ايه اللى ممكن نعمله لمحمد بعد موته

**MoHaMed HaMeD** · 11-05-2010 10:55 PM

الله يرحمه ويسكنه فسيح جناته ان شاء الله

**salahlanser** · 11-05-2010 10:57 PM

المشاركة الأصلية كتبت بواسطة أحمد كمال

لو حد مسافر عمرة قريب

صيدليات النهدي ممكن تشتري منها كراسي متحركة بسعر الجملة (حتى لو كرسي واحد) و يتم وهبتها لادارة الحرم (المكي او المدني) لاستخدامها مجانا بمعرفة المعاقين و كبار السن من زوار الحرمين .......

و بيدوك ايصالين ..... واحد من ادارة الصيدلية بثمن الكرسي و التاني من رياسة الحرمين باستلامها الكرسي الموهوب

دي تبقى صدقة جارية كويسة برضه

اللهم ثبته عند السؤال
اللهم اجعل قبره روضة من رياض الجنه
اللهم اسكنه فسيح جناتك
انا احتمال اسافر عمرة فى العشرة الاوائل من رمضان وان شاء الله ربنا يقدرنى واشترى انا واصدقائى مجموعه كراسى تبقى صدقه جاريه للمرحوم
ربنا يصبر اهله وزوجته

**devilishtigers** · 11-05-2010 10:57 PM

عدد الاعضاء هنا لا يقل عن 20050 ( لو نص العدد دفع جنيه واحد هنجمع 10000 ) ممكن نجمع الفلوس مع اي عضو ولو حد يعرف ان في مسجد بيتبني او لو عضو جنبه جامع قيد الانشاء ممكن الفلوس تدفع في مساعدة بناء هذا المسجد. واظن ان دي صدقة جارية كويسة.

**Eng_Mostafa_89** · 11-05-2010 11:42 PM

المشاركة الأصلية كتبت بواسطة devilishtigers

عدد الاعضاء هنا لا يقل عن 20050 ( لو نص العدد دفع جنيه واحد هنجمع 10000 ) ممكن نجمع الفلوس مع اي عضو ولو حد يعرف ان في مسجد بيتبني او لو عضو جنبه جامع قيد الانشاء ممكن الفلوس تدفع في مساعدة بناء هذا المسجد. واظن ان دي صدقة جارية كويسة.

فكرة كويسة ومعاك فيها ان شاء الله

**devilishtigers** · 12-05-2010 12:04 AM

كده كويس وياريت الاستاذ كريم يساعدنا ويكون هو المسئول عن تجميع الفلوس.
وياريت الاخوة الاعضاء يحاولوا يقولوا لو يعرفوا مسجد قيد الانشاء.

**tananybasha** · 12-05-2010 12:37 AM

اللهم ماجعل قبره روضة من ؤياض الجنه و اسكنه فسيح جناتك
طيب بعد اذنكم
انا عندى اقتراح
ان حد من افاضل الأدارة يقوم بفتح حساب فى احد البنوك تسهيلاً على الناس انها تقدر تتبرع باللى تقدر عليه و ساعتها نشوف طريقة صرفه و اوجه الخير كتير
مستشفى سرطان الأطفال
جامع بيتبنى
او حتى نتوكل على الله و نبنى جامع فى بلده ممكن يكون صغير او كبير بس ربنا يتقبل
و لا اعتقد ان فى المنتدى بتاعنا حد ممكن يبخل لو بجنيه

**Car's Sniper** · 12-05-2010 01:50 AM

يا ايتها النفس المطمئنه ارجعى الى ربك راضية مرضيه
بجد مش عارف اتكلم بس حاسس انى فقدت اخ عزيز

**devilishtigers** · 12-05-2010 03:34 AM

المشاركة الأصلية كتبت بواسطة mrwho1982

ياااااا جماعة ماحدش يزعل من كلامي اللي خلانا ندفع 100 جنييه لكل عضو في المنتدي اللي راح المقابله

اقترح ان ندفع حتي 10 جنيه ( كمثال واللي عايز يدفع زيادة يدفع ) ويكون الموضوع بواسطة حوالة بريدية باسم واحد الادارة او احنا عارفينو رشحو انتو اي حد

وياريت لو ندي الفلوس دي لمراتو لانها داخلة علي ولادة ومصاريف

ماحدئش يزعل من كلامي

وانا اؤيد لكلام حضرتك 100%
وممكن فعلا الفلوس اللي تتجمع تتحط في حساب جاري باسم زوجته حتى المبلغ ده يساعد في مصاريف الولادة وفي نفس الوقت لو المبلغ كبير يطلعلها عائد كل شهر تصرف منه.