اقتباس المشاركة الأصلية كتبت بواسطة أبو صلاح مشاهدة المشاركة
يا أستاذ محمود
تحية طيبة ليك
انا مش معايا العربية دي ولكني معجب بيها جدا
مش ده المهم
المهم بقى
انا لفت انتباهي ان ده تاني موضوع (الاول بتاع المقابلة)
اللي تطلب من الاعضاء ارقام تليفوناتهم
ومصر ان الموضوع يبقى سري؟
وده انا مش فاهم ليه ؟
وبرضه كأنك بتعاقب الناس اللي مقدرتش تيجي معاكم المقابلة برضه مش عارف ليه ؟
مش كل الناس ظروفها زي ظروف حضرتك رغم انك قلت ان مسافة السفر 440 ك تقريبا لكن ظروفك تسمح

الصح في وجهة نظري ان الموضوع يكون مفتوح للنقاش العام او يكون عندك مخطط تقوله والناس تشترك معاك فيه
زي الموضوع بتاع السيراتوا بالظبط اللي عمله الدكتور أحمد سامي
ورغم ان الموضوع واقف ولا تحرك ولا جديد الا ان الناس كلها مبسوطة بالمجهود اللي اتعمل
والراجل كانت فكرته واضحة جدا قبل التنفيذ وكله وافق عليها

ياريت بلاش السرية الزيادة على اللزوم دي
احنا بنتكلم عن عربياتمش عن متفجرات
وخد بالك ده هيشجعني لما اجي احكي لحد صاحبي معاه العربية ويشوف الخطة هيتشجع انه يدخل غير لما اقوله واحد على المنتدى عامل موضوع سري ومطلوب منك تبعتله رقم تليفونك
ده منطق برضه ؟
أخي الفاضل الموضوع ولا سر ولا حاجة الناس هنا عاوزة تعرف بالتفصيل الممل بصورة غريبة
اية السر واية المستخبي الناس متعرفوش ؟؟؟ ممكن تجاوب ؟؟؟
العربية فيها مشكلة الناس كلها عارفاها وهية السكة اتجمعنا ورحنا التوكيل المهندس هناك قال مفيش عيب
اتصلنا بالشرطة و حضرت والمهندس قال نفس الكلام وعملنا محضر في قسم الشرطة بالكلام الي قالة المهندس
بعد كدة حنروح حماية المستهلك بالمحضر لما يطلع حشان يشوفو حل

الكلام دة انا قلتة عشرين مرة


اية بقي المستخبي ؟؟؟؟؟؟؟؟؟؟؟؟؟؟؟؟ حد يرد عليا
وبالنسبة لرقم التلفون لازم الم الناس بالتفون عشان المكسل لما اكلمة علي التلفون ميكسلشي ويجي معنا

مستني ردك اخي الفاضل