الموضوع: المقارنة بين النسان تيدا و النسان صني

المشاركة الأصلية كتبت بواسطة abusamaa

أستاذ أحمد بالتأكيد حكمك على الثبات أفضل مني لأني لا أصل إلى سرعات عالية إلا قليلاً.. الحقيقة تقييمي ده نتاج تجربتي لها أربع مرات فقط على أوتواستراد حلوان- الكريمات والسخنة والاسماعيلية والصحراوي (يوم مقابلة نيسان) دي بس المرات اللي عديت فيها 120 ووصلت إلى 150.. ولما أقارنها بلانسر 95 كنت باطير بيها على طريق أبو ظبي- دبي فوق 150 بدون أي قلق وبمنتهى الثبات.. عموماً تجربتك اليومية لها تخليك أكتر قدرة على الحكم عني.. وبعدين يمكن العيب في السواق مش في العربية..
بخصوص الاستهلاك.. أنا فاكر في المقابلة قلت لي إنك بتحسب الاستهلاك من خلال عداد كومبيوتر العربية.. وده مش دقيق لأنه بيعطي متوسط الاستهلاك في اللحظة اللي انت بتشوفه فيها.. القياس الفعلي يكون بملء التانك والسير لمسافة محددة ثم إعادة ملء التانك وقسمة المسافة على عدد لترات البنزين ثم الضرب في 20.. وعموماً بالتأكيد الاستهلاك سيتحسن بعد الخمسة آلاف..
المهم كم استهلاك الصني علشان نعرف نقارن؟

بالنسبة الى قياس استهلاك البنزين انا كنت فاكر فى البداية انه على حسب العداد اللى موجود , ولكن دلوقتى بقيت اخد بالى واشوفه على القياس الفعلى , يعنى بحط مثلا 20 لتر واحسب اشوف مشيت بيهم كام لتر وهكذا او افول واعرف مشيت بيهم قد ايه

وبالنسبة الى استهلاك لصنى اكيد ملاك الصنى حيفيدوك اكتر , بس هما قالو انها بتستهلك بنزين
واستهلاك البنزين بيفرق من دوسة واحد الى واحد على دواسة البنزين , حسب قرص كل واحد وطريقة سواقته هل عنيفة ام هادية
يعنى مثلا بص على ايمن سيف معاه الصنى , لما سالناه على استهلاك البنزين قال عالى لان قيادته عنيفة فقال مقدرش احكم

ولما تعدى ال5000 باذن الله حتلاقى الدنيا اتظبطت معاك اكتر

وبالنسبة الى الانسر ال95 اللى كانت معاك عشان السيارة مش مرتفعة عن الارض اكيد كل ما بتسحب بيها بتعطى ثبات , ومينفعش نقارنها بثبات التيدا لان الانسر ال95 واطية على الارض زى ما قولت لحضرتك

وبعدين ياريت نمشى على طرق ابوظبى وشوارعنا حتى بتاعت السفر زى شوارع ابو ظبى

اغلب الوقت بمشى على طرق سفر ودائرى يوميا واحيانا المحور وبالنسبة الى ثبات التيدا زى ما قولتلك ممكن يفرق االطريق اللى ماشى عليه فى اتجاه الرياح وممكن يكون كان فيه هوا جامد على الطريق فى اليوم ده , لان بردوا انا مشيت فى نفس الاماكن دى اللى حضرتك قولت عليها ومحستش بحاجة ابدا , وممكن امشى فيها بردوا فى ايام تانية والاقى فيها رياح ويحصلى زى ما حصل معاك

طريق اسكندرية لما مشيت فيه اخر مرة على سرعة 170 كانت تجميع العربية هايل جدا من غير فتح التكيف , لان فتح التكيف بياثر على تجميع العربية بعد 165 فالما قفلته لقيت العربية بتزيد وبتاخد معايا بسهولة فى السرعة بس انا بصراحة خوفت , بس خوفى الاكتر مش عشان الثبات والكلام ده عشان بس انا مش بحب السرعة الاوفر اوى وخصوصا وانا معايا الاسرة , وكان العربية ماشية فل معايا بس لما عديت جنب اتوبيس كبير حسيت بغربلة من الخلف خفيفة وكانت وقتها السرعة 165 ,
دايما كل ما بيعدى جنبى اتوبيس او مقطورة او ميكروباص كبير وانا ماشى 90و 100 و 110 و120و130بركز عشان اشوف العربية بتتهز ولالا مش بلاقى اى حاجة والعربية ثابته

وجرب كذا مرة تانى وقولى ايه الاخبار وادينا اهو قريب طالعين على طريق سفر مع بعض وحقعد معاك ونجرب سوا