الموضوع: غيرت الدسك و الاسطوانة لكورسا 1600 مو 2005

انا كان معايا العربيه ديه وغيرت الدسك والاسطوانه تلت مرات كل مره ادفع فوق ال تلت تلاف جنيه لما كرهت نفسي
هي عربيه حلوه وانا بحببها اوي بس ملقيتش حل غير اني ابيعها وهجيب نيو اكسنت زيرو اوتوماتك واريح دماغي
انا عارف اني هركب عربيه خفيفه بس انا فعلا عانيت منها
ربنا يسترها عليك ومتقابلش مشكله
ممكن نعرف عربيتك كانت ماشيه كام لما غيرت الديسك والاسطوانه؟
انا كانت ماشيه 60 وكل 5000 كنت بغير دسك واسطوانه
كانت المشكله رعشه علي الاولاني بس

عشان كده بعتها مع انو كان نفسي تفضل معايا بس هي ال اجبرتني علي كده

الف مبروك و شكرا علي المعلومات

على فكرة يا جماعة موضوع قطع الغيار ده غريب اوى انا كل لما اسال حد يقول لى خلى بالك علشان فيه ماركة جي ام مضروبة بتيجى من الصين مغلفة فى كرتونة مثل الجى ام بالضبط و كمان بتيقى صينى رجة تانية او تالتة يعنى صينى نظيف عشان تتباع فى التوكيل او عند الناس البرة التوكيل لازم تجيب ماركة اسمها لوك و لما سألت عليها مالقتهاش توكلت على الله و استخرت ربنا و جبت الالمانى الى قوات عليها فى اول الموضوع

مبرررروك ياباشا