الموضوع: هو الايرباج بيفتح على سرعة كام

[QUOTE=mrsailor;3872642148]

المشاركة الأصلية كتبت بواسطة BlackBerry

انا قصدى جوه البلد لان ممكن خبطة خفيفة تفتحه و ساعتها مش حاتقول حياتى اغلى حاتقول ياريتنى .. علشان تخيل البهدلة اللى العربية حاتبقى فيها و التكاليف لانها حاتبقى تمن ايرباج و دريكسيون و تابلوه .. انما فى السفر و الطرق المفتوحة اوكى ركب الفيوز تانى .. و الدليل ان فى عربيات فيها اوبشن انك تعمل الايرباج on و off

داخل او خارج البلد مش مفضل الفكره بصراحه...لان ممكن الواحد ينسى او يكسل. وعارف التكاليف الخ بس مازلت عن رايي تمن العربيه كلها مش اغلى مني ولا من الارواح اللي معايا لا قدر الله ممكن احتااج الايرباج في وقت وانا فاصلها وناسي؟؟! طيب ليه مش نشوف السبب ونحاول نتجنبه؟ الحمدلله مغير فوق ال 4 عربيات والايرباج ولا مره فتح عندي, لانني ببساطه بحاول اسيب مسافه تقريبا متر بيني وبين اللي قدامي, يعني مش لازم الزق فيه, بلاعه مفتوحه او كدا اكيد هاتشوفها يعني وهاتبقى بارزه وواضحه في الطريق؟ حد وقف فجاه قدامك حلها انك تسيب مسافه ودي من اساسيات تعليم القياده اصلا والحمدلله معاك فرامل و ABS. شايف ان معالجه السبب ارخص وافضل وآمن اكثر من ان اعرض نفسي او الارواح اللي معايا لاي خطر.

تحياتي لك اخي الكريم,

المشاركة الأصلية كتبت بواسطة mrsailor

ريح دماغك و افصل الفيوز بتاعه .. لان لو فتح بسبب حادث بسيط حايكلفك كتير قوى .. دريكسيون و تابلوه و بلاوى .. شوف صفحة الفيوزات فى المانيوال بتاع العربية وحدد فيوز الايرباج و شيله علشان مايشتغلش .. و لو مسافر ابقى ركب الفيوز تانى حايشتغل .. أأمن لان مثلا لو خبط سور او رصيف او حد قدامك خبطة مش حاتضرك ممكن تكلفك كتير قوى علشان موضوع الايرباج لما بيفتح

تصدق فكره فصل الفيوز دى فكره حلوه
لان انا شايف فعلا انك لو جوه البلد ورابط الحزام وخبط خبطه بسيطه اعتقد حزام الامان وحده كافى انه يحميك بفضل الله طبعا( طبعا ربنا هو الحامى والحارس من كل سوء)
بكده يبقى انت فى السليم وكمان ريحت دماغك من مشاكل ما بعد فتح الايرباج
اما طبعا على الطرق السريعه مفيش كلام انه يتركب تانى
لكن اللى بينسى كتير فمايشلوش خالص (جل من لايسهو)

ويارب يحفظنا كلنا ويحفظ عربياتنا من كل سوء وما نحتاجش لحزام امان ولا ل اير باج

[QUOTE=mrsailor;3872642148]

المشاركة الأصلية كتبت بواسطة BlackBerry

انا قصدى جوه البلد لان ممكن خبطة خفيفة تفتحه و ساعتها مش حاتقول حياتى اغلى حاتقول ياريتنى .. علشان تخيل البهدلة اللى العربية حاتبقى فيها و التكاليف لانها حاتبقى تمن ايرباج و دريكسيون و تابلوه .. انما فى السفر و الطرق المفتوحة اوكى ركب الفيوز تانى .. و الدليل ان فى عربيات فيها اوبشن انك تعمل الايرباج on و off

[warning]يا باشا ارجوك ماتنصحش حد بالفكره ديه [/warning]

لان فعلا حياة البنى ادم اغلى من اى شئ مش تمن ايرباج

اولا الايرباجز اهميتها مش متعلقه ب القياده داخل المدن او على الطرق السريعه .. و حتى بفرض ما الطرق الى جوه البلد ديه ما احنا ساعات بنمشى بسرعات 70 و 80 و 100 كمان ...

تخيل اصابه حد عزيز باصابه خطيره لاقدر الله نتيجه اصطدام رأسه فى الزجاج او التابلوه بقوه فى حادث تصادم و العربيه مجهزه بايرباج و احنا فاصلينه فمفتحش ؟

الحاجه التانيه العربيات الى فيها خاصيه لوقف عمل الايرباج ... ده بيكون ل ايرباج الراكب فقط ... و ده فى حاله وضع كرسى الطفل فى المقعد الامامى .

الحاجه الاخيره فى حالات فتح الايرباج ... على الاقل فى الجين2 او الواجا التابلوه مش بيتغير الى بيتغير الطاره و غطاء ايرباج الراكب ... لكن التبلوه مش بيتغير نتيجه لفته الايرباج .

طبعا فى الاول و الاخر احنا ماشين بستر ربنا و حمايته . بس الى اقصده طلاما العربيه فيها وسائل لزياده الامان يبقى ماجيش انا الغيها .

حادث من نصف ساعة جين 2 2008 طلعت رصيف وبدون ربط أحزمة الأمان نتج عنها
-1- 2 ايرباج فتح
-2- شرخ زجاج أمامي
-3- شرخ كارتيرة زيت
-4- كابوت العربية مش بيتقفل
-5- الأغطية الجانبية لأحزمة الأمان نطرت للخارج وأحزمة الأمان مشدودة لا تخرج من مكانها
الرجاء الإفاده بالأسعار ومكان سعره معقول لقطع الغيار والصيانة
وفي الحالة دي بنغير إيه في التابلوه ولا هو بالكامل بيتغير أرجو المساعدة بأسرع وقت ولكم وافر الشكر

المشاركة الأصلية كتبت بواسطة youssef2006

حادث من نصف ساعة جين 2 2008 طلعت رصيف وبدون ربط أحزمة الأمان نتج عنها
-1- 2 ايرباج فتح
-2- شرخ زجاج أمامي
-3- شرخ كارتيرة زيت
-4- كابوت العربية مش بيتقفل
-5- الأغطية الجانبية لأحزمة الأمان نطرت للخارج وأحزمة الأمان مشدودة لا تخرج من مكانها
الرجاء الإفاده بالأسعار ومكان سعره معقول لقطع الغيار والصيانة
وفي الحالة دي بنغير إيه في التابلوه ولا هو بالكامل بيتغير أرجو المساعدة بأسرع وقت ولكم وافر الشكر

أولا الحمدلله على السلامه...وان شاء الله يكون الجميع بخير...الحديد يتعوض

ممكن يكون السبب بانها 2008؟ ممكن يكون حصل تغييرات في الموديلات اللاحقه والحديثه؟ الله اعلم ولكن هذا الكلام المذكور في الكتالوج والمواقع الاجنبيه والتوكيل.

والشرخ والاشياء الاخيره نتيجة الارتطام الشديد فوق الرصيف...

حسب كلام الاخ مهاب بالاعلى ان في الجين 2 اللي ها يتغير ال 2 ايرباج والطاره فقط, بالاضافه للاشياء الاخرى المشروخه...

كان الله في العون وحمدا لله على السلامه مره اخرى..واحترس من الطرق...من يومين كنت هالبس في جزيره ممتده حوالي متر ونص في طريق سريع ازاي مش فاهم...الحمدلله على كل حال..