الموضوع: قصه مأساه صيانة الألف كيلو للجين 2

هحكلكم القصه بأخنصار شديد لأنها طويله جدا جدا :
أنا حجزت صيانه الألف كيلو يوم الأربعاء الفات الموافق 21 يوليو فرع الصحراوى و قالو لى هتيجى الساعه 9:30
و فعلن خت أجازه يوم الأربعاء معا أن شغلى جنب التوكيل بس قولت لازم أخدلها أجازه عشان جينا تستاهل
المهم روحت أنا و المدام الساعه تسعه و نص زى ماقالو
وقفت شويه تحت التنده و جالى المهندس محمد عبد الهادى على ما أعتقد و هوه صراحه شخصيه محترمه جدا و قولتله على الملاحظات بتعتى الهيه كالأتى :
1-الباب الورا شمال صوته مش أليف فى الفتح و القفل (صوته مختلف عن باقى الأبواب)
2-كان فى بقعه فى الكابوت منذ شراء السياره و ورتهالو (بقعه غريبه جدا زيى بهتان فى اللون كده) و قولتله أنا عايزها تتلع بدون رش الكابوت وهو أنا أستحاله أشترى عربيه زيرو و أرش كابوتها قالى يعنى أنت شايف أيه الحل قولتله أكيد كابوت جديد طبعا
3-موتور الفوانيس الأدام لا يعمل منذ شراء السياره
4-و هوه أهم شيء صوت تزييق فى الفرامل (هشرحه كده بالبلدى لو كنت مسلن واقف على مطلع أو منزل و دايس فرامل على الأخر و العربيه وقفه و رحت شايل رجلى ملى أو أقل من سنتى فبالتالى العربيه هتتحرك بالجازبيه بس بسرعه منخفضه جدا جدا أثناء ذلك بسمع صوت تزييق غبى جدا جدا)
و دى كانت كل ملاحظاتى و كنت جايب معايه زيت الأمرات 10000 كيلو و قلتله عليه و قالى هتستلم الساعه 3 أنشاء الله
قولتله ماشى خت المدام و دخلنا الأستراحه كانت الساعه لسه عشره
شويه و طلعت أبص على العربيه لقت الراجل أعد يتشك على الأنوار و الزيوت و المساحات
خدو عندكو أول موصيبه مشغل المساحات و الأزاز ناشف من غير ميه و أنا كنت قرأت فى الكتالوج (المانيوال) تنبه أن غلط تشغل المساحه و الأزاز ناشف عشان الخربيش ما علينا
دخلت أقعد شويه مع مراتى و طلعت أبص بصه لقيت واحد تانى بيعالج صوت الباب الورا شمال مش عارف أزاى
بس هوه أعد يقفل و يفتح فيه و ماسك أمبوبه غريبه
المهم قولت أسيب مراتى قاعدا على اللاب توب و أروح أسلم على محسن صالح و بالمره أسأله على فاتوره السياره المختهاش بحجه الضرايب الأنا و واثق أن محدش فيكو خدها من محسن صالح
بس أنا فعلن محتاجها عشان أنا ناوى أخد قرد من شغلى بضمان العربيه و طلبين فاتورتها و كمان شركه التأمين عيزين الفاتوره
روحتله فعلن و سلمت عليه كان مشغول جدا (الله يكون فى عونه)فقلت أساله على الفاتوره قالى أحنا مبنطلعش فواتير منا قولتلك عشان الضرايب قولت طيب ماشى و الحل قالى مفيش حل
مع العلم أنا حمايه مدير عام فى مركز كبار الممولين قسم مكافحه التهرب الضريبى ما علينا أنا والله مش بتاع مشاكل ولا عايز مشاكل أنا بس عايز فاتوره عشان ده حقى و حقق و حقنا كلنا و حق مصر
ما علينا أنا روحت ماشى و مكترتش معاه فى الكلام قولت أرجع لمراتى عشان متزعلش أنى سايبها لوحدها
و أنا ماشى من عند محسن قابلت ميييييييييييييين حذرو فذرو
أيمن أكلمنا شويه و رغينا شويه و أشتريت الأستيكر منه (أخيرا بأه معايه الأستيكر)
معلش طولط عليكو هختصر والله :
شويه ولقيت بالصدفه على الساعه 2:30 كده تقريبا
مهندس طالع بيجرب ركبت معاه طبعا :
خدو عندكو الموفجأه التانيه :
1_الزرار وش موجود بتاع الفوانيس
2-الفرامل بنفس التزييقه زى مهيه
3-البقعه الكابوت زى مهيه
4-الباب أنا بوهم نفسى بس أنو صوته عادى
الساعه 2:30
من الساعه : 9:30
لاااااااااااااااااااااااا ااااااااااااااااااااااااا اااا
حرااااااااااااااااااااااا اااااااام
و أتنرفزت و أتخنقت و كشرت عن أنيابى
لحد مجالى المهندس سيد كبير الورشه زى مقالول
المهندس سيد : أهدى و كل حاجه هتتحل
أنا : أزاى طيب و البقعه دى
المهندس سيد : معرفش ممكن تكون أنت العملها
أنا : طيب عملها أزاى ده بهتان فى اللون
المهندس سيد : معرفش طيب و أنت أستلمتها كده أزاى
أنا : أكيد مشفتهاش لأن هيه مش واضحه خالص غير للدقق النظر أوى يكون عارف أن فى بقعه
و بعد نقاش كثير قالى هتلى ورقه من المابيعات تقول فيها أنك مستلمها كده
أنا : ماشى هاتلى ورقه أنت كمان تقولى فيها مفتاح الفوانيس هيجى أمتى و تلزم فبها عز العرب أنه يدفعلى أجر اليوم الأجازه الهخده و أنا جاي أركب موتور الفانوس
المهندس سيد : يا باشا نيجى نصلحهولك عند البيت (مركبيه طبعا)
أنا : ماشى هتكتبلى بردو التوكيل هيلتزم أمتى و يجى أمتى يركبه تحت البيت
المهندس سيد : يا باشا اذا أرت أن تطاع
أنا: مش أنت عشان الكبوت بتطلب منى ورقه عارف أنى صعب أجبهالك و الدنيا عندكو هنا بتمشى ورقيات
و ده مش حقى
و بعد نقاش كثير قولت أروح لمحسن صالح أقولو الحصل
و زى منتو عرفين الراجل كان فعلن مشغول
و حكتله قصه الكابوت و قلتله عايز ورقه تسبت كده فى الصيانه
قالى مليش دعوه الموضوع عند محمد عيسوى رأيس المخزن زى مبيقولو
جبت محمد عبسوى بص على البقعه و قالى لما تخلص تعلالى و أنا هطلعهالك هتطلعها أزاى يا عم ده بهتان فى اللون أعد يخربش بدفره و يقولى خلص أنت بس و تعلالى و أنا هطلعهالك ملكش دعوه
التكمله فى الجزء الثانى
ان شاء الله