الموضوع: صيانة الالف كيلو للجين تو

تقريرى اليوم

انا روحت الساعة 11 هناك قابلنى مهندس اسمه بهاء شخص لذيذ و بشوش استلم العربية و كتب كل اللى انا قلت عليه و هما كالأتى

1- حدفة يمين
2- صوت طقطقة ازاز امامى يمين
3- صوت طقطقة ازاز امامى شمال
4-صوت هوا مع السرعة خلفى شمال
5-صوت شخللة مع التكييف بس مش دايما بيظهر
6-صوت صفارة مع التيل
7- ماتور مساحة خلفى مش شغال

معاد الاستلام كان المفروض 5 استلمت حوالى 6
نيجى للمهم بقى
النور قطع من الساعة 12 و نص لحد الاستلام
اللى تم فى العربية
فبالتالى بقى
1- الحدفة يمين لم تحل عشان النور قاطع و الجهاز بتاع الزوايا مش شغال
2- و 3- و 4- لم تتم عشان النور قاطع و مينفعش يعملوا فك و تركيب و مع انى مقتنعتش قلت ماشى
هرجعلكم تانى مفيش مشكلة قلت بلاش ابدأ بليه و ازاى و ازعق قلت اصبر عشان يوم ما ازعق
يبقى لية حق
5- قاللى خليها مع صيانة الخمس الاف طالما العيب ده بيظهر معايا كل 10 ايام مرة خفيفة كدة
عشان دى فيها فك تابلو و وش و بتاع فبلاش ابدا كدة استنى اما العيب يظهر اوى يمكن يكون راح وانا اقتنعت بده
6-صوت الصفارة بقى قاللى ظبطناه و بقى تمام و اخر حلاوة و ركبت جربت تمام راح فعلا دفعت و مشيت طلعت على المحور مفيش 200 متر و رجع يصفر ولا صفارة جمال الغندور
قلت اخليها وانا راجعلهم على الطقطقة كمان كام يوم اما اشوف اخرتها
7-ماتور المساحة الله و اكبر و فوق كيد المعتدى و النصر لنا تم اصلاحه انهاردة
و دى كانت الحاجة الوحيدة اللى تمت
8- ملاحظة بقى كان فى واحد قدامى بيسلم عربيته استلمها منه المهندس تمام اوك قال للعامل تعالى خد العربية دى عشان يتعمل كذا و كذا خدها العامل قدام العميل رشئله بيها فى العمود
اللى القاء يوم الاربع او التلات اللى جاي ان شاء الله تقرير المشوار التانى