استشاره من خبراء البولو

**patrek** · 21-04-2011 09:38 PM

انا معايا بولو 99 موتور 1000 كنت عايز اسقط ال1400 ممكن اللى عمل الحركه دى ابل كده يقلى ايه النظام ؟؟ مع العلم انى سألت كتير قالو ان الموتور ده بينزل على نفس الفتيس والعفشه عندى بس كنت عايز اللى ليه تجربه مع الموتور ال1400 يقلى ايه الكلام ؟؟ عشان انا محتاج سحب اعلى وخصوصا عند تشغيل التكييف

**Quarks** · 24-04-2011 02:52 AM

انا هستأذنك فى سؤال مهم جدا بالنسبالى :: هو الماتور ال 1000 سى سى شكله ايه بالظبط لسبب بسيط جدا انا معايا كوردوبا وهى نفس ماتور البولو ومكتوب فى الرخصه 1000 سى سى بس انا دورت على النت واكتشفت ان الماتور اللى عندى هو 1400 سى سى حتى صاحب العربيه بيقولى ده 1000 سى سى بس هو خبرته قليله المهم انا الماتور بتاعى 2 كامه 16 صمام وطالع من الوش بتاعه ماصورتين لونهم ميتالك وفى النص بوجيهات واسمع ان ال 1000 سى سى اللى بينرل فى البولو هو عباره عن كامه واحده ومفيش ماصورتين ولا حاجه ممكن توصفلى الماتور اللى عندك ويا سلام لو عندك صوره و انا عندى صوره للماتور بتاعى ال 1400 بس مش عارف ارفها ممكن توصفلى اعمل كده اراى

**sohagy** · 26-04-2011 12:29 AM

أعزائي أعضاء منتدى البولو بعد التحية
عندى مشكلة و أرجو الاستفادة من خبرة حضراتكم : أثناء السير بالعربية تنزل العدادات للصفر و أشعر بهبوط خفيف في السحب
ثم تعود العدادات للقراءة مرة أخرى و تتكرر هذه العملية؟ هل لدى حضراتكم أي تفسير ؟و شكراً

**sohagy** · 26-04-2011 12:34 AM

آسف نسيت أقول لحضراتكم البولو السابقة مو 1997 موتور 2003 --- 1300 - سي سي

**wael_mega** · 27-04-2011 12:51 AM

المشاركة الأصلية كتبت بواسطة sohagy

أعزائي أعضاء منتدى البولو بعد التحية
عندى مشكلة و أرجو الاستفادة من خبرة حضراتكم : أثناء السير بالعربية تنزل العدادات للصفر و أشعر بهبوط خفيف في السحب
ثم تعود العدادات للقراءة مرة أخرى و تتكرر هذه العملية؟ هل لدى حضراتكم أي تفسير ؟و شكراً

انا عابزك تفول العربية بنزين 92 وشوف عشان كان حصلى موقف مشابه بس كانت بتبطل على الغيار الى انا واخدو وغيرت البنزين الحمدلله تلاشت هذة المشكلة

**M.Mostafa80** · 27-04-2011 08:28 PM

المشاركة الأصلية كتبت بواسطة quarks

انا هستأذنك فى سؤال مهم جدا بالنسبالى :: هو الماتور ال 1000 سى سى شكله ايه بالظبط لسبب بسيط جدا انا معايا كوردوبا وهى نفس ماتور البولو ومكتوب فى الرخصه 1000 سى سى بس انا دورت على النت واكتشفت ان الماتور اللى عندى هو 1400 سى سى حتى صاحب العربيه بيقولى ده 1000 سى سى بس هو خبرته قليله المهم انا الماتور بتاعى 2 كامه 16 صمام وطالع من الوش بتاعه ماصورتين لونهم ميتالك وفى النص بوجيهات واسمع ان ال 1000 سى سى اللى بينرل فى البولو هو عباره عن كامه واحده ومفيش ماصورتين ولا حاجه ممكن توصفلى الماتور اللى عندك ويا سلام لو عندك صوره و انا عندى صوره للماتور بتاعى ال 1400 بس مش عارف ارفها ممكن توصفلى اعمل كده اراى

مهو فى موتور 1000 2 كامه 16 صباب حضرتك قلت العربيه موديل كام

**M.Mostafa80** · 27-04-2011 08:31 PM

المشاركة الأصلية كتبت بواسطة sohagy

أعزائي أعضاء منتدى البولو بعد التحية
عندى مشكلة و أرجو الاستفادة من خبرة حضراتكم : أثناء السير بالعربية تنزل العدادات للصفر و أشعر بهبوط خفيف في السحب
ثم تعود العدادات للقراءة مرة أخرى و تتكرر هذه العملية؟ هل لدى حضراتكم أي تفسير ؟و شكراً

راجع سلوك الأرضى وقيس شحن الدينمو ممكن يكون فى ارضى بيهرب وخصتا اللى راكب فى جسم الفتيس وفى الشنطه من ورى وممكن اللى تحت الكونسوله بتاعت عصايه الفتيسولو البوابه عاده سنفر الفرده بتاعت الأرضى اللى راكبه فيها

**M.Mostafa80** · 27-04-2011 08:33 PM

المشاركة الأصلية كتبت بواسطة sohagy

آسف نسيت أقول لحضراتكم البولو السابقة مو 1997 موتور 2003 --- 1300 - سي سي

1400 بقى مش 1300 ومعلش سؤال هل الساعه وعداد الكيلو متر بيرجع لأصفار هو كمان فى الحركه دى

**patrek** · 27-04-2011 11:31 PM

محدش قلى ايه رائيه فى الموتور ال 1400 يا جماعه ؟؟؟؟

**OSaMa.GHaMrY** · 27-04-2011 11:41 PM

انا معايا بولو 2001 متسقطلها ماتور 1400 16 صباب
انا بصراحه مجربتش العربيه على الماتور ال 1000
لكن العربيه سحب وجرى زى الفل ومع التكييف بتأثر شويه لكن كويسه بردو
وبحس انها بالليل بتسحب احسن من عالظهر كده فى الحر
الماتور اتسقطلها عند سيد جولف فى الحرفيين