هو انت عامل موضوعين, بنفس الأسم و في نفس القسم..!!!!!
طيب هسيبلك ردي تاني في الموضوع ده, و يا ريت تطلب حذف واحد منهم من الاداره..
-----------------------------------------
أولا: طلعة السيفيك فعلا مش قويه, و ملاك العربيه ارجعوا الموضوع ده لتكنولوجي Drive By Wire
و الجيتا مع الـDSG طلعتها هتكون افضل من السيفيك شويه...
و عموما في الطلعه, السيراتو لو راكبها سواق, هيطلع من الاتنين اصلا (في الطلعه)
ثانيا: الفيديو ده لجيتا اوتوماتيك 6 سرعات, و كمان التسارع مش منطقي بالمره و انا شاكك في الفيديو
ثالثا: في التوب سبيد, مش هتفرق كتير انت على الـD ولا S, لأن في الاخر ده الغيار الاخير كده كده
رابعا: اقصى سرعه سمعت عنها في الجيتا كانت 210-215, و في السيفيك 220....
خامساً: الاثنين تجميعهم ممتاز فوق الـ100, لكن اعتقد الجيتا هتكون افضل شويه مع الـDSG
سادساً: الجيتا مافيهاش ESP, لكن فيها ASR فقط, و ده نظام مانع للانزلاق, و بيتم توزيع العزم
في حالة الفقد على (( العجلتين اللي قدام بس )), لكن السيفيك فيها النظام كامل VSA, و هو هو الـESP
سابعاً: موضوع القوه ده غلط تماما, و مالوش اي اساس هندسي او علمي, و مش مقتنع بالفاكتور ده
الجيتا 102 حصان\5600 RPM, وعزم 148 نيوتن.متر\3800 RPM (كامه واحده)
السيفيك 125 حصان\6500 RPM, وعزم 152 نيوتن.متر\4200 RPM (كامه واحده)
و فرق العزم واضح جدااا انه مش كبير, لكن لاحظ القوه و العزم عن كام دوره في الاثنين...
اخيراً لو عايز رأي... عن نفسي اركب جيتا هاي لاين في المقام الأول, و سيفيك VTI في المقام الثاني...
يا رب اكون قدرت اوضح وجهة نظري, و ربنا يوفقك...
المفضلات