لو امكن مساعده بسيطه بخصوص تيريوس 2000

**مواطن مصرى** · 08-02-2008 02:56 AM

الافاضل اعضاء قسم دايهاتسو بالموقع

اريد راى حضراتكم فى موضوع يتعلق بسياره دايهاتسو تيريوس
اخى يريد شراء سيارة جيب او ما شابهها (عقول الشباب) فنصحه اصدقائه بسياره تيريوس و مدحوا فيها كثيرا

المهم بعد بحث وجد سياره دايهاتسو تيريوس موديل 2000 اوتوماتيك معروضى بسعر خمسين الف جنيه
بها كماليات : تكييف - باور - كاسيت - سنتر لوك - انذار - زجاج كهربائى امامى و خلفى - وحده رفع - ديفندرات و زجاج فاميه مثبتين على الرخصه لان والد صاحب السياره عميد شرطة
حالة الموتور تقريباً 60% و عامله حوالى 140 الف كيلومتر
بها مشكله فى العفشه و يمكن جدا تغييرها كلياً بعفشة جديدة تماما (مساعدين و سوست و مقص)
و تحتاج لدهان من الجانب الايسر الخلفى لوجود اثر احتكاك و تغيير الزجاج الخلفى لانه مشروخ
المهم انه اتفق مع صاحب السياره على خصم تكلفة الشغل اللازم للسيارة فى حدود 2000 جنيه من اجمالى ثمن السياره

الأسئلة التى اريد ان اسألكم فيها :
1- هل هذه السباره يعتمد عليها كسيارة قوية رغم ان موتورها 1300 سى سى ؟
2- ما اخبار اسعار قطع الغيار خصوصا المستهلكه مثل الفلاتر و السيور ؟
3- هل السعر المعروضه به مناسب ام لا ؟
4- ما هى تكلفه عمره الموتور (فى خلال عام او عامين ستقل كفائته و سيحتاج لعمره لان حالته الحاليه 60% فقط ) ؟
5- هل يمكن اخذ السياره و الكشف عليها لدى الوكيل فى طريق العاشر من رمضان ؟ و كم يتكلف ذلك ؟
6- ما معدل استهلاكها للبنزين ؟
6- هل يمكن تركيب غاز طبيعى لها ام سيسبب هذا ضرر بمحركها و اجزاءها الميكانيكيه (الغاز الطبيعى موفر و انا مركبه فى سيارتى الريجاتا و اسعار الوقود فى مصر ستزيد هذا العام)

اسف للاطاله و ارجو سرعه الرد ممن لهم خبره بهذه السياره

**mido777** · 09-02-2008 04:28 AM

المشاركة الأصلية كتبت بواسطة مواطن مصرى

انا كان معايا تريوس موديل 99 اتوماتيك وبعتها ب 57000 جنيه بس كانت ماشيه 85 الف كم

الأسئلة التى اريد ان اسألكم فيها :
1- هل هذه السباره يعتمد عليها كسيارة قوية رغم ان موتورها 1300 سى سى ؟

يعتمد عليها ومش حتحس انها 1300

2- ما اخبار اسعار قطع الغيار خصوصا المستهلكه مثل الفلاتر و السيور ؟

اسعارها معقولة جدا - انا كنت مغير طقم سيور بـ 120 جنيه

3- هل السعر المعروضه به مناسب ام لا ؟

غالبا مناسب بس هيه ماشيه كتير

4- ما هى تكلفه عمره الموتور (فى خلال عام او عامين ستقل كفائته و سيحتاج لعمره لان حالته الحاليه 60% فقط ) ؟

ماأقدرش افيدك

5- هل يمكن اخذ السياره و الكشف عليها لدى الوكيل فى طريق العاشر من رمضان ؟ و كم يتكلف ذلك ؟

هو اكيد ينع تكشف عليها بس بكام معرفش

6- ما معدل استهلاكها للبنزين ؟

استهلاكها عالى نسبيا بس يمكن علشان كمانت اتوماتيك

6- هل يمكن تركيب غاز طبيعى لها ام سيسبب هذا ضرر بمحركها و اجزاءها الميكانيكيه (الغاز الطبيعى موفر و انا مركبه فى سيارتى الريجاتا و اسعار الوقود فى مصر ستزيد هذا العام)

ماأقدرش افيدك للأسف

اسف للاطاله و ارجو سرعه الرد ممن لهم خبره بهذه السياره

انت تأمر يا باشا واكيد اللى يعرف حاجة ح يقولك