درجات الحرارة المتوقعة اليوم 45 درجة

**M_samir** · 09-05-2010 08:42 PM

النهاردة الصبح صحيت زى كل يوم الصبح عادى جدا وسمعت ف الراديو ان درجة الحرارة 43 درجة مئوية طبعا ولا همنى معايا التكييف فى الميجان شغلتو الصبح وانا رايح الموقع على الصحراوى وكان 100100 المهم خلصت الموقع وطلعت شغلت التكييف برضو 100100 وقفت اشترى حاجة ساقعة من على الدائرى وانا راجع قولت ارتاح واريح العربية شوية من الحر الجامد دا المهم بعد ما ارتحت شوية قولت اشغل التكييف بقى بعد ما ادور العربية التكييف ما اشتغلش واقصد بالضبط المرااوح مش شغالة خالص بس الكمبوريسور شغال ياترى ممكن تكون المشكلة فى ايه اسف انى طولت عليكو بس حست انى مضايق وعاوز افضفض معاكم ولو حد بيقدر يساعدنى فى المشكلة دى
اخوكم محمد سمير

**3ateef** · 09-05-2010 08:43 PM

انا الحمد لله شربت النهار كله فى الهرم وفيصل,,,والتكيف شغال 50%
:(((((((((

**hugan** · 09-05-2010 08:44 PM

51 درجه الحراره مش 45

**M_samir** · 09-05-2010 09:14 PM

المشاركة الأصلية كتبت بواسطة hamata

المفروض ان المروحة لو مش شغالة الكمبورسور يفصل عشان ميتحرقش يا ريت حضرتك تتأكد انه بيفصل فعلا و المروحة مش شغالة

انا بقصد انى لما بضغط على زرار A/c بسمع صوت الكباس بتاع الكمبوريسور بس بيفصل تانى علشان المراوح مش شغالة

**د.محمود صلاح** · 09-05-2010 10:32 PM

المروحة الداخلية اكيد حصل فيها عطل ما ممكن يكون فيوز

**mahamedaraby** · 09-05-2010 11:46 PM

انا شايف ان الجو اللى مش طبيعى فى الايام اللى فاتت دى يخلى اى تكيف يشتكى الصراحه

مشكلتنا اننا مش مجهزين لدرجات الحراره العاليه جدا دى وبالذات فى الزحمه النهارده وانا جى فى الطريق كل 100 متر عربيه راكنه وفاتحه الكبوت بسبب الحراره ربنا يكون فى عون الناس
وطبعا ده عمل زحمه غير طبيعيه فى الشارع