ترضى تتجوز انسانه بتحبها وحماتك طبعها وحش اوي ؟؟

**أبو عبدالله** · 10-05-2010 12:06 AM

ماهو انت لو عاوز كلام الناس الخبرة
يبقى لازم تقول ايه المشكلة اللي انت شايفها في حماتك علشان نقدر نقولك هتوصل لحد فين وهتستحملها ولا لأ او هتتعدل بعد الجواز ولا لأ
يعني كده كل حاجه ولها حاجه
وربنا يرزقك الزوجة الصالحة ان شاء الله

**ConDoR** · 10-05-2010 12:07 AM

المشاركة الأصلية كتبت بواسطة نور القمر

اولا احسن حاجة عملتها فعلا انك معرفتش اهلك المشاكل دي بجد برافو عليك
ثانيا مدام البنت كويسة ومتعلقة ومتمسكة بيك اوعى تفرط فيها محدش بيلاقي الحب الحقيقي بسهولة
ثالثا مهما كانت حماتك طبعها حامي او وحشة باي مقاييس انت بعد الزواج المتحكم الوحيد في حياتك المشتركة مع زوجتك وساعتها الحماة متقدرش تعمل حاجة اطلاقا لان كل الامور بإيدك ودي تفرق كتير عن حماة الزوجة
اهم من كل الكلام ده صلي استخارة وربنا يوفقك لكل خير يارب

شكرا يا استاذه نور لمشاركه حضرتك بس انا متخلتش عنها والله بس هي حاولت تتسببلي في ضرر كبير وانا والله ربنا بس اللي نجاني لاني مش قاصد حاجه وحشه ولا ضرر بس هو حضرتك تفتكري بعد الجواز مثلا حتسكت ولا حتفضل كدا تعمل مشاكل انا خايف اعيش حياتي كلها في مشاكل والانسان بيتجوز علشان يستقر مش

**M.almaghraby** · 10-05-2010 12:07 AM

المشاركة الأصلية كتبت بواسطة SeiffoZ

بعد متتجوز أسكن بعيد عن حماتك جدا ..

يعنى لو هى ساكنة فى 6 أكتوبر ... إسكن إنت فى التجمع

**ConDoR** · 10-05-2010 12:10 AM

المشاركة الأصلية كتبت بواسطة seiffoz

بعد متتجوز أسكن بعيد عن حماتك جدا ..

يعنى لو هى ساكنة فى 6 أكتوبر ... إسكن إنت فى التجمع

انا والله كنت بفكر في كدا اسافر اشتغل بره مع والدي بس انا لسه راجع مصر قريب وكان نفسي اقعد فيها بغض النظر عن اللي بيحصل واللي الناس بتشتكي منه بس انا تعبت من الغربه

**heshamzaky** · 10-05-2010 12:10 AM

المشاركة الأصلية كتبت بواسطة keemvip

طبعا للطرف التاني الحق تمام في الرد بس الله حضرتك طبعها دا على الناس كلها حتى ولادها تسببت لناس كتير في اذى للاسف انا عارف المفروض متكلمش في الموضوع دا علنا بس انا لازم اتكلم مع حد ومقدرش اتكلم مع اصحابي او اهلي ومش لاقي حد ينصحني ياريت الاذى كان عليا وبس بدافع الخوف والله حقدر جدا كد وانا فعلا مقدركدا وبحترم دا جدا

بص انا دخلت على ملفك الشخصى كل المعلومات انك من طنطا وعندك عربية لانسر يعنى صعب حد يعرفك او يعرف حماتك الا لو كان فية واحد معرفتك يدخل على المنتدى فيقرأ ما تكتبة أنا أقصد انك مثل العميل رقم صفر محدش عارف عنة حاجة فممكن تتكلم براحتك

**ahmed ismail** · 10-05-2010 12:23 AM

بص يا عمونا خدها منى كلمة

اقلب القدرة على فمها تطلع البنت لامها

البنت فى فترة الخطوبة واول سنة من الجواز هى الملاك الطاهر المرفرف اللى مبيتكلمش و بيقول حاضر و نعم و مريح لكن بعد انتهاء فترة الخطوبة و سنة اولى جواز و بعد ما تربطك بالعيال , الطبع يغلب التطبع و هى على ما حسب ما طلعت و شايفة مامتها بتعمل ايه بعد شوية حتلاقيها بتعمل زيها بالظبط

**ConDoR** · 10-05-2010 12:32 AM

المشاركة الأصلية كتبت بواسطة ahmed ismail

بص يا عمونا خدها منى كلمة

اقلب القدرة على فمها تطلع البنت لامها

البنت فى فترة الخطوبة واول سنة من الجواز هى الملاك الطاهر المرفرف اللى مبيتكلمش و بيقول حاضر و نعم و مريح لكن بعد انتهاء فترة الخطوبة و سنة اولى جواز و بعد ما تربطك بالعيال , الطبع يغلب التطبع و هى على ما حسب ما طلعت و شايفة مامتها بتعمل ايه بعد شوية حتلاقيها بتعمل زيها بالظبط

والله اول حاجه فكرت فيها بس هي كلها طالعه لباباها وباباها انسان طيب جدا جدا جدا لابعد الحدود وبعدين حضرتك المثل اتغير وبقا اقبل القدره على فهما يقع الفول منها

**ahmedbasto** · 10-05-2010 12:37 AM

كيمو ازيك يا معلم اية اخبارك بص انا لو مكانك وبحب البنت كدة وهى بتحبنى اووى مش هفرط فيها مهما حصل لن انا مش هشوف حماتى اساسا غير يوم الفرح والمناسبات والاعياد لو انت بتحب البنت اووى خلاص توكل على الله ولا يهمك حد .

**heshamzaky** · 10-05-2010 12:39 AM

المشاركة الأصلية كتبت بواسطة keemvip

والله اول حاجه فكرت فيها بس هي كلها طالعه لباباها وباباها انسان طيب جدا جدا جدا لابعد الحدود وبعدين حضرتك المثل اتغير وبقا اقبل القدره على فهما يقع الفول منها

لا طبعا البنت ممكن طبعا تكون كويسة على رأى المثل يخلق من ظهر الفاسد عالم وعلى فكرة انت تحب البنت بشدة اى أنسان عاقل سيستشف ذلك من اول الكلام وبالمناسبة انت انسان رومانسى شوية الاخوة معنا فى المنتدى من هواة السرعة يا باشا ممكن ان يتفق النعض معك والبعض الاخر لا توكل على الله بس أرجو ان تكون البنت تحبك قدر ما تحبها انت

**salahlanser** · 10-05-2010 12:39 AM

بعد راى الاعضاء اللى مؤيد للاستمرار واللى معارض يا ريت توضح ولو بنبذة بسيطه عن المشاكل اللى اتسببت فيها حماتك علشان نحط ايدينا على جزء ولو بسيط من المشكله
محدش ممكن يحكم على خطيبتك انها زى مامتها ولا لأ الا حضرتك لانك انت المتعايش للموقف وأقرب من اى حد
تعليقى وعن تجربه استمرت 3 شهور خطوبه فاشله (بعيد عنك)
اخاف ان سكوتك على المشاكل اللى بتسببها يوصلها كأنه ضعف منك
مش قادر عليها بمعنى اصح
فأنا رأيى واجهها ووضحلها ان سكوتك هو بسبب احترامها هى كأنها ست فى مقام والدتك وثانيا وضحلها انك شارى بنتها
اما خطيبتك فحاول دايما تعمل لها مثلا اى امتحان من تحت لتحت تشوف رد فعلها ايه لان الخطوبه الزمن ده هى كل واحد بيحاول يظهر احسن ما عنده وبعد الجواز عينك ماتشوف الا النور
(انا عارف ان موضوع الاختبارات فى ناس كتير تضايق منى فيه بس انت بتحاول تبنى بيت وتأسسه مش توجع دماغك بقيت عمرك)
اسف للإطاله وربنا يوفقك ويقدملك اللى فيه الخير