انا سئلت عفشجى عشان السيارة الواطية لماتحك قال ممكن تركب (صداد مساعد) وقالى ان فى ناس متعرفوش بس مهما كانت السيارة محملة متحكش فى المطبات وطبعا انا معرفش فى هذا قولت اسئل اهل الخبرة ؟
عرض للطباعة
انا سئلت عفشجى عشان السيارة الواطية لماتحك قال ممكن تركب (صداد مساعد) وقالى ان فى ناس متعرفوش بس مهما كانت السيارة محملة متحكش فى المطبات وطبعا انا معرفش فى هذا قولت اسئل اهل الخبرة ؟
اول مرة اسمع عن الموضوع ده
بس من اسمه حيكون مصد يمنع المساعد انه ينضغط لاخر مشواره بالتالى فعلا عمر ما العربية ما حتوطى عن الحتة الى حينضغطها المساعد لغاية لما يصد فى الصداد
و ده الصراحة فى رايى كارثة لان بكده انت حتغير مواصفات العفشة يعنى كانك ركبت مساعد اقصر
وده حيدغدغ العربية لو دخلت فى مطب جامد
فائدة المساعد انه بيمتص الصدمة يعنى عامل زى منفاخ العجلة لو ضغطت عليه بسرعة بطيئة حيقاومك بقوة مقاومة صغيرة لكن لو زودت سرعة الكبس قوة مقاومته حتزيد و لو عملت الموضوع الى انت بتقول عليه و جيت خدت مطب كان يستدعى انضغاط المساعد لمسافة اكبر من مسافة الصداد فحيحصل انه حيمتص جزء بسيط من الصدمه و الجزء الباقى حينقلها الصداد لجسم العربية و الركاب
الحكاية كلها عبارة عن .......
كوتشة زى كوتشة الميزان اللى بتركب فى صدر العربية وبيحطها قبل مبيقفل المساعد فية من جوة عشان فى الاخر يكون قصدة لما المساعد لما يضغط جامد ينزل بس فى اخر مشوار الدخول هيصد الكباية اللى فوقيها البطاحة فى الكوتشة اللى حتطها فى جسم المساعد الخارجى بـــــــس ودة لو كان المساعد اى كلام بس لو حاجة جمدة زى المنرو ومع يايات كويسة هيكون افضل بالتاكيد ....
فى رأيى المتواضع انك مش محتاج تركب اى صدادات ولا علايات مع تغيير مساعد جديد،، تجربتى انى غيرت أربع مساعدين فى العربية وهى كانت راكبلها علايات وانا مكنتش حابب العلايات أول مشيلتهم وركبت المساعدين الجداد العربية ظبطت نفسها على الأرض وبقى علوها طبيعى ومبتحكش فى مطبات ولا دياولو انت بس تأمن نفسك فى المطبات وتاخدها بالجانب اى كانت وتتعود على كدا علشان متجيش تاخد مطب مؤذى من مطباتنا وانت مش واخد بالك فنصيحة من اخ بلاش تركب حاجة مش بتاعت العربية ولا العربية مش نازلة بيها من المصنع.
مفيش عربية واطية , و المُصنّعين بيبقوا عاملين حسابهم على إن المطبات بيبقى ليها مقاييس زي إن المفروض عرض المطب يكون مترين و أقصى إرتفاع من الوسط يكون 15 سم (على حد علمي) ,
طيب حد يقوللي مين في مصر بيلتزم بكده ولو حد لقى مطب واحد بالمقاييس دي يقوللي هو فين .... :)
المهم ده معناه إنك لازم تحاسب في المطبات قوي و تتأكد من كفائة المساعدين ,
انا مركب علايات في المساعدين الخلفي -- كاوتش بعرض 1 سم على شكل o , و بعد ما ركبتهم حسيت بتحسب كبير في المطبات ,
و بالنسبة للثبات لغاية 140 محستش بأي مشكلة ....
هو ده اللي تقصدوه يا جماعة؟
http://i165.photobucket.com/albums/u...4/DSC00400.jpg
لو هو ده اللي تقصدوه فأنا مركبهم عندي على اليايات الأمامية وفعلا حسنوا أداء العفشة بشكل ملحوظ والعربية بقت أثبت في الملفات.
مصنوعين من السليكون وهم كوري وانا اشترتهم من اسكندرية بـ 75 جنيه الجوز بس مش نفس الماركة اللي في الصورة دي بس نفس الشكل واللون.
بيركبها العفشجي في نص ساعة او ممكن تركبهم بنفسك.
بس في منهم مقاسات عشان تناسب مقاسات اليايات المختلفة ولازم تختار المقاس المناسب ليايات عربيتك.
بيعلوا العربية شوية بس بيريحوا بعد كام يوم ويبقى العربية شكلها طبيعي
أعتقد انها فكرة كويسة للناس اللي اليايات عندهم ناعمة شوية بس بشرط ان العفشة تكون سليمة 100% وليست متهالكة.
بيكون شكلهم بعد التركيب كده:
http://i165.photobucket.com/albums/u...4/DSC00427.jpg
ياتري فعلا
دي العلايات الي انته مركبها يا أستاذ اكرم
ولا انت قصدك حاجه تانيه
وياتري ياجماعه
بتركب علي كله ولا الانوس ليها حاجه والمتيز مثلا حاجه وهكذا
متااااااااااااااااابع
لسه ياجماعه محدش ناوي يقولنا
هيا دي شكل العلايات ولا دي حاجه تانيه
متاااااابع
العلايات دى شكلها محترم جدا
ياريت نلاقيها فى القاهرة انا لما دورت ملقيتش الا النوع اللى بيركب تحت السوستة نفسها والجوز ب 40 جم
دى مش علايات... دى صدادات
العلايات بترفع مستوى العربية عن الارض و دة غلط... الصدادات دى بتمنع ان السوستة تنضغط للاخر و بالتالى بتقلل المدى اللى بتتحركة العفشة لاعلى و اسفل
MMamdouh
من ناحية المطبات هى حتقلل الاحتكاك بالمطبات لانها بتمنع هبوط العربية بشدة... بالنسبة للاداء فا اعتقد ان العربية حتبقى مش مريحة لان الكاوتش حيصد السوستة كل ما العربية تنزل جامد بالتالى الركاب حيحسوا بالصدمة
MMamdouh
اى تعديل بيعلى مستوى العربية عن الارض بياثر على الثبات بالسلب
MMamdouh
الحقيقة معرفش اى تفاصيل عن الصدادة دى... انا شرحت اللى فهمتة من شكلها و طريقة تركيبها فقط
MMamdouh
دى حاجه تانيه غير العلايات العاديه وأنا شايفها فكرتها ممتازه فعلا
ومش حتأثر على ثبات العربيه بأى شكل من الأشكال
ولو لقيتها حشترى أربعه وأركبهم للأربع سوست
فكره ممتازه حقا
بس قلقى الوحيد أن السوست مش حتبقى محمله عليها بأستمرار
فممكن واحده تملص مثلا
عموما لما أشوفها على الطبيعه حقدر أقرر كويس
الصدادات كوتشه كده بتتحط مع المساعد
لما غيرت المساعدين كانت العربيه ناعمه فى المطبات و زى الفل بس وانا ماشى على طريق سفر و تلاقى الطريق فيه هبوط بسيط مع السرعه المساعد بينضغط للاخر و السوسته تبدأ تنضغط و تزيق فالعفشجى قالى نحط الصداده عشان كده المساعد ممكن يضرب و يبوظ
بالنسبه للاستخدام جوه البلد مفرقش كتير , العربيه انشف سنه
و ملوش علاقه بالارتفاع و تحك او لأ لأن ده لو المساعد خفيف العربيه هتهبط جامد
إن شاء الله
الله ينور عليك
السلام عليكم ورحمة الله وبركاته
أكرم بيك جرب مطبات العبور ، ومطبات طريق المنصورة القاهرة ، أو المطرية بورسعيد ، وحضرتك تعرف أبعاد المطبات الدولية :) .
والعربية بتاعتك برضه هتتشرف عفشتها بالسلام الحار مع تراب تلك المناطق وأسفلتها :)
إحترامات للملتزمين في مصر بمعايير المطبات .
لو محتاجين تفاصيل عن الصدادات اللي في الصورة ادخلوا على اللينك ده
AMT Coil Spring Buffer / Cushion (Promotion) - Zerotohundred.com
ياباشا الله يخليك
الموضوع بسيط ومش معقد أوى
دى عباره حلقه من ماده كاوتشوكيه بسمك معين ومقطوعه من على الداير زى ما أنت شايف
وفيه مجرى تحت الكاوتشه على قد تخانة السوسته اللى حتركب عليها
ونفس المجرى موجوده من أعلى الكاوتشه
بتتركب بين حلقتين من حلقات السوسته وهى مفروده
وأعتقد كمان بتتعمل الشغلانه دى بدون حل أى حاجه من العربيه
على أساس بتبيت الكاوتشه بين حلقتين
وحيكون تركيبها أسهل لو رفعت جنب جنب من العربيه وأنت حالل فرده فرده ( الكاوتش بس )
_____________________________
بس واضح من اللينك أن الدايو ملوش نصيب فى القصه دى
إلا أذا تم عمل قياسات على قطر الحلقه وسمكها والتأكد من صلاحية أحد الأنواع للتركيب بالدايو
لأنها مقاسات وأنواع
زى ماهو واضح فى اللينك
هى فعلا من تصميمها اللى واضح قدامنا مش حتأثر على الثبات مع السرعهاقتباس:
انها مش بتأثر علي ثبات العربيه او عفشتها
وظيفتها محصوره فى أنها تمنع السوسته من أنها تتلم جامد مع وجود أحمال بالسيارهاقتباس:
وياتري فوائدها ايه يابشمهندس
وبالتالى حتقلل من قابلية العفشه من تحت للأحتكاك وبالذات مع المطبات الصناعيه
ممكن القياسات لسمك السوسته وقطرها يعرفنا تنفع للدايو ولا لااقتباس:
وطالما احد خواتنا هنا ركبها في الماتيز في اعتقد انها ممكن تكون موجودة للانوس والنوبيرا
انا جبت اصغر مقاس متوفر وهو عليه حرف d
خلت تماسك العربية في الملفات افضل
والمفروض انها بتحافظ على عمر المساعد لانها بتقلل الانضغاط
ولم تؤثر على ارتفاع السيارة غير حاجة بسيطة غير ملحوظة
وحدث تحسن في المطبات
والمفروض انها سيليكون مش كاوتش
بدون قياسات دقيقة اعتقد انها تساوي تركيب سوسته مماثله لسيارتك مع اضافة نصف لفة مثلاً
إسمها صدادات سوستة
بتركب على اي عربية بس في توصيه بمقاسات معينة للأنواع حسب الوزن
ولو اي حد عنده تساؤل انا في الخدمة
:3_3_102[1]:
من عزبة سعد
يعني كل موديل له وزن معين والناس اللي عاملة الصدادات دي يتوصي باستخدام مقاسات معينة على كل موديل:
http://i165.photobucket.com/albums/u...ufferSizes.jpg
يعني زي ما حضرتك شايف مثال على موديلات عربيات (مش معقولة هيعملوا جدول بكل الأنواع اللي في العالم) ومقاس الكاوتشات المناسب للسوستة الأمامية وايضاً الخلفية.
شوف اقرب عربيه ليك وقلد المقاس بتاعها
والكاوتشات دي المفروض انها Universal يعني مش معموله لعربية معينة سواء لانوس او غيرها وممكن تشتغل على أي عربية لو المقاس مظبوط.
وعلى فكرة أنا مش بحاول اقنع حد باستخدام الكاوتشات دي وبس بجاوب حسب ما أنا فهمت ومن تجربتي الشخصية.
بس خلاص......
أعتقد - والله أعلم - الهيونداي أكسنت
بس قبل الشراء بص على سوست العربية عندك واشتري المقاس اللي يكون مناسب يدخل بين لفات السوسته
لو وجدت ان المسافات بين لفات السوسته ضيقة هات أصغر مقاس موجود وأعتقد اللي بيكون عليه حرف d