الموضوع: ابيع الميجان و اجيب بيكاسو c4

أخويه معاه جراند بيكاسو 2000 سى سى 7 راكب موديل 2008 وعاوز يبيعها وعامله 35 ألف كيلو بس هوه مش عارف هيه تسوى كام

السيتروين c4 اكثر ثبات من الرينو ميجان فى حالة القيادة الرياضية و الحرجة واثقل منها فى المنحنيات المأخوذة بسرعة عالية
ومعامل الإمالة للستروين فى المنحنيات اقل من معامل الإمالة للرينو ميجان.
و ارتفاع الرينو و خصوصا السقف من سطح الأرض اعلى من مثيله فى ستروين مؤثرا بشكل مباشر فى الثبات
ومميزات رينو هى النعومة و الهدوء لصوت المطبات داخل الصالون و انخفاض صوت الضجيج الصادر من المحرك (مقاسا بجهاز الكتروني بوحدة الديسيبل).

الستروين C4 1600cc بها تقريبا نفس قطع الغيار للعربية بيجو 307 كوبيه منها الديسكات و الرولمان بلى و اجزاء من قطع غيار المحرك والسيور وممكن تركب حاجات فى الجيربوكس و بخلاف ذلك قطع غيارها الأصلية مش غالية و تعتبر فى ثمن الياباني و ارخص منه فى بعض الحاجات وانا بخص الذكر بمحرك ستروين C4 ذات السعة اللترية 1600cc لأن المحرك ذات السعة اللترية 1400cc مختلف تماما.
اما بالنسبة لتسارع السيارتين فالترجيح يؤول للستروينC4 وده عن تجربة.

المشاركة الأصلية كتبت بواسطة human12

مانا مش عارف و بسأل اهو

المشاركة الأصلية كتبت بواسطة human12

hpkh بنتكلم على البكاسو و يا ريت لو حد عنده سعر 2006 او 2007

واضح أننا فعلا فى صحراء والواضح أكتر أن كل اللى بيردوا ماعند همش سيتروين وأحنا عمالين نفتى مع بعضينا

المشاركة الأصلية كتبت بواسطة human12

صحراء جرداء
مافيش حد هنا

يا جماعة انا كان معايا c4 وكانت عربية ممتازة بس عيبها قطع غيارها انها مش موجودة وعلي فكرة قطع غيارها مش غالية قوي بس انا سمعت من مصدر موثوق ان قطع غيارها الخارجية مش هتبقي موجودة من الاخر كده العربية دي ممتازة وعن تجربة انا كنت باخد بيها ملفات علي 180 وكانت رهيبة وثابتة بس انت ونصيبك ياتلاقي قطع غيار يا لاء انا كنت بدور علي شدادة باب مش لاقيها العربية دي مظلومة قوي في مصر وال خنقني قوي ان مافيش غير اثنين شاغلين فيها وانا مابحبش ابقي تحت رحمة حد

تحذير من نافع ال في شارع دمشق اغلبية قطع غياره مضروبة وبالذات حاجات الكهرباء واحد صاحبي جاب فانوسين شبورة للاكسارة الفانوس ساح وولعلو في الضفيرة يا جماعة لو حد عايز يسأل في اي حاجة انا تحت امره اصل انا دوست في العربية دي كتير قوييييي