ترضى تتجوز انسانه بتحبها وحماتك طبعها وحش اوي ؟؟

**ahmed4000** · 10-05-2010 02:27 PM

المشاركة الأصلية كتبت بواسطة timtim

يعني المثل بتاع
الست تعشش والراجل يطفش
انقرض؟

مش اوى ومن غير تعميم
بس للاسف طبيعة المرأة المصرية اختلفت عن زمان وده حتى واضح من نسب الطلاق اللى زادت...مش حقول ان المرأة هى السبب...بس زمان كانت بتتمسك بالحياة الزوجية وتحاول تمشى العجلة...لكن دلوقتى الوضع بقى اقل شوية

طبعا الموضوع رجالى وانتظر الهجوم النسائى المضاد للدبابات وازاى ان الست غلبانة دايما

علشان كده بقول دايما بدون تعميم

وكده الاخ صاحب الموضوع بان قدامه ان الغالبية ضد الموضوع...لكن من ردودك باين انك حتكمل رغم كل شئ..وده نصيب طبعا...ويارب ارائنا كلها تتطلع غلط وتسعد بخياتك

**أحمد كمال** · 10-05-2010 02:32 PM

المشاركة الأصلية كتبت بواسطة timtim

يعني المثل بتاع
الست تعشش والراجل يطفش
انقرض؟

الله يرحمه ...... كان طيب و ابن حلال

المشاركة الأصلية كتبت بواسطة egyzizo

عن أكثر من تجربة بين السعيدة والمريرة فى أسرتى، لما تيجى تتجوز ، اعتبر نفسك بتتجوز حماتك مش مراتك .. واختار على هذا الأساس.

كلامك سليم مليون في المية

المشاركة الأصلية كتبت بواسطة dr.almaghraby

لا لا لا دي الصورة صودااا اوي من غير بيبسي ....

و الله و لا حتى دايت سفن !

المشاركة الأصلية كتبت بواسطة elassar2010

المهم خاطبتك عاجبها تصرفات والدتها ولا لا؟
لو عاجبها سيبها وخلى امها تنفعها
مش عاجبها تصرفات والدتها اتكل على الله واتجوزها

انا اعرف واحد حماتة شيطاااااااااااااان بجد كانت هتفركش الجوازة 19الف مرة وعلى حاجات هبلة منهم لون الستاير الى صاحبى ومراتة اختاروة مش عاجب امها !!!!!!!!!!وعملت معاهم خناقة وجابت اللون الى عاجبها
بس مرات صاحبى ماكنش عاجبها تصرفات امها وتدخالتها
لما اتجوزو طبعا صاحبى شبة قاطع حماتة وهو عايش دلوقتى عيشة عادية لان مراتة نفضت لامها لانها شرانية وممكن تخرب عليهم

يعنى من الاخر الفيصل هل خاطبتك موافقة على تصرفات امها ولا لا

اختلف معاك

لان ممكن تبقى بتظهر اختلافها عشان بس تكسبك

البنات اليومين دول بقت خبيثة و ما بيصدقوا يوقعوا عريس .....

و بعد الجواز هترجع تاني على مذهب أمها

المشاركة الأصلية كتبت بواسطة ahmed4000

وكده الاخ صاحب الموضوع بان قدامه ان الغالبية ضد الموضوع...لكن من ردودك باين انك حتكمل رغم كل شئ..وده نصيب طبعا...ويارب ارائنا كلها تتطلع غلط وتسعد بخياتك

انا حاسس انه فعلا هيكمل

بس ارجو انه يقتنع بكلامنا لان كلنا اكبر منه و مننا كتير مجربين و عايزين مصلحته

عشان للاسف كل واحد بيبقى فاكر انه هو و عروسته ناس غير خالص و مفيش اتنين في الدنيا بيحبوا بعض زيهم و ان الحب هيتغلب عالعوائق و المصاعب و و و و و

لحد ما مفعول البنج يروح و يحس بالمقلب اللي شربه و هو نازل في المرئ متجه للمعدة !

**elassar2010** · 10-05-2010 03:49 PM

المشاركة الأصلية كتبت بواسطة أحمد كمال

اختلف معاك

لان ممكن تبقى بتظهر اختلافها عشان بس تكسبك

البنات اليومين دول بقت خبيثة و ما بيصدقوا يوقعوا عريس .....

و بعد الجواز هترجع تاني على مذهب أمها

!

بس صعب جداااااااااا جدااااااااااا ان واحدة تضحك وتمثل على خطيبها سنة او اكتر كمان مدة الخطوبة
دة كدة يبقى وقع فى عش الدبابير:b4_282:

**أحمد كمال** · 10-05-2010 03:51 PM

المشاركة الأصلية كتبت بواسطة elassar2010

بس صعب جداااااااااا جدااااااااااا ان واحدة تضحك وتمثل على خطيبها سنة او اكتر كمان مدة الخطوبة
دة كدة يبقى وقع فى عش الدبابير:b4_282:

انت اللي راجل طيب

دي تضحك عليه 5 سنين مش سنة

**M.almaghraby** · 10-05-2010 03:56 PM

المشاركة الأصلية كتبت بواسطة ahmed4000

بلاش نسميه ضحك ولا كذب
دى حاجة طبيعية فى الاتنين انهم يحاولوا يجملوا نفسهم او ميظهروش الجانب السئ
يعنى انا عصبى بس اكيد وقت الخطوبة بحاول متعصبش لكن بعد الجواز مش حبقى قادر امسك نفسي طول الوقت

وبالتالى البنت حتحاول تبان جميلة وشيك ومهذبة وبتسمع الكلام لكن بعد الجواز مش حتقدر تحافظ على نفس الوضع

اسمحلي يا باشا

بس انا شايف ان دي مش امانة من الطرفين كدا !!

و علي ايه كل دا يعني!!!!

**elassar2010** · 10-05-2010 04:07 PM

المشاركة الأصلية كتبت بواسطة أحمد كمال

انت اللي راجل طيب

دي تضحك عليه 5 سنين مش سنة

صباح التفاؤل

المشاركة الأصلية كتبت بواسطة ahmed4000

بلاش نسميه ضحك ولا كذب
دى حاجة طبيعية فى الاتنين انهم يحاولوا يجملوا نفسهم او ميظهروش الجانب السئ
يعنى انا عصبى بس اكيد وقت الخطوبة بحاول متعصبش لكن بعد الجواز مش حبقى قادر امسك نفسي طول الوقت

وبالتالى البنت حتحاول تبان جميلة وشيك ومهذبة وبتسمع الكلام لكن بعد الجواز مش حتقدر تحافظ على نفس الوضع

انا مش بتكلم على موضوع ان البنت تسمع الكلام او الشياكة

انا بتكلم على تدخلات الحماة وخصوصا لما تكون بايعة الدنيا
فانا بقول ان فى بنات بتبقى مش طايقة امها وفى بينهم مشاكل بسبب انها بتدخل فى كل حاجة
فاالبنت دى انا ممكن اتجوزها
واكيد انا هحس بدة خلال الخطوبة مش معقولة هتقدر تضحك عليا وتعمل انها مدايقة(تمثيل)من تدخلات امها سنة او اكتر ومش هحس انها بتشتغلنى
فى وجهة نظرى صعب بس استاذ احمد نسفلى وجهة نظرى

:36

انما لو البنت موافقة على كلام امها يبقى خليها جنب مامى علشان يشبعوا من بعض

**osoliman88** · 10-05-2010 04:32 PM

عزيزي صاحب الموضوع المحترم:
على الرغم من انني لم أقرأ كل التعليقات من الزملاء الأعزاء، انا هأقولك على حاجة واحدة فقط وأنت منها هتعرف المشورة في هذا الموضوع ( على الأقل من وجهة نظري)
ملخص القصة هو أنني منذ تقريبا 14 سنة كنت في هذا الموقف تماما دون أدنى إختلاف، وفي النهاية أكتشفت أن الأم والبنت ما هما الا وجهين لعملة واحدة (واحدة ملك والتانية كتابة) وهذا هو الأساس وما دون ذلك هو الإستثناء ، وإكتشاف هذه الحقيقة لم يستغرق أكثر من سنتين تقريبا ، بل الذي أكتشفته أن البنت في حقيقتها أسوأ من أمها. من الأخر حط الإدرة على فمها تطلع الحبيبية ......من أمها. وأبقى خلى الحب ينفعك، دا الواحد فينا لما بيجي يربي أبنه بيقوله ما تكلمش صاحبك فلان ما تمشيش ما صاحبك فلان لأن أخلاقه مش كويسه ، فما بالك بالبتربي وتعلم، حبيبي الفرق بين الأم والبنت ان الأولى بتشتغل بجهل اما الثانية فده شغل على ميه بيضه وعلى علم. معلش مرة أخرى موضوع الزواج يُأخذ ككل وليس أجزاء.
في النهاية قبل الإعتراضات والمطالبة بعدم التعميم ، ما أقوله هو كلام عام ولا يخص الأخت الفاضلة التي تتكلم عنها فأنا لا اعرفها ، وما أقوله ما هو الإ ارهاصات فرديه من واقع الحياة
والله أعلم

-

-

-

الموضوع: ترضى تتجوز انسانه بتحبها وحماتك طبعها وحش اوي ؟؟

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

المواضيع المتشابهه

نوارة نجم : يا ترضى بحكم الشعب يا ترضى بحكم الجيش يا تقعد ساكت

ترضى تتجوز واحدة كدة ........؟؟؟؟؟؟؟؟؟؟؟؟ظ

ديه معيده عندنا في الكليه...انسانه في قمة الرقه والتواضع ..انا لله وانا اليه راجعون

عربيات مش محبوبة....انت بتحبها

الكلمات الدلالية لهذا الموضوع

المفضلات

المفضلات

ضوابط المشاركة