الى خبراء البولو

**wadmad** · 10-05-2010 04:22 PM

[overline]
السلام عليكم و رحمة الله و بركاته
ارجو منكم المساعدة..فى شخص عارض سيارة بولو للبيع بيقول ان هى موديل 2006 رحت اعاينها لقيتها الشكل القديم (2001)استغربت و سألته المفروض ان الشكل اتغير قال ان العبيية دى جاية من ألمانيا كدة تقفيل ألمانى
هل فعلاً نزل من الشكل القديم موديل 2006 ولا الراجل دة بيضحك عليا أرجو سرعة الرد لأهمية الموضوع..المفروض هروحلو تانى اليوم

و آسف على الاطاله
[/overline]

**mesho_kimi** · 10-05-2010 04:39 PM

شوف الرخصه وقوله يجيبلك شهادة بيانات من المرور ، وكمان لو ماتورها 1.0 يبقى مش 2006 نهائي وكمان أنا اعرف البولو بتتقفل فى أسبانيا

**wadmad** · 10-05-2010 05:58 PM

المشاركة الأصلية كتبت بواسطة mesho_kimi

شوف الرخصه وقوله يجيبلك شهادة بيانات من المرور ، وكمان لو ماتورها 1.0 يبقى مش 2006 نهائي وكمان أنا اعرف البولو بتتقفل فى أسبانيا

هى فعلاً 1000cc بس هو اكيد مش هيقول سنة غير اللى فى الرخصه ...ناس قالولى انه ممكن يكون دافع فى المرور .. هل الكلام ده ممكن يكون حقيقى و شكراً على سرعة الرد

**original** · 10-05-2010 07:41 PM

هات ال vin number بتاع العربية
رقم الشاسيه يعنى وهتلاقى فيه كل البيانات المطلوبة
هاته ونترجمه سوا..

**M.Mostafa80** · 10-05-2010 07:52 PM

رقم الشاسيه زى ما قال محمد هتلاقيه فى صدر العربيه لما تفتح الكبوت
هتلاقى فبره باغ شفاف على الشمال وأنت وشك للعربيه وهتلاقيه حروف وأرقام وكل حرف ورقم ليه دلاله
بس بصراحه مش مرتاح لكلام الراجل ده وكلامه مش منطقى خالص
خلى بالك عشان فى حوار كبير ممكن يكون معمول ماتتسرعش وهتلنا رقم الشاسيه
وفى موضوع محمد أورجينال كان عامله ممكن من خلاله نتأكد العربيه دى فعلا زى ما بيقول ولونى أشك بنسبه 99.9فى الكلام ده

**kangaro** · 11-05-2010 12:33 AM

طيب العداد عامل كام .. وحالتها العامة ايه ؟

**elshrpeny** · 11-05-2010 03:47 PM

بس فى حاجه يا جماعه كنت عايز اقولها
ممكن يكون الكلام دا فى شىء من الصح بمعنى ان ممكن يكون مثلا كلام معين هو الى ينطبق على قصده والباقى تهويل .

مفهمتوش حاجه صح ؟

مثال : يعنى مثلا فى عربيات بولو 2001 نازله الطابلوه مقسوم يعنى النص الفوقانى أسود والباقى رمادى بما فيهم الفتيس والابواب تمام ؟ ودا العادى وبيبقى فرش كراسيهم مقسوم لونين برده تقريبا أسود فى رمادى او رمادى غامق فى فاتح تمام ؟

فى بقى دفعه كانت نزلت كراسيها أزرق فى رمادى و بسنتر ( ممكن يكون بلدى مش متأكد ) لو حد يعرفها تمام ؟ ( زى عربيتى )
دى كان واحد صاحبى معاه عربيه منهم برده قالى على فكره العربيات دى2003 بس هيه نازله بموديل ال 2001 شكلاً وأسماُ انما هيه تصنيع 2003 . فاهمينى ؟ فاممكن يكون دا المقصود من كلام الراجل والله أعلم , فمش عايزيين نظلم الراجل قبل ما نتأكد بس .