-العربية بتحدف زى ما هية
2-الصفارة اللى فى التيل ولا كأنى مركب تيل ماركة جمال الغندور
اعلى من الاول و هسيب ايمن يوصفهالكوا
3-التزييئ راح فعلا
4-صوت الهوا اللى المفروض عالجوا و قصاد كدة الباب بوظوا و بقى لازم يترزع و يتفتح بالعافية صوت الهوا زى ما هوا بالاضافى لبوظان الباب
ده التقرير و انا رايحلهم تانى و هاكتب قبل ما اروحلهم هنا المعاد و استنوا تقريرى بعد الرجوع الذى لن يخلوا من الطرافة اكييييييد

المشاركة الأصلية كتبت بواسطة khaled85

على العموم انا سعيد ان انا عرفتك و زعلان علشان اللي حصلك هناك في التوكيل

ولا يهمك يا جميل كله هيتحل ان شاء الله
وانا اسعد و ان شاء الله نتقابل هناك

المشاركة الأصلية كتبت بواسطة momopersona

ربنا معاك يا باشا
بجد حاجه تحرق الدم ان الواحد يضيع ايام كامله فى التوكيل بدون فائده وبالمعامله دى كمان

على العموم ان شاء الله لما تروح للمهندس اامر الموضوع بيتحل

لما تيجى رايح تانى ابئا قول عشان ممكن ااجى اعمل صيانة ال20000 لبرسونتى وبالمره اتعرف عليك ونسلى بعض

[overline]فعلا حاجة تحرق الدم و تخنق و كل حاجة
و ان شاء الله يا جميل ربنا يسهل [/overline]

احنا بنتقل عليك يا استاذ طارق يا ريت التقرير اول ما تخلص