الموضوع: وشى اتحرق (اوعى حد يفتح الريدراتير وهو سخن)

حمد الله علي سلامتك
في مرة مسافر البلد معايا عمي بعربيته المهم الترموستات باظ والعربيه سخنت بقوله في مفتاح ديركت قالي لا نزلت فكيت فيشه المروحه وعملت وصله من البطاريه المهم عمي الله يكرمه وانا شغال يفتح الرادياتير وانا وشي في حوض الماتور وشي اتلسع ورميت نفسي علي الرصيف عشان مش اتبهدل اكتر من كده المصيبه بقي ان عمي ده فني طائرات في الجيش المفروض انه فاهم وكمان مش كان في عده في العربيه ده موقف حبيت احكي

المشاركة الأصلية كتبت بواسطة misoalex

الحمد لله العربيه من ساعه مطلعت وانا كل يوم فى حوادث وحجات بتحصلى عمرها محصلت

الى حصل واقف فى البنزينه الصبح فى الطابور
واحد شايف نفسه كان قاعد على جنب لقيته قام نط وبيلف حوالين العربيه قولت ياواد عادى بيتفرج
بعدها بدقيقه بضرب عينى على عداد الحراره لقيت الحراره 120 واكتر رحت نازل والعربيه دايره وقولت ابص على الميه اكيد حصل تسريب
وفتحت الريدراتير ويارتنى مفتحت
بركاااااااااااااااااااااا اااااان ميه مولعه فى وشى وعلى هدومى وايدى ووشى طبعا اخد اول الصدمه والميه كلها
الحمد لله لحقت نفسى وبعدت
والميه فطلت تطلع وتطرطش
الناس اتلمت وجبتلى ميه والحمد لله وقالولى لازم تلحقها بمرهم حروق وجبت وحطيط منه والحمد لله وشى فضل يحرقنى طول اليوم واحمر اكنى كنت فى البحر
يلا قدر الله وماشاء فعل
وباليل لاقيت العربيه مخيشه فى الرفرف الى ورا والبويه اتحكت حسبى الله ونعم الوكيل فى الى عملها
ادى اخره التعديلات شكلى حشيل الى عملته واجيب جردل زباله اكبه على العربيه

الخلاصه انا كاتب الموضوع ده عشان اى واحد ميقعش فى نفس الغلط ويفتح الريدراتير والعربيه سخنه اوى ويبطل العربيه طبعا

بس سؤال الى حصل ده يأثر على حاجه فى الموتور

سيبك من العربية دلوقتى ... فى داهية ..

أهم حاجة .. روح إكشف على وشك وسرعة عشان متسيبش أى أثر

باشا الف سلامة

بس محدش فعلا يفتح الرادياتير خالص مادام العربية دايرة ان شالله خمس دقايق حتى لو ما سخنتش

الله يسلمك بس انا كتير فتحته ومحصلش حاجه دى اول مره يحصل الموقف ده معايا فى حياتى او اشوفه حتى
يلا الواحد مبيتعلمش بالساهل

حمد الله على سلامتك وقول الحمد لله على كل حاجة

شكرا والحمد لله على كل حاجه

حمد الله علي سلامتك
في مرة مسافر البلد معايا عمي بعربيته المهم الترموستات باظ والعربيه سخنت بقوله في مفتاح ديركت قالي لا نزلت فكيت فيشه المروحه وعملت وصله من البطاريه المهم عمي الله يكرمه وانا شغال يفتح الرادياتير وانا وشي في حوض الماتور وشي اتلسع ورميت نفسي علي الرصيف عشان مش اتبهدل اكتر من كده المصيبه بقي ان عمي ده فني طائرات في الجش المفروض انه فاهم وكمان مش كان في عده في العربيه ده موقف حبيت احكي

الله يسلمك وهو الى حصل عندى فعلا ان الترموستات باظت والمروحه مشتغلتش
وطبعا مجاش فى بالى افتح المفتاح واول حاجه جت فى بالى هى ميه الريدراتير
قدر الله وماشاء فعل