هو الايرباج بيفتح على سرعة كام

**mah_malik** · 13-05-2010 01:48 PM

السلام عليكم
انا كانت بمة الاير باج معلقة وروحت التوكيل صلحوها وسالت المهندس انت صلحتها ولا فصلتها قالي ماتقلقش زي عاده المصريين

المهم ازاي اعرف ازاي انها شغالة او مفصولة

وشكرا

**Olfat** · 14-05-2010 12:12 AM

المشاركة الأصلية كتبت بواسطة blackberry

أولا الحمدلله على السلامه...وان شاء الله يكون الجميع بخير...الحديد يتعوض

ممكن يكون السبب بانها 2008؟ ممكن يكون حصل تغييرات في الموديلات اللاحقه والحديثه؟ الله اعلم ولكن هذا الكلام المذكور في الكتالوج والمواقع الاجنبيه والتوكيل.

والشرخ والاشياء الاخيره نتيجة الارتطام الشديد فوق الرصيف...

حسب كلام الاخ مهاب بالاعلى ان في الجين 2 اللي ها يتغير ال 2 ايرباج والطاره فقط, بالاضافه للاشياء الاخرى المشروخه...

كان الله في العون وحمدا لله على السلامه مره اخرى..واحترس من الطرق...من يومين كنت هالبس في جزيره ممتده حوالي متر ونص في طريق سريع ازاي مش فاهم...الحمدلله على كل حال..

بارك الله فيك ومشكور على الرد وعموما الموضوع مازال قيد البحث والفحص لأنه فعلا مكلف جدا وقريبا سأوافيكم بالاخبار والأسعار

**Olfat** · 14-05-2010 12:30 AM

المشاركة الأصلية كتبت بواسطة MohabSaeed

قدر الله و ماشاء فعل

ونعم بالله قضى أخف من قضى ومشكور للمساعدة

طلاما الايرباج فتح يبقى حتحتاج

2 ايرباج +طاره دركسيون + القشره الى فوق ايرباج الراكب " وديه مش حتلاقيها غير فى التوكيل بس "
سينسور ايرباج

سؤال بعد إذنك بالنسبة للـ 2 ايرباج أنا سألت عليهم عند أمير وجوزيف قالوا 5000 الاثنين بس أنا نسيت أسأل هو الايرباج بيتباع بالسينسور ولا من غير لاني مسألتش عنه وافتكرت انه كده كده بيجي مع الايرباج

احزمه امان اماميه

هي أحزمة الأمان كده لازم تتغير ولا ممكن تتصلح

-----------------

حتضطر تفك كارتيره الزيت علاشان تلحمها " بس لازم حد فاهم كويس جدا جدا علاشان مايبوظش حساس الزيت

كارتيرة الزيت 1350 جنيه من أمير وجوزيف
ايه رأيك اللحام مالوش مشاكل فيما بعد ولا ايه ولو اللحام مع الفك والتركيب تقريبا تعملها كام

-----------------

وعموما انا هتابع معاكم بالامور اللي وصلت لها يمكن افيدكم واستفيد

**gearone11** · 14-05-2010 05:15 AM

الحمدلله الله على سلامتك واسف انى مشركتش غير لما حصلى نفس الموضوع بالظبط
الاتنين ايرباج فتحو عندو بسبب الرصيف والاحزمة ضربت مع اني مكنتش رابط الحزام اصلاً
انا عربيتى برسونا 2010 ولسه معملتش 10000 كم وبصراحه مش عايز اعملها غير فى التوكيل وياريت لو حد يعرف هتتكلف كام فى توكيل عشان ترجع زي مكانت.
شكرا

**mido_soliman** · 14-05-2010 11:21 AM

المشاركة الأصلية كتبت بواسطة gearone11

الحمدلله الله على سلامتك واسف انى مشركتش غير لما حصلى نفس الموضوع بالظبط
الاتنين ايرباج فتحو عندو بسبب الرصيف والاحزمة ضربت مع اني مكنتش رابط الحزام اصلاً
انا عربيتى برسونا 2010 ولسه معملتش 10000 كم وبصراحه مش عايز اعملها غير فى التوكيل وياريت لو حد يعرف هتتكلف كام فى توكيل عشان ترجع زي مكانت.
شكرا

ربنا يعوض عليك ان شاءالله بس الواحد محتاج شوية تفاصيل لان الموضوع محير شوية ؟ هوة حضرتك دخلت فى رصيف على سرعة طب تقريبا السرعة كانت قد اية ؟
اية الخساير اللىى حصلتلك غير فتح الايرباج ؟؟؟؟ علشان بردوا نقدر نعرف السرعة دى

وثالثا انا من رائى فعلا ان الواحد يشيل الفيوز المقرف دة لان لو كل واحد ريح على رصيف والايرباج فتح حتبقى مشكلة والمشكلة الاكبر ان تغيير التابلوة بالشىء الفلانى
تحياتى

**gearone11** · 14-05-2010 05:14 PM

لا انا مريحتش عليه انا طلعت عليه مش عارف السرعه كانت كام بالظبط بس مكنتش كبيره كنت جوه البلد هو فى خساير من تحت لسه معرفتهاش بالظبط بس اكبر خسار هتبقى الايرباج

**Olfat** · 14-05-2010 11:11 PM

المشاركة الأصلية كتبت بواسطة gearone11

لا انا مريحتش عليه انا طلعت عليه مش عارف السرعه كانت كام بالظبط بس مكنتش كبيره كنت جوه البلد هو فى خساير من تحت لسه معرفتهاش بالظبط بس اكبر خسار هتبقى الايرباج

زيي بالضبط طلعت على جزيرة
عربية نقل في اليمين بطلع منها على الشمال لقيت نفسي طلعت على بداية الرصيف الفاصل بين الحارتين الرايح والراجع والايرباج فتح قبل ما أفهم فيه ايه والخساير بالهبل
بس الايرباج عمل حرق في اليد مكان المعصم الشمال ولغاية دلوقت مش عارف الحرق ده من ايه وايه المادة اللي بتطلع من الايرباج دي هي بودرة ولا دخان ولا محصلش معاك كده