صداد مساعد ؟

**fosfos010** · 11-05-2010 08:24 AM

انا سئلت عفشجى عشان السيارة الواطية لماتحك قال ممكن تركب (صداد مساعد) وقالى ان فى ناس متعرفوش بس مهما كانت السيارة محملة متحكش فى المطبات وطبعا انا معرفش فى هذا قولت اسئل اهل الخبرة ؟

**AHMADALY1999** · 11-05-2010 11:07 AM

اول مرة اسمع عن الموضوع ده
بس من اسمه حيكون مصد يمنع المساعد انه ينضغط لاخر مشواره بالتالى فعلا عمر ما العربية ما حتوطى عن الحتة الى حينضغطها المساعد لغاية لما يصد فى الصداد
و ده الصراحة فى رايى كارثة لان بكده انت حتغير مواصفات العفشة يعنى كانك ركبت مساعد اقصر
وده حيدغدغ العربية لو دخلت فى مطب جامد
فائدة المساعد انه بيمتص الصدمة يعنى عامل زى منفاخ العجلة لو ضغطت عليه بسرعة بطيئة حيقاومك بقوة مقاومة صغيرة لكن لو زودت سرعة الكبس قوة مقاومته حتزيد و لو عملت الموضوع الى انت بتقول عليه و جيت خدت مطب كان يستدعى انضغاط المساعد لمسافة اكبر من مسافة الصداد فحيحصل انه حيمتص جزء بسيط من الصدمه و الجزء الباقى حينقلها الصداد لجسم العربية و الركاب

**dramyd** · 11-05-2010 11:19 AM

الحكاية كلها عبارة عن .......
كوتشة زى كوتشة الميزان اللى بتركب فى صدر العربية وبيحطها قبل مبيقفل المساعد فية من جوة عشان فى الاخر يكون قصدة لما المساعد لما يضغط جامد ينزل بس فى اخر مشوار الدخول هيصد الكباية اللى فوقيها البطاحة فى الكوتشة اللى حتطها فى جسم المساعد الخارجى بـــــــس ودة لو كان المساعد اى كلام بس لو حاجة جمدة زى المنرو ومع يايات كويسة هيكون افضل بالتاكيد ....

**popahly** · 11-05-2010 11:21 AM

فى رأيى المتواضع انك مش محتاج تركب اى صدادات ولا علايات مع تغيير مساعد جديد،، تجربتى انى غيرت أربع مساعدين فى العربية وهى كانت راكبلها علايات وانا مكنتش حابب العلايات أول مشيلتهم وركبت المساعدين الجداد العربية ظبطت نفسها على الأرض وبقى علوها طبيعى ومبتحكش فى مطبات ولا دياولو انت بس تأمن نفسك فى المطبات وتاخدها بالجانب اى كانت وتتعود على كدا علشان متجيش تاخد مطب مؤذى من مطباتنا وانت مش واخد بالك فنصيحة من اخ بلاش تركب حاجة مش بتاعت العربية ولا العربية مش نازلة بيها من المصنع.

**Akram** · 11-05-2010 11:52 AM

مفيش عربية واطية , و المُصنّعين بيبقوا عاملين حسابهم على إن المطبات بيبقى ليها مقاييس زي إن المفروض عرض المطب يكون مترين و أقصى إرتفاع من الوسط يكون 15 سم (على حد علمي) ,

طيب حد يقوللي مين في مصر بيلتزم بكده ولو حد لقى مطب واحد بالمقاييس دي يقوللي هو فين .... :)

المهم ده معناه إنك لازم تحاسب في المطبات قوي و تتأكد من كفائة المساعدين ,

انا مركب علايات في المساعدين الخلفي -- كاوتش بعرض 1 سم على شكل o , و بعد ما ركبتهم حسيت بتحسب كبير في المطبات ,

و بالنسبة للثبات لغاية 140 محستش بأي مشكلة ....

**ahmed_mido1889** · 11-05-2010 12:41 PM

المشاركة الأصلية كتبت بواسطة akram

مفيش عربية واطية , و المُصنّعين بيبقوا عاملين حسابهم على إن المطبات بيبقى ليها مقاييس زي إن المفروض عرض المطب يكون مترين و أقصى إرتفاع من الوسط يكون 15 سم (على حد علمي) ,

.

المطب الصناعي المفروض بيبقي عرضه 3 متر و ارتفاعه 60سم
يعني اتخنها عربيه هتتمشي علي المطب شويه

**shankosi** · 12-05-2010 01:57 PM

هو ده اللي تقصدوه يا جماعة؟

لو هو ده اللي تقصدوه فأنا مركبهم عندي على اليايات الأمامية وفعلا حسنوا أداء العفشة بشكل ملحوظ والعربية بقت أثبت في الملفات.

مصنوعين من السليكون وهم كوري وانا اشترتهم من اسكندرية بـ 75 جنيه الجوز بس مش نفس الماركة اللي في الصورة دي بس نفس الشكل واللون.

بيركبها العفشجي في نص ساعة او ممكن تركبهم بنفسك.

بس في منهم مقاسات عشان تناسب مقاسات اليايات المختلفة ولازم تختار المقاس المناسب ليايات عربيتك.

بيعلوا العربية شوية بس بيريحوا بعد كام يوم ويبقى العربية شكلها طبيعي

أعتقد انها فكرة كويسة للناس اللي اليايات عندهم ناعمة شوية بس بشرط ان العفشة تكون سليمة 100% وليست متهالكة.

بيكون شكلهم بعد التركيب كده:

**muhmado_furp** · 12-05-2010 02:44 PM

ياتري فعلا
دي العلايات الي انته مركبها يا أستاذ اكرم
ولا انت قصدك حاجه تانيه
وياتري ياجماعه
بتركب علي كله ولا الانوس ليها حاجه والمتيز مثلا حاجه وهكذا

**ahmed31031** · 12-05-2010 03:25 PM

متااااااااااااااااابع

**muhmado_furp** · 13-05-2010 02:09 AM

لسه ياجماعه محدش ناوي يقولنا
هيا دي شكل العلايات ولا دي حاجه تانيه

الموضوع: صداد مساعد ؟

LinkBack

أدوات الموضوع

عرض

صداد مساعد ؟ - انشر الموضوع فى :

-

-

-

-

المواضيع المتشابهه

ايهما افضل للفورد اسكورت مساعد زيت ولا مساعد غاز وزيت؟

مساعد زيت على هوا ولا زيت بس؟؟

مساعد

حد غير مساعد

مساعد الكبوت

الكلمات الدلالية لهذا الموضوع

المفضلات

المفضلات

ضوابط المشاركة