ممكن يا جماعة من فضلكم تبطلوا الجدال اللى انتم بتعملوه ده.....
يا أخ هيما... أنا كلامى معاك كله بالمنطق و بمنتهى الهدوء.. و أنا ماقلتش انك مارديتش على..
أنا كل اللى بأقوله ان ناس غيرى كلموك كتير و بعتولك رسايل بس للمشورة مش علشان حاجة تانية... و انت لا رديت ولا فكرت تكلمهم.. و يا سيدى ربنا يقويك و يعينك على شغلك و بيتك.. و عمر ما حد طلب ولا من حقه انه يطلب منك انك تهمل بيتك ولا شغلك علشان خاطره...
احنا كلنا اخوة و مسلمين و موحدين و رسولنا الكريم قال" كان الله فى عون العبد مادام العبد فى عون أخيه"
و أستأذنك لما تحب ترد على كلامى كلمنى بالمنطق و رد على كلامى كله.. أنا كل كلامى الموجه ليك مافيهوش كلمة واحدة فيها هجوم أو حدة .. هى مجرد أسئلة أو استفسارات و بس...
و بصراحة مش فاهم قصدك ايه بكلمة " ربنا يسامحك" .. يا رب يسامحنا كلنا .. بس الكلمة دى بتقولهالى ليه..
و برضه مارديتش على لما سألتك هل من اللائق انك تقول " الحمد لله يمكن علشان أنا بتقى ربنا و ربنا عالم بسريرتى ماخزلنيش فى العربية" .. و انت كاتب الجملة دى فى موضوع كل الناس اللى مشاركة فيه عربياتها فيها مشاكل..
أنا قابلت الناس دى كلها و كان باين ولله الحمد"سيماهم فى وجوههم" كلهم ناس محترمين و بيتقوا ربنا بس ربنا ابتلاهم ان فى عربياتهم مشاكل.. ايه علاقة اللى بنتكلم فيه بتقوى الله...!!!
طب ينفع أرد عليك و أقوللك " ان الله اذا أحب عبدا ابتلاه" وان ربنا بيحبنى أكتر منك...
يا سيدى الفاضل مافيش داعى نخلط الأمور ببعضها.. علاقتنا بربنا دى حاجة خاصة بكل واحد فينا..
و كلامك ده فيه شيىء من التجريح الغير مباشر...
و فى الاخر أنا قلتلك ايه اللى زعل الناس منك.. احسن تكون فاكر ان فى حد زعلان ان عربيتك كويسة و عربيتة وحشة.. و دى أهم نقطة حبيت أوضحها...
المفضلات