تسلم ايدك يا باشا و شكرا على تعبك بس بردو انا عاوز اعرف ادمج ازاي المشاركات مع بعض اللي اعرفو اني ببلغ الادارة بس ازاي؟نقلا عن gebreel
الحمد لله بعد طول انتظار ركبت حساس الركن و رفعت الصور بعد دوخة
نقول بسم الله الرحمن الرحيم
نزلت اول امبارح رحت عند ادريان مدينة نصر اللي موجود في طريق النصر امام شركة مصريات الصبح و انا نازل مشوار علشان اشوف السينسور بكام و كدة و اشوف قصة ان لون العربية ماكنش موجود و بالصدفة لقيت طقم سيلفر ماكنش عارف انو عندو حجزتو ب 10 جنيه لحد ماجيلو باليل بالعربية و اركبو علشان ادلع لولي. باليل نزلتلو و وصلت علشان اركن بقى طبعا كانت مأساة و ركنت بعيد عن المحل المهم صاحب المحل فضالي مكان قدام المحل بالظبط ركنت فيه و بدأت الرحلة الساعة 9:39 مساء دخلت اخدت السينسور اللي كنت حاجزو
هو كوبرا 4 سينسور بشاشة و دي علبتو من قدام
علبتو من ورا
العلبة اللي فيها السينسورز
نيجي لتاني حاجة البنطة بتاعة الحساس علشان لما اخرم الاكصدام ميتبهدلش بيبقى فيه انواع جاية من غير بنطة فمعرفش ايه نظامها بالنسبة للتخريم في الاكصدام دي علبتها
و دي البنطة نفسها
بيبقالها بوز و مشرشرة من الجناب علشان البوز يسهل دخولها و الشرشرة دي علشان تعمل الدايرة بتاعة الحساس
و بيجي مع الحساس حجات كمان علشان نكمل ال 5 حاجات و هما
- الشاشة
- الاسلاك
- وحدة الحساس الرئيسية
و هصورهالكم انهاردة ان شاء الله بس العربية مش معايا دلوقتي
نيجي بقى للتركيب
بدأ بانو يحدد اماكن الحساسات عن طريق قياس المسافات بين الحساسات و بعضها علشان تبقى في نفس الابعاد بينهم و بين بعض و بدأ يرسم اماكن الحساسات بالقلم الجاف
بعدين راح جايب الشنيور و خرم اماكن الحساسات و كنت مرعوووووووووووب و قلبي بيتقطع كل ماسمع صوت الشنيور
و بعدين قالي افتح كونتاكت و ادي مارشدير و فك الجزء بتاع الفرش اللي في الشنطة اللي ورا الفانوس اليمين علشان ده بتاع المارشدين اللمبة اللي شغالة و قاس بالتيست و قالي اطفي
طفيت راح قشر سنة صغيرة جدا اللي يقدر يلف عليها سلك الباور بتاع السينسور
و بدأ يعدي السينسور من الخروم و يوصل الحساسات على الوحدة الرئيسية بتاعتو و هي متقسمة l و lc و r و rc و دوول بيمثلو اماكن الحساسات علشان لما يجي يعرض على الشاشة اماكن العوائق و هنتكلم عليها بعدين
و بعدين بدأ يوصل يعدي الاسلاك من طبات موجودة في شنطة العربية و ده خلاني بقيت مبسوط جدا من دقة التصنيع بتاعة العربية حتى عاملين حساب لو عاوز تعدي اسلاك تعديها منين
عدى الاسلاك من تحت وربطها بكوليهات علشان ميبقاش فيه اسلاك مدلدلة و بعدين سالني عاوز تركب الشاشة فين قلتلو مكانها راح مركبها و مثبتها بلزق 3m بيجي مع السينسور علشان يلزقو على التابلوه و مد السلك من تحت الكاوتش بتاع الباب علشان ميبقاش فيه اسلاك باينة في العربية خالص لحد ماول ورا راح شاددها من الشنطة على الوحدة الرئيسية على مكان ال lcdاو display موش فاكر بالظبط جرب كله تمام ماشي راح بدا يثبت الوحدة الرئيسية في بطن الشنطة من جوة بلزق بردو 3m بس حجم اكبر للوحدة الرئيسية و قفل و خلص الساعة 10:30 مساء يعني اقل من ساعة
بالنسبة للششة و شكل السينسور هصورهم و ارفهم باليل ان شاء الله و ابينلكم الشاشة كمان في الاوضاع المختلفة
نيجي بقى لمواصفات الجهاز
الجهاز ضمان سنة بيشتغل في كل الظرو الجوية ثلج مطرة ضباب حرارة كلو
بيبدأ يلقت عند مسافة 2 متر و يوقفك لما تبقى المسافة بينك و بين العربية اللي وراك 40 سم
الشاشة فيها سماعة علشان الصوت و هو صوت بني ادمة بتقلك المسافة اللي باقية و في اوبشن انك تحولو بدل الصوت ده يبقى صوت بيب لسة مجربتوش
الشاشة فيها الوان مختلفة بتتغير من مسافة لمسافة بتتدرج من الابيض لحد الاحمر
بالنسبة للتجربة بتاعتو بقى تحس انك ماشي بالسايس بتاعك في كل حتة و متقلقش بقى من اكصدامك هيتجرح ولا لا ولا انك تقعد كل شوية تنزل من العربية تشوف المسافة بينك و بين العربية اللي وراك و هكذا اكنو ركانة بالكهرباء
نيجي بقى للعربية نفسها و بعد مالنور ما جيه عند بيشوي و الدنيا بقت بامبي
ايها السيدات و السادة مع نجمة النجوم لوووووووووووووووووووووووو ولييييي
في فقرتها الجديدة اكصدامات و سناسر
و دي بقى الكونترول يونيت بتاعت السينسور متثبتة بلزق 3m على قد حجمها في بطن الشنطة تحت الفرش بتاعها
و دي الطبة اللي عدى منها السلك من تحت العربية على الشنطة دخل السلك و قفل تاني زي مانتم شايفين
و دي الكلبسة اللي فكها علشان يوصل لاسلاك الفانوس و منهم سلك المارش اللي ركب عليه
الشاشة على شمال الدريكسيون او في اي وضع انتو تفضلوه بردو متثبتة بلزق 3m جاي معاها
الشاشة و انا بعيد و مافيش اي عائق ورايا و المسافة امنة اني ارجع مدية لون ازرق و شكل العربية فيها
الشاشة و المسافة بيني وبين العائق اللي ورايا 1.1 متر مدية لون اخضر و ده بردو امان انك ترجع
الشاشة و المسافة بيني و بين العائق 0.9 متر مدية لون اصفر يعني خد بالك قربت و شايفين ورا العربية مجموعة خطوط مقطعة على اليمين زي على الشمال يعني العائق في نص العربية
الشاشة و المسافة بيني و بين العائق 0.5 متر مدية لون احمر يعني خد بالك هتخبط و شايفين ورا العربية مجموعة خطوط مقطعة على اليمين زي على الشمال بس اكثر من الصورة اللي فاتت يعني العائق في نص العربية و قرب قوي و بعد كام سم تلاقي الست عمالة تصوت و تقلك stop stop stop اكنك دايس على رجليها
و دي كانت المسافي بيني و بين العائق لما قعدت تصوت شايفين مديني براح قد ايه علشان اللي ورايا لو عاوز يطلع ولا حاجة ميخبش فية انا كمان
ان شاء الله يا باشا في اقرب فرصة هصوره و ارفعو بس استحملوني شوية علشان المشروع بتاع التخرج زانقني هفضى و اعملكم اللي انتو عاوزينو كلو ان شاء الله
المفضلات