الموضوع: اخيراًً

المشاركة الأصلية كتبت بواسطة mmamdouh

سؤال حلو...

دلوقتى العربية اللى عاملة عمرة و تحديدا اللى حصل فيها شغل خراطة لشمايز او كرنك و كدة... اتعمل فيها الشغل دة فى مخرطة فى مصر... و بايد صنايعى مصرى.... يعنى لا المكن اللى عمل الشغل على مستوى المكن اللى فى المصانع بتاعت السيارات ولا مهارة و حرفية العامل تقارن بالمكن اللى شغال بالكمبيوتر او حتى العامل اللى فى المصنع اللى واخد تدريب على اعلى مستى

كل دة فى النهاية يؤدى الى عدم دقة فى اعمال الخراطة و عدم استواء فى سطح الاجزاء المتحركة اللى بتلامس بعضها (طبعا الكلام دة مش باين بالعين المجردة) بالتالى المكنة اللى معمول لها شغل خراطة حتحتاج تللين برفق لان الاسطح المعدنية مش مستوية و مينفعش يتضغط عليها بشكل قوى فى بداية تشغيل المكنة... الكلام دة مينفعش الا لما المكنة تشتغل فترة و يكون حصل تطبيع بين الاجزاء المتحركة و بعضها و تحصل عملية توافق بين الاسطح دى

الكبس القوى فى توقيت بدرى ممكن يعمل احتكاك زائد و بالتالى سخونة فى مكان معين تسبب فى تمدد للمعدن و بالتالى قفش للاجزاء المتحركة و دة حيتلف المكنة

المكنة الزيرو معملة بدقة اكبر بكتير من المكنة اللى معمولها عمرة... دا غير انها تم اختبارها فى المصنع قبل ما تخرج و قبل ما العربية تطلع على الطريق... و فى غالب الامر بتبقى العربية نفسها مشيت بتاع 10 الى 20 كيلو قبل ما تتباع بالتالى عملية التطبيع بتكون قاربت على الانتهاء

معنى كدة ان لو عربية غيرت طقم شمبر فقط و متعملش فيها شغل خراطة برضة حتتلين بالمشى العادى من غير تحسيس او مشى ببطء... انا سالت عن القصة دى على سايت شركة امريكانى مشهورة فى مجال صناعة الشنابر و دة كان الرد بتاعهم:


و كمان كان ليا واحد صاحبى شغال فى توكيل هيونداى قاللى ان تليين الشمبر يستلزم 100 كيلو فقط... و بردة اكد الكلام دة الموضوع بتاع الموتوسيكلات اللى كان الزميل حط اللينك بتاعة

الملاحظة الاهم بقى ان معظم الناس اللى كانت اماشية 80 و بدون تكييف فى اول 1000 كيلو اشتكوا ان عربياتهم بطيئة و سحبها وحش و السرعة القوى بتاعتها قليلة اوى مقارنة بعربيات تانية اقدم من عربياتهم... معنى كدة ان الكلام صحيح

mmamdouh

العربيه الزيرو وخاصه هيونداى بتكون عامله لا يقل عن 50 كيلو قبل ما تتباع دا غير انها واخده بتاع 100 مطب على الاقل الكلام دا بشوفه بعينى يوميا من سواقين هيونداى


اى واحد عايز ياخد فلوس من الفيزا يروح راكب عربيه زيرو مش معلقه نمر ويروح للفيزا الطريق مكسر وفيه مطبات عادى يمشى على الرابع برضوا ويلبس المطب ولا فى اى مشكله ما هى مش فلوسه


ومن كام يوم عربيه منهم مخبوطه من واحد مش عارف هيعملوا معاه ايه