الموضوع: مغامرات مع السيريون

شكرا يا جماعة على ردودكم والله انا مش بهاجم السيريون ولا حاجة ...

وعلى فكرة انا من اشد المعجبين بالسيريون وبعدين انا " دايهاتساوي " قدييييم 1983 :) :) :)

عموما شكرا على آرائكم وربنا يباركلكم في عربياتكم :)

المشاركة الأصلية كتبت بواسطة أبو عبدالله

يا راجل كنت حاجز الماتيريا
والله زعلتني انك سيبتها
العربيه جميله من الداخل مووت وواسعه قوي
انا عن نفسي بحبها جدا خصوصا اللون الأبيض فيها شكلها فظيع

والله العربيه جميله بس حسب برضه احتياجك

وربنا يباركلك في عربيتك ان شاء الله

اهو اتعاقب على انه ساب الماتيريا و معاه دلوقت :الشيري" :)

يا راجل كنت حاجز الماتيريا

تمام بس أنا سيبتها لسببين
1- ناس قالتى دية شبة التابوت ومتنفعشى عربية - دية عربية نقل موتى - مع أنى كنت شايف غير كدة خالص
2- كان فى جزء بسيط من التمن هيبقى تبع البنك وأنا الصراحة أستحرمت وقلت بالفلوس إللى معايا اجيب حاجة كاش وأشترى دماغى ولا أقساط ووجع قلب
بس والله لغاية دلوقتى مغرم بيها

بشمهندس خلف انا اسف جدا لو فهمت كلامي غلط لا سمح الله

لا إله إلا الله - أنا مش قصدى كدة خالص بالعكس أنا سعيد جدا بالغرفة دية وفيها ناس واعية خالص ويعرفوا يناقشوا وعارفين إزاى يدفعوا عن عربياتهم بحرفنة وأنا من المدة القصيرة دية أستفدت حاجات جميلة منكم خالص - ومعرفة خير أن شاء الله

اهو اتعاقب على انه ساب الماتيريا و معاه دلوقت :الشيري"

لا ياعم متقوليش كدة أحنا أخوات وكلنا سعداء بعربيتنا وربينا يبارك ليمنا فيها - الشيرى عربية كويسة ممعايا لحد دلوقتى

المشاركة الأصلية كتبت بواسطة Ahmed Anwer

انا اتفق مع الرأي ده ،، و شفته ،،،

مش حكاية اختبارات أمان ،،

العربية نفسها ثلاث ارباعها فيبر أو بلاستيك ،،

و العربيات الجديدة كلها كده ،، و تلاقي تلات ارباع العربيات الجديدة ماشية اكصطداماتها الفيبر مدلدلة و مطبقة و مجرحة ،، من شوارع المحروسة ،،

بس دي بقة يوم ماكصطدامها بيدلل ،، بتحس إنها عربية مغيرة نص مش حد ريح علي اكصطدامها ،، لأن مفهاش كبوت اساسا ،،،

ده رأي شخصي ،،،

وانا احترم رايك تماما
ولكن لي سؤال بسيط يا استاذ احمد
انا عاوز اعرف تقصد بايه ان ثلاثة ارباع العربيه فيبر ؟؟؟؟؟؟؟؟

اصل لو انا واحد جديد ومعرفشي حاجه عن العربيه وداخل استفسر عليها في المنتدى ولقيت واحد بيقول ثلاثة ارباع العربيه فيبر
دي كارثة !!!!

العربيه مفيهاش اي فيبر
والعربيه مفيهاش غير اكصدامين بلاستيك وفيهم ليونه جامده جدا يعني انا مره ريحت على طوبه كبيرة ونزلت لقيت المنظر مرعب دخلت ايدي خلف الأكصدام ورجعته بأيده اتظبت عادي ومش باين حاجه غير خدوش الخبطه
وبعدين نظام تعليق الاكصدامات الجديد كله بيبقى متعلق زي الشماعه كده على بلاستيك ممسوك بكلبسات في عضم العربيه
وده من وجهة نظري واكيد وجهة نظر المصنعين انه احسن لأن اي خبطه الاكصدام بدل ما يتكسر ويتعمل بيفك من مكانه
الفكره بقه كلها حتة بلاستيكاية ممسوكة في العربيه وهتغيرها ده لو حصلها حاجه وهيرجه الاكصدام يركب مكانه بالظبط

اما لو تحب اقولك في الفيرنا عامل ازاي الأكصدام
حجر وانا لي قريب اتخبط نفس خبطتتي من الخلف دخل لجوه اعدنا نعدل فيه ابدا حالف انه ما هيرجه قولت ما افكه زي بتاعي ا انا افك بتاعي في خمس دقايق مش اكتر
لقيته متبرشم من الجوانب في حديده صاج ببنط المونيوم
ومن تحت الفانوس الخلفي لما تفكه هتلاقيهم مبنطين الاكصدام بنتطتين المونيوم من تحت الفانوس
والله العظيم ولو مش مصدق فك الفانوس الخلفي وشوف

يعني الاكصدام لو عاوز يتفك حضرتك هتقطعه وهتعمل افلام علشان تظبطه ده غير الحديده الصفيح اللي ماسكاه من الجوانب علشان تظبطها تاني وتبنط البنط والأكصدام عاوز يركب
ياااااااااه افلام

عالعموم انا مستني رد على سؤالي تقصد ايه بان العربيه ثلاثة ارباعها فيبر لأني معايا العربيه ومش قادر اطلع ربع العربيه الفيبر اللي فيها ؟؟؟؟؟
بصراحه يعني متزعلشي مني اصل الكلام اللي قولته انا مش لاقيه تماما

علي فكرة من باب حب الإستطلاع ،، سألت مركز صيانة و تجديد سيارات ،، اكصدامات الفيرنا راكبة

إزاي ، قالولي بكلبسات و مسامير ،، و لما قلتلهم سمعت إنها ببرشام المونيوم و لازم تقطعه او تقطع

الصاج ،، اقعدوا يضحكوا ،،

خلاص بيني وبينك العربيه ............ مش كده برضه

خليهم يضحكوا لأني عارف انا شوفت ايه بالظبط وانا على موعد ان شاء الله في اقرب وقت اني اصورهالك
علشان لو انا كداب وهما صادقين وبيضحكوا
الصور ساعتها هتعرف مين اللي المفروض يضحك

وانا بوعد بصور لها ان شاء الله وعلى اد كلامي بإذن الله

اما موضوع ان التوكيل مش عارف يقنع بها الناس
انا مش عارف على اساس ايه
على اساس ان العربيه غاليه والناس بتشتريها
على اساس ان العربيه موجوده في الشارع اكتر من الموديل السابق لها مع انها بقالها سنه ونصف
على اساس انهم بيفتحوا مراكز صيانه جديده

مش عارف المقياس ايه بالظبط