ازاى اعرف ان الكمبوسر بيفصل بعد مايشتغل

**hugan** · 15-05-2010 12:00 AM

على فكره دايرة المروحه الكهربيه ملهاش علاقه بشغل الضاغط وضخه للفريون فى الدايره

يعنى أنت ممكن تشغل المروحه من غير تشغيل التكييف كعملية تبريد
اشكرك علي التوضيح
من كلام حضرتك فعلا الكمبروسر لازم يفصل والا ها يتحرق
اسف لتعبك
سؤال صغير
وانا داخل السياره والتكييف شغال عادي اعرف منين ان الكمبروسر بيفصل ويشتغل لان طبعا الصوت غير واضح

**samirayad** · 15-05-2010 12:05 AM

وانا داخل السياره والتكييف شغال عادي اعرف منين ان الكمبروسر بيفصل ويشتغل لان طبعا الصوت غير واضح

أنا زيك برضه لسه حتأكد من القصه دى

وححاول أشغل التكييف وأنا فاتح الكبوت وأستنى شويه
وأسمع صوت تعشيق وفصل الضاغط

لأننى مقتنع فعلا أنه لازم يفصل ويريح كل شويه

**hugan** · 15-05-2010 12:08 AM

اشكرك جدا
ومنتظر ومتابع

**د.محمود صلاح** · 15-05-2010 12:25 AM

في عمان الموضوع ده واااضح جداً لأنهم ما بيطفوش العربية ولا المكيف لما بيقضوا مصالح سريعة وبالتالي باسمع دايما صوت الكمبريسور وهو بيفصل وبيفصل معاه المروحة الاولى و الثانية لو العربية بردت ..

اغلب العربيات ياباني تويوتا او نيسان

**samirayad** · 15-05-2010 10:56 PM

5- ضغط فريون عالى جدا عن الطبيعى ( نتيجة انسداد ) فال ecu حتعرف من خلال حساس ضغط الفريون و تقوم فاصله الكومبريسور حماية ليه ( لانه حيبوظ لو فى انسداد و يا حيضرب يا حاجة حتكسر )

ملحوظة : يوجد صمام تنفيث فى حالة تلف حساس الضغط و حصل انسداد فى الدورة ادت الى ارتفاع الضغط فال ecu مش حتعرف و مش حتفصل الكومبريسور فيجى دور صمام التنفيث و يهرب الفريون للهواء الخارجى حماية للكومبيرسور و اجزاء الدورة الاخرى زى السربنتينة و المواسير من التلف نتيجة للضغط المفرط بس بعدها السواق لو مخدش باله و فصل الكومبيرسور ممكن يبوظ علشان حيفضل معشق من غير فريون

ممكن تجيبلى الفقره اللى أنت ترجمت منها الكلام ده......

ومن أين سيأتى الأنسداد ..............؟

**elwani123** · 25-06-2013 05:22 PM

السلام عليكم .. مكيف كيا ( ريو 2007 ) لايفصل عند الوصول لدرجة التبريد ؟؟؟ وعندما ذهبت لفني التكييف قالي هذا الموديل من السيارات لايفصل ابد فهل كلامه صحيح ؟؟؟ اخاف ان يخرب الكمبروسور المكيف او ينحرق

**madman2002** · 03-07-2013 04:35 PM

لانسر مكواه بيفصل ... وبعرف لما بيفصل ويشتغل لما سحب العربيه يزيد ويقل :)

**MEMODINA1** · 03-07-2013 07:08 PM

باختصار بسيط لانى الموضوع كبير شوية
دا نظام معظم العربيات الحديثة مش كل العربيات بقول معظم
النظام دا ثابت مع العربية مهما كانت الظروف ذى الكمبيوتر بتاع العربية كدة
بمعنى
السرعة الاولى دى نظامها اتوماتيك يفصل ويشتغل غصب عنك حتى لو العربية نااار من جوة او حتى لو انت لسة بتسخن العربية ولسة مسخنتش برضة هيفصل ويشتغل لانة بدورة لا يكون عبأ على العربية وكذلك استهلاك البنزين
اما السرعة الثانية والثالثة دول نظام معين تانى بمعنى انت كدة بتقول للتكييف الجو حر وعايز برودة يقوم يعمل بدورة ازاى
فى السلانسية بيكون الماتور هادى يقوم التكييف بدورة انى العربية معلهاش حمل فيشتغل على طوووووول مش هيفصل الا اذا زاد الضغط والحرارة عن الطبيعى ودا لو دورة الريداتير سليمة مش هيفصل الا بعد مدة كبيرة ولكن لو تحركت بالعربية يرجع زى السرعة الاولى يفصل ويشتغل اوتوماتيك بس بوقت اكبر من السرعة الاولى تقدر بالثوانى مثلا 30 ثانية شغل و 8 ثوانى فاصل (مثال مش اكثر)

اما السرعة الرابعة انت كدة بتعطى اشارة للتكييف انى الجو جوة نار فيعمل بدورة انة يشتغل على طول سلانسية او ماشى او حارق او اى حاجة مش هيفصل نهائى
الا فى حالة واحدة بس الحرارة والضغط الزائد جدا هنا بيفصل ولما الماتور يبرد يرجع يشتغل باستمرار تاااانى
الخلاصة
السرعة الاولى : تشتغل وتفصل على اى ظروف
السرعة الثانية والثالثة : تشتغل على طول طالما العربية سلانسية ولو الحرارة عليت اوى على السلانسية هنا بس هيفصل ولما تكون ماشى بالعربية هنا بيرجع نظام السرعة الاولى ولكن بمدة اكبر
السرعة الرابعة : بيشتغل على طوووووووول سواء سلانسية او ماشى بالعربية مش هيفصل الا لو الحرارة عليت جدا طبعا مش ريد زون يعنى جت على الاحمر لاة عادى المؤشر فى النص بس عليت بمعنى انة مش قادر يبرد الماتور وهيعلى عن الطبيعى بدرجة مثلا لكن انت مش هتشوف المؤشر طالع عن مكانة لانة قبل ما يطلع هيكون الثرموثتات فتحت وقفلت التكييف ودخلت المية للتبريد فهيكون الوضع طبيعى عندك
ملحوظة لو الدورة التبريد سليمة مش هيفصل الا بعد مدة كبيرة ودا راجع للريداتير اول حاجة

جربنا كذا عربية فيرنا ونفس الكلام هو هو
اتمنى اكون افدتكم بكلامى وعزرا على الاطالة ..؟