الموضوع: وشى اتحرق (اوعى حد يفتح الريدراتير وهو سخن)

انت اكيد بتهرج !!!! ينفع كده ياعنى ؟؟؟
الف الف سلامه عليك وفداك 100 عربيه المهم انت علشان انا عارف لسعه مياه الريداتير دى ومجربها فى ايدى قبل كده
ربنا يطمنا عليك

الحمد لله يا محمد جت سليمه الحمد لله واطمنت اكتر انهارده لما بقيت احسن الحمد لله الاحمرار والحرقان راح
تقول ايه ساعه القدر يعمى البصر

المشاركة الأصلية كتبت بواسطة newhansol

الف الف سلامة عليك يا معلم
مش قلتلك قبل كدة خلى بالك انت مرصود اليومين دول
الحق اتدارى بقى يومين كدة وسيبك من العربية دى خالص
بجد والله زعلتنى انا ببوص على اسم صاحب الموضوع الاقيك انت قولت مش معقول دة مش لسة تلميذ دة خبرة فى عربيات ما قبل العصر الحجرى
على كل حال حصل خير تابع بس انت بالكريم وماتطلعش فى الشمس خالص

تقول ايه بقى ما يقع الا الشاطر
وهى الشمس الى خلتها تلتهب اكتر
لكن بعد الكريم والتلج هدى الموقف والحمد لله دلوقتى احسن بكتير من امبارح
ربنا يستر والله ويبعد عنا الحوادث الى من النوع ده

المشاركة الأصلية كتبت بواسطة نور القمر

سلامتك يا ميسو الف سلامة
كل يوم بنتعلم حاجة جديدة

شكرا يانور الف شكر والواحد مبيتعلمش الا بالساهل
هو لازم يحصل حاجه عشان الواحد يتعلم ومكررش الخطأ

الف سلامة ...

شكرا جدا

نفس اللي حصل معايا

كنت اول مرة أشتري سيارة فاشتريت سيارة ميتسوبيشي جالانت من الشارقة

وانا راجع العين مريت على جزء في الأسفلت كان جنزير بتاع بلدوزر خربشه بشدة
لقيت السيارة فيها صوت وانا افتكرت ان الصوت منها مش من الطريق

فنزلت وروحت بكل فكاكة ومفهومية فتحت طبة الرادياتير

لقيت بركان مية صفره اتفتح في وشي وهدومي

الحمد لله إنها عدت على خير




المشكلة إني ما التفتش للموضوع بعد كده وكانت النتيجه إن الماكينة خربت وخلطت زيت على ميه



نصيحة مني إنك تحاول تشيش الرادياتير ( تفكه وتنظفه ) وخلي بالك نظافة الرادياتير ونوع الترموستات ودرجة تشغيلها هي صمام الأمان لموتور السيارة واوعى تتهاون في الموضوع ده وخصوصا إن فوران المية بالطريقة دي من الرادياتير ممكن يقلب الرواسب اللي فيه ويخلي أجزاء من الريش بتاعته تتسد من الداخل وانت ما تاخدش بالك

وهو مش هيكلفك كتير

المشاركة الأصلية كتبت بواسطة karim_monir

الف سلامة عليك يا خميس
طهور ان شاء الله
فعلا لازم تجس الخرطوم لو لقيتة ناشف ماتفتحش ابدا لان الضغط جوة شديد
لو سبته دقيقتين بس هاتلاقيه هدي شوية بس لسه فيه ضغط بخار
زي بالظبط لما تشيل براد ميه بعد ما غلي من على النار
المية لسه بتلف من الغليان
لو سيته دقيقتين هيا لسه مولعة بس بطلعت غليان مع الفرق ان في الرداتير مفيش تنفسي
فوطة كبيرة تكون معاك ونضيفة مش بتمس بيها بس فوطة تقيلة
ولو حطيت تحتها كيس نايلون يبقي احسن
وتلف الغطا ربع لفة وانت ضاغط ماتسيبش البخار والضغط يزق الغطاء
وتبدء تنفس ايدك واحدة واحدة بالراحة جدا هاتلاقي البخار بيزق ايدك
لو لسعك اضغط تاني اقفل لغاية ما يهدى وعشان كدة بقولك فوطة تقيلة تكون مطبقة اربعة عشان تكون كذا طبقة ومغطية جوانب الغطاء كويس
الصيف داخل والحر شديد
بس لا يقارن حركم بحر القاهرة :-)

الله يسلمك يا كريم
وانا كده اتعلمت حاجه مهو مفيش حد بيتعلم بالساهل
المشكله انى طول عمرى بفتح الريدراتير عادى والعربيه دايره وسخنه
لكن ده اكيد عشان كان فيه تنفيس فى دائره التبريد وغطاء الريدراتير كان غير محكم الى ان غيرت الزور والغطاء واصبحت الدائره محكمه ومفيش تنفيس ومن هنا جت المشكله انى واخد على النظام القديم ومجاش فى بالى ان كل ده حيحصل الحمد لله
وانا عارف حر القاهره كنت بروح هناك فى الصيف وكبيـــــــــــــرى يوم واقول عاوز ارجع بلدنا هههههههههه ربنا يكون فى عونكم

نفس اللي حصل معايا

كنت اول مرة أشتري سيارة فاشتريت سيارة ميتسوبيشي جالانت من الشارقة

وانا راجع العين مريت على جزء في الأسفلت كان جنزير بتاع بلدوزر خربشه بشدة
لقيت السيارة فيها صوت وانا افتكرت ان الصوت منها مش من الطريق

فنزلت وروحت بكل فكاكة ومفهومية فتحت طبة الرادياتير

لقيت بركان مية صفره اتفتح في وشي وهدومي

الحمد لله إنها عدت على خير




المشكلة إني ما التفتش للموضوع بعد كده وكانت النتيجه إن الماكينة خربت وخلطت زيت على ميه



نصيحة مني إنك تحاول تشيش الرادياتير ( تفكه وتنظفه ) وخلي بالك نظافة الرادياتير ونوع الترموستات ودرجة تشغيلها هي صمام الأمان لموتور السيارة واوعى تتهاون في الموضوع ده وخصوصا إن فوران المية بالطريقة دي من الرادياتير ممكن يقلب الرواسب اللي فيه ويخلي أجزاء من الريش بتاعته تتسد من الداخل وانت ما تاخدش بالك

وهو مش هيكلفك كتير

شكرا وححاول اشوف موضوع وش السلندر مهى مش نقصاه هو كمان ربنا يستر

الف سلامه عليك والحمد لله انها جت سليمه
وربنا يسترها معانا جميعا

الله يسلمك واللهم امين