زاى ما قلت لحضرتك , هاتلي موقع رسمي , يعني موقع هوندا او فولكس فاجن او موقع وكيل ليهم في دولة تانية
و مش هتلاقي كلام الgross و الnet
و بعدين ايه المشكلة لما يبقوا اقوى من ارخص و اضعف عربية من BMW
هو BMW دي عربيات نازلة من السما ولا ايه ؟؟
عرض للطباعة
حضرتك مفهمتنيش يا استاذ كريم .... انا عارف ان الجيتا تكسب في اي حاجة تانية غير الاداء بس اللي لسة مش متاكد منة وبعدين حضرتك مقتنع ان الهوندا ادائها افضل من الجيتا 25%؟
انا عن نفسي مش ممكن اقتنع بحاجة زي كدة وبعدين حضرتك كلام الاستاذ غازي: العزم بتاع الجيتا اعلي من السيفيك علي نفس عدد اللفات يبقي اكيد موضوع الاحصنة الزيادة دي نصباية كبيرة
يا باشمهندس غازي و الله ما قصدي حاجة ...دا حضرتك حبيبي:E_braces[1]:
كل ما في الموضوع ان العبد لله كان له شرف إقتناء هذه التحفة العجبية SiR موديل 96
الموتور 1600 سم مكعب كامة علوية مزدوجة DOHC يعمل بنظام VTEC
المفروض انه بيطلع من الصفر ل 100 كيلو في 7.2 ثانية بس مع هيدرز و ديفل و فلتر رياضي معتبر ممكن ال 170 حصان يوصلوا ل 180-185 حصان و تعمل المية في 6 ثواني و الكلام ده عن تجربة
طبعا الموتور ده بيستخدم بنزين 95 أقل واجب و لو فولت 92 مش حتاخد أداء رياضي
الموتور ده هوندا انتجته في أواخر الثمانينات و استمر حتة نهاية الألفية الثانية في موديلات السيفيك VTI الأوروبية و نزل في ال CRX الأوروبية و Si الأمريكية و موديلات SiR اليابانية و الشرق أوسط و له أجيال SiR I + SiR II و تتراوح القدرة الحصانية من 160 الى 175 حصان تقريبا على حسب كود الموتور B16A- B16A6
دي صورة المكنة
http://i785.photobucket.com/albums/y...6gcivic_17.jpg
ودي صورة عربيتي السابقة
http://i785.photobucket.com/albums/y...amy/sir003.jpg
ودي صورة من الأداء الطبيعي للعربية دي
http://i785.photobucket.com/albums/y...hamy/SiR96.jpg
بس انا يا باشا مش مقتنع خاااااااااالص ان ال سيفيك تطلع من ال bmw 316 دة لسبب بسيط ان واحد صاحبي كانت معاة وواحد صاحبنا تالت معاة السيفيك ....و مش عايز اقولك انة اتشحور علي طريق السخنة كنا عدينا ال 240 وهو لسة ماقربش من ال 210 اللي انا اعرفة بقي ان الجيتا ادائها قريب من ال 316 لكن للاسف مفيش حد صاحبي معاة العربية دي عشان اجربها عشان كدة عايز حد يكو ن معاة العربية فعلا وجرب مش مجرد كلام
وشكرا جدا علي الافادة حضرتك
تحياتي
ممكن اعرف ايييه المشكلة ان السيفيك يكون ادائها احسن من الجيتا ؟؟؟؟؟!!!!
و بعدين حضرتك متنساش ان دة كلام على الورق , و كل الناس تشهد للسيفيك بادائها الممتاز , انا مش بقول حاجة جديدة يعني !!
و بعدين طالما حطينا العزم في الموضوع , طب ليه مش واخد في اعتبارك فرق الوزن ؟؟
زاى ما حسام باشا قال فرق 88 كيلو , و دول مش قليلين خالص
مفيش حاجة اسمها "نصباية" احنا بنتكلم على هوندا , الشركة الرائدة لصناعة المواتير في العالم , من موتوسيكلات لقوارب سباقات
لا يا باشا ماهو الوزن بيبقي اتحسب خلاص العزم دة هو القوة الي بتدفع العربية عند عدد لفات معينة في الموتور وكل ما الوزن بينزل او كل ما كان الموتور اقوي يبقي العزم اكتر....لو انت بصيت بقي حتلاقي ان الجيتا عزمها اكبر عند نفس عدد اللفان معني كدة ان الجيتا اقوي لكن انا بسأل عن التجارب الشخصية
لا يا سيدي مش نازلة من السما ولا حاجة بس سيبك من الكلام الي علي الورق دة كلة انا بقول لحضرتك العربية مع صاحبي وجربنا الكلام دة عملي مفيييييييييييييييييييش عربية 1600 علي الطريق تطلع منها.... بهدلنا السيراتو قبل كدة ميت مرة ومسحنا بكرامة شركة كيا الارض الهوندا شدت معانا حلو بس بعد كدة خلاص مقدرتش احنا كنا معديين ال240 و هوا لسة مجبش 220 يبقي ازاي بقااااا؟؟
الي انا باسمعة ان اداء الجيتا قريب من ااbmw 316 بس انا مجربتهاش و عايز حد يكون جربها بس
طيب لو بتتكلم فى ال TSI أكيد هكون معاك يا راجل اقوى ازاى .. و فى الموتور كمان ... طيب ممكن تقول الموتور ال 1600 ال 100 حصان ده فولكس عملته من كاااام سنه تكنولوجية سنة كام هوا مش DOHC ولا SOHC عادى جدا دا تقريبا كان بينزل فى جولف 4 او 3 أسال خبرا الفولكس .. بتقارنوا بال I Vetec مش الفيتك القديم .. عموما مفيش مشاكل السيفيك مبتجريش خالص .
يا باشا هو لية ساعدتك حاسس اني منفسن من السيفيك؟
انا لو مكنتش حاسس بآداء السيفيك مكنتش حطتها في المقارنة دي
بس سيبك من دة كلة حضرتك شوف العزم دا عند كام لفة ودا عند كام لفة وقارن مع العلم ان العزم دا مبيتوقش علي الموتور بس دا القوة الي بتدفع العربية يعني هوة ملخص قوة الاداء....
و سيبك من الكلام الي علي الورق دا كلة بذمتك انت مقتنع ان السيفيك ادائها احسن 25%من الجيتا؟ دا علي اساس الهورس باور يعني.....
دا لو الجيتا دي ادائها زي شاهين حتي مش حيبقي الفرق دا كلة يا راجل :ma:
من ناحية مقتنع فانا مقتنع ان واحده 102 و التانيه 125 بعيد عن الفتايس و الكلام ده لو الموتور مش 125 هورس مكانتش شركه من المنافسين عالميا سكتت على حاجه زى دى يعنى ولا تويوتا .فولكس. نيسان . ميتسوبيشى مازدا .... اى شركه وافقت على النصابيه الحضرتك مشكور نبهتنا بيها و أكيد فى عندنا فى مصر ناس مصحصحين للمواضيع دى .. اما عن موضوع ال 140 ده خدعة توكيل فعلا و أشكرك على أهتمامك
هو انا مجربتش السيفيك فمش هقدر افيدك كتيير ....
انا كنت بهزر معاك يا باشا, و ربنا يعلم اني بعز حضرتك جدااا, ربنا يديم المعروف
و بسم الله ما شاء الله, العربيه ممتازه جداا, و معلومات حضرتك يا محمد باشا عنها رائعه
بس كنت عايز اسألك, و اسأل كل رجالة السيفيك عن كام حاجه..؟؟؟
- هل فعلا فرامل السيفيك ضعيفه..؟؟؟
- هل خامات التابلوه مش قد كده..؟؟؟ انا ركبت السيفيك 2009 و كانت كويسه جدا!!
و تقبل تحياتي يا فندم, و شكراا على المعلومات القيمه...
ايوه يا احمد بك, الجيتا 2010 نازله بنفس الأساسيات و الشكل مع تغيير الاتي...
1- الجير بوكس بقى 7 سرعات dsg
2- التابلوه نوره بقى ابيض بدل الأزرق, بس الكونسول زي ما هو احمر
3- شكل الطاره اتغير و زراير المالتي فنكشن كمان, بقت زي اللي في الجولف 6
4- الكماليات زادت عن الأول في الهاي لاين, و الكومفورت لاين
و مش هي بس اللي نزل فيها الـdsg, ده الليون, و الابيزا, و الألتيا.....
و كلهم مواتير عاديه 1600 مش tsi, و فيهم الجير بوكس الجديد يا باشا...
يا احمد باشا, مين اللي جاب سيرة الديزل في الموضوع اصلا.؟؟ خالص يا باشا
الموتور ده mpi بنزين عادي, 1600 سي سي, 102 حصان, عزم 148 نيوتن.متر
و هو هو موتور الفانتازيا, و الجولف الـ1.6, و الليون... و طبعا احنا بنتكلم عن مصر بس
نزلوا الـdsg مع الموتور الـmpi العادي الـ1600 يا باشا...
و الكلام ده في الجيتا و الليون (نفس الموتور القديم مع الـdsg, و هو ده الفرق)
هو انت كل ده فاكر اننا بنتكلم عن الـdsg في الجيتا الـtsi..؟؟ لا يا باشا
الجيتا مافيش منها اصلا tsi في مصر, لا وكيل ولا خليجي, و مش عارفين هينزل اصلا ولا لأ
تقبل تحياتي يا باشا...
لا يا باشا معلش دي بقي فرق سواق هات واحد سواق محترم زي حضرتك كدة ومعاة 316 وعلي طريق السخنة و اتفرج علي اللي حيحصل:beatdeadhorse5:لو شفت بس شنطة عربيته الا آخر الطريق ابقي اعمل فيا اللي انتا عايزه بقولك عدت 240 و داخلين علي ال 250 وهوا لسة مجبش ال220 و الاتنين صحابي و في السواقة 10/10 و قلبهم ميت
طب انا و المصحف كان معايا شاهين شاهيييييييييييين يا عالم و بهدلت بيها ميت عربية علي الدائري!!! و منهم كورسا و سيراتو يبقي انا كدة احسن منهم؟؟؟؟
بس نصيحة لله لو حتجرب السرعات دي اطلع علي السخنة و حتة كدة فاضية و جرب بقي
وبعدين علي فكرة بقي لا الهوندا ولا الجيتا كاتبين علي الموقع الرسمي بتاعهم الtopspeed
وبعدين ماهي الجولف كاتبين 188 topspeed و هيا بتعدي ال220
انا تعبت والله :)
الوزن مش محسوب
بدليل ان الموتور اللى نازل فى الجيتا 102 حصان عند 5600 لفه وعزم 148 عند 3800 لفه
نفس الموتور نازل فى الفولكس توران ومكتوب 102 حصان عند 5600 لفه وعزم 148 عند 3800 لفه
وبينزل برضه فى الجولف ومكتوب 102 حصان عند 5600 لفه وعزم 148 عند 3800 لفه
وبينزل فى النيو بيتل ومكتوب 102 حصان عند 5600 لفه وعزم 148 عند 3800 لفه
والتوران وزنها 1430 كجم تقريبا والجولف 1250 تقريبا والبيتل وزنها 1235 تقريبا والجيتا وزنها 1307 تقريبا
كل الارقام دى انا جايبها من موقع فولكسفاجن المانيا
وكمان لو فتحت موقع سيات وبصيت على الليون والالتيا اللى بينزل فيهم نفس الموتور
هاتلاقى نفس الارقام بالظبط
102 حصان عند 5600 لفه وعزم 148 عند 3800 لفه
بعدهم افتح موقع سكودا هاتلاقى الاوكتافيا نفس الارقام بالمللى
102 حصان عند 5600 لفه وعزم 148 عند 3800 لفه
كدا انا جبتلك حوالى 10 عربيات مختلفه بمواصفات مختلفه بس فيهم نفس الموتور ومكتوب نفس الارقام
اذن يبقى مليون فى الميه الموتور دا بيتقاس قدرته لوحده وهو خارج العربيه وعامل الوزن مش داخل فى الموضوع نهائى
آسف جدا , بس حضرتك جبت المعلومة دي منين ؟؟
دي بردو معلومة خاطئة 100٪ :N_no[1]:
بوجاتي شركة عربيات , مملوكة لفولكس فاجن ايوا , و لكن فولكس فاجن ملهاش علاقة بالتصنيع
في هذه الحالة , فولكس فاجن امتلكت بوجاتي للانتفاع من تكنولوجيا الشركة , و دة بيبقا الغرض ان اي شركة تشتري شركة تانية.
وعايز اقول ان مهما السيفيك عملت
عقدة الالماني مش هتروح من الشعب المصري
و دى كانت الزتونه الام
هتتعب نفسك ... العقده دى بتفكرنى بالمسرحيه .. أصرت تُصر ألحاحاً بضرو :N_no[1]:
و بوجاتى فرنساوى مش ألمانى يا أحمد باشا
استاذ غازى انا معايا sir
السيارة 175 حصان وحسبتها على الاستوب وتش جيبت الحمد لله من 0 الى 100 كيلو فى 6.5 ثانية انا مركب فلتر اسبور بس
السيارة ثبات رائع لحد سرعة 200 كيلو وبعد كدة كمان ,السرعة القصوى وانا مصورها 258 كيلو فعلى جيبتهم وعلى فكرة تجميعها رهيب من 0 اللى 200 أنك راكب سيارة ماتورها فوق ال2500 سى سى الحمد لله ماتورها وانت مركب الخمس افراد مابيتأثرش غير حاجة بسيطة جدا فى السحب ودة بسبب عزمة 18.5 كيلو جرام على المتر
نظام حساب ديناميكى زكى جدا فى استهلاك الوقود لو انت مقرصتش وماشى عادى يبقى الماتور كأنة 1000 سى سى فى استهلاك البنزين
لانة مابيفتحش كل الصمامات بيفتحها على حسب ضغطة رجلك ,ويوم ماتحب تجرى انسى انك معاك تانك بنزين ممكن تعمل فى الصفيحة 120 الى 140 كيلو بالكتير قوى بس اداء مافيش زية
بالنسبة بقى للشد والجرى شوف انا شديت مع عربيات كتير ومش هتصدقنى انى بهدلت مرسيدس c class 2009 180 وبى ام الفئة الثالثة 320i
ومرسيدس e280 ودة كان صاحبى وحبينا نشوف الشد والحمد لله ظبطة وهو ماكنش مصدق
واللى بجد كانت جامدة جدا سيارة تويوتا لاند كروزر واللى كان سايقها خليجى وعامل نفسة واد جامد وجاى يتشطر على عربيات مصر وعلى فكرة العربية مكتول عليها 4.5 سى سى والحمد لله عرفتة يعنى اية مصرى بيسوق ,وواحد بمرسيدس e200 حب يشد معرفش يحصلنا اصلا دة الاداء
الفرامل الحمد لله تحفة بجد مش هقول غير كدة
الخامات بقى شوف ياباشا انا عربية موديل 95 العربية دية المقصورة الداخلية بتاعتها كلها جلد فى جلد التابلوة والابواب ومقبض فرامل اليد ,والدركسيون والكنسول الوسطى ,والسقف ,والحمد لله كانة جديد حتى الان
على فكرة كل اللى حضرتك شايفة من مواتير 1600 او حتى 2000 سى سى سواء المانى او كورى او يابانى مايجيش حاجة جنب الsir
والسيفيك اللى مبهدلاهم انا بعديها مستريح بدون قرص
انا بس عايز اقول لحضرتك ان رغم فارق التكنولوجيا من 15 سنة الا ان بردة الالمان ماطلعوش من ماتور 1600 قدرة اقصى من 125 حصان بدون تيربو
لان دية هوندا ودية قوتها بجد مواتير خارقة للطبيعة
كفاية انهم يخرجوا من ماتور 1500 سى سى 110 حصان سنة 1995 وحاليا 118 حصان من السيتى
بسم الله ما شاء الله... ربنا يباركلك فيها يا باشا... و الـSIR حاجه تانيه طبعاً
و اللي الناس مش فاهماه, ان انا مش ضد السيفيك أبدااااااااا و ناس كتيييير
قوي عارفه اني اصلا بفكر في سيفيك VTI, و بردو في جيتا هاي لاين
و اللي مانعني عن الجيتا حاجتين... الشكل اللي هيتغير, و عدم وجود ESP
و ضيف عليهم مؤخرا بدأت اقلق من الفتيس الـDSG بعد مشكلة استاذ عصام
و اللي كان عاجبني في السيفيك انها فيها كل اللي انا عايزه و كمان الـVSA كامل
بس انا من عشاق الفولكس فاجن عموما, و التابلوه و الداش بورد خصوصا في عربياتهم
لكن انا دلوقتي بصدد اني استغنى عن كل ده في مقابل الثبات و الأمان و الاعتماديه
و طبعا لما نقول كلمة ( اعتماديه ) يعني أكيد بعدها ( هوندا )... و ده طبيعي
علشان كده بفكر في سيفيك VTI بشده, و عايز اركبلها الـDVD-Navigation
الكاسكا, او الأحدث منه مع السينسورز و الكاميرا و خلافه...
كده بجد السيفيك بتبقى حاجه تانيه, أداء و شكل و رفاهيات و متعه و جوده و اعتماديه
بس كده, و طبعا انا واثق من اداء السيفيك تماما...
بس هرجع و اقولك, لو الجيتا مافيهاش الكام حاجه اللي قلتهم دول, كنت هركب جيتا
لأني بحب العربيه و الشركه كصناعه, مش العلامه و البلد و اسمها ألماني وخلاص
بدليل اني من اكتر الناس اللي بترفض تماما موضوع العلامه ده, و الدليل الـ316
اللي انا مش بحبها لأنها ماتستاهلش فولسها, ده غير ان الأداء ضعيف, و الموضوع علامه و بس.!!!
أرجو اني اكون وضحت وجهة نظري بشكل عام, و شكرا يا باشا على ردك..
ولاتتعب ولاحاجة انا هاقولك الخلاصة وهريحك
العزم ده يا سيدى اللى بيفرق فى سحب العربية بطريقة مباشرة و الحصان بيحدد السرعة القصوى للسيارة
ولذلك تجد الجيتا 1400 تاخذ وقت 9.6 ثانيه لتصل من 0الى 100 ك
وذلك بسبب وجود التربو الذى يزيد عزمها ليصل الى 200 فى حين اى سيارة 1800 سى سى تكون اعلى فى الاحصنة تاخذ وقت اكثر من ذلك لتصل من 0الى 100 ك
واحب اقول لسيادتك ان السيارة لا تقاس بقدرتها على بلوغ سرعة معينة , بل بقدرتها على تحمل هذه السرعة
وبناءا على ذلك قيس عزم وثبات الجيتا الالمانى مع عزم وثبات الهوندا اليبانى :T_thum1[1]:
طيب حتي يا استاذ حسام لو الوزن مش محسوب و انت اقنعتني فعلا بس شوف بقي:
جيتا عزم 148 عند 3800 لفة
سيفيك عزم 151 عند 4200 لفة
معني كدة من غير اي مناقشة ان عزم الجيتا اعلي عند نفس عدد اللفات
و العزم معناة سحب العربية
لو قلنا ان في فرق 88 كيلو لصالح الجيتا حيقلل السحب شوية فيبقوا الاتنين قريبين
لو قلنا بقي عدد الاحصنة الي هو لصالح السيفيك كتير يبقي المفروض ان الtopspeed بتاع السيفيك يبقي اعلي بكتير و دا كمان بينافي الحقيقة لان الجيتا بتعدي ال 220 يعني زي السيفيك
عشان كدة انا جبت للاستاذ كريم لينك من wikipedia ان في كذا نوع من الاحصنة يعني الالمان فعلا بيقيسوا ال هورس باور بطريقة غير الياباني
وعلي فكرة انا معايا لانسر 2006 يعني مش من مصلحتي خالص اني ادافع عن الالماني بالشكل ده
وكل الي انا بقوله ان يكون واحد جرب الاتنين عشان يفيدنا
و شكرا علي الافادة يا استاذ حسام
تحياتي
تبقي لسة مفهمتنيش يا باشا في ناس كتير مبتحبش الشد او لغاية سرعة معينة و بتخاف هات واحد صاحبك و يكون سواق و ركبه 316 و شوف وانا بحاول اوفر عليك عناء التجربة لان انا شفتها بعيني.... وربنا يباركلك في عربيتك السيفيك ممتازة ما شاء الله و كلها عربيات ممتازة في الآخر
بس انا بسأل عن التجارب الفعلية بس
تحياتي
العربيه دي فعلا تعتبر معموله في السر... لأن الـDSG عادة بيكون مع الـTSI, بس مش لازم
بس هما عايزين يعملوا رواج للـDSG الأول, فنزلوه مع مواتير 1600 عاديه
زي الجيتا, و الليون, والابيزا, و الألتيا, و اعتقد الأودي A3, و الفتره الجايه الأوكتافيا
و بعدين هياخدوا خطوة الـTSI في العربيات المتوسطه و الصغيره بشكل عام,
ده غير الباسات اللي نزلت بالأتنين مره واحده, بس علشان سعرها يسمح,
و بردو كان لازم علشان وزنها
العربيه موجوده في التوكيل, و اتصل بالتوكيل بنفسك يا باشا, لكن السايت مش كاتب حاجه
و حتى البروشور, عندي, و مش مكتوب فيه حاجه للأسف...
شوف الموضوع ده, انا كنت بغطي نزول الجيتا 2010 بالتعديلات الجديده...
بس هتلاقي صوره واحده للعربيه من جوه قديمه, يعني الجديده الطاره و العدادات اتغيرت
http://www.nilemotors.net/Nile/112264-2010.html
و ده الـ Hot Line بتاع التوكيل.... (( 19525 ))
اتأكد بنفسك يا باشا, و من الكماليات, و الأسعار, و بالمره اسأل على الشكل الجديد :ma:
تقبل تحياتي يا باشا...
يا احمد باشا انا مش بقول انك بتكذبني ولا حاجه, انت ماشوفتش الاعلان, فماتعرفش
انها نزلت بالـDSG مع الموتور القديم الـMPI الـ1600 العادي...
فطبعا يا باشا حقك تستفسر علشان تعرف الموضوع, فقولتلك على المكان اللي تسأل
فيه و انت متأكد من صحة الكلام 100%, و هو التوكيل نفسه...
و بعدين يا باشا احنا اخوات, يعني اسأل زي ما انت عايز و مايهمكش اي حاجه...
و كل اللي قصدته من جملة اتأكد بنفسك, انك تسمع و تستفسر بنفسك من التوكيل رأسا
بس يا باشا, و بعدين انت تأمر يا احمد بك...:shine[1]:
تقبل تحياتي يا باشا...