الموضوع: اخيراًً

المشاركة الأصلية كتبت بواسطة wael_dosoky

في الاول الف مبروك علي السيارة وربنا يكفيك شرها ويرزقك خيرها
ثانياً بالنسبة للسير بالعربية بالورق بتاعها فده ممنوع وممكن تتسحب رخصة سواقتك
انا اتمسكت في لجنة وانا راجع من المعرض بعد إستلام السيارة وكان ورقها كله معايا
المعرض سمير ريان علي الأتوستراد وبيتي في حلوان واللجنة كانت عند المعادي ياعني في منتصف الطريق بعد نصف ساعة من إستلامها
وقالوا لي انه حتي ولو ورقها معاك لازم العربية تكون معلقة نمر علشان لو عملت مشكلة ولا حادثة علي الطريق يعرفوا العربية من نمرتها
والنمر في الحالة دي بتكون نمر تجارية بيأجروها للمعارض في اليوم بي 10 جنيه تقريباً
لكن المعارض بتحتفظ بالنمر التجارية دي علشان لو حد هيشتري العربية وهيتنقل بيها من محافظة لمحافظة او لو ورق عربية هيتأخر شوية
علشان كده خليك في الأمان وما تتحركش بالعربية الأ للترخيص
والله المستعان علي كل الأمور

شكراً على النصيحة بس جات متأخر امبارح وقفت في اللجنة الى في احمد حلمي والضابط قالي الورق الكارثة اني فاكر الورق معايا بس للأسف لم اجده ولغاية دلوقتي ضايع (ايصال الفلوس- اقرار استلام من المعرض) بس الحمد ل الله الضابط طلع محترم اداني الرخص وباركلي على العربية بس قالي ماتعملش كده تاني انت مش وش بهدلة وفعلاً رحت رخصت الناهردة على طول

طب الحمد لله طلع ظابط ابن حلال
ربنا يوقف لينا وليك ولاد الحلال علي طول
ومبروك الرخصة
والمفروض دلوقتي بالرخصة إلي معاك تكلم منصور شيفورليه تقول لهم انك اشتريت العرببة من معرض كذا ورخصتها واقرب فرع منصور شيفورليه ايه؟
علشان تروح تستلم الضمان وتستلم كتالوج السيارة
الضمان هام جدا علشان الصيانة والضمان يجب ان يكون مختوم بختم منصور شيفورليه