ايون ايون رمان علشان البزر بتاعه يكسر سنان الناس وضروسها :36_1_31:
وبعدين اتفضلوا يا جماعه عنوان العيادة:star1:
[justify]أستاذ أحمد الرائع.. السلام عليكم..
للأسف موقع قرية الشموسة مش عاوز يفتح وبتظهر رسالة إنه موقع خطر.. وربنا يستر..
بخصوص الموعد أظن 25 يونيو مناسب جداً قبل مواعيد المصايف وازدحام الشواطئ والطرق والقرى السياحية..
ثانياً ما فكرتوش في أماكن أخرى غير فايد؟ زي السخنة مثلاً.. أقرب وطريقها أنظف وأسرع طريق في مصر.. والمناظر هناك خلابة وساحرة.. لكن مش عارف هل فيه أماكن مناسبة لقضاء يوم واحد مع الأكل وخلافه؟ متهيألي ممكن تأجير شاليه أو اثنين ليوم واحد وتوزيع التكلفة هايخليها مش عالية بالمرة.. ويتبقى البحث عن مطاعم أو مكان نجيب الأكل منه..
أنا بس باطرح اقتراحات للنقاش.. لكن ماليش اعتراض محدد على فايد باستثناء الوقت لأن طريق الاسماعيلية عليه حوالي 3 رادارات وأقصى سرعة فيه من 90-100.. وكدة المشوار أظن هايدخل في ساعة ونص من بعد ما تخرج من القاهرة.. أما بقية الاعتبارات فأعتقد متقاربة سواء التكلفة أو الخدمات المتاحة.. مع ملاحظة إن اعتبارات زي الهدوء والمناظر الطبيعية وجمال المياه لصالح السخنة.. فما رأيكم؟
سامح
[/justify]
باذن الله حتنورنا يا فندم , واتمنى انك تكون معانا المرة دى , واهو جهز نفسك من قبلها بشهرين واحجز لنا الوقت ده , وبالنسبة للمعاد احنا بنحاول نتجمع على 2/7 عشان يكون عيد ميلاد خالد باشا سبعاوى
------------------------------------
hany_mohamed
فكرة جميلة يا أستاذ احمد و ياريت يكون فيه اقتراح بديل لقرية بالساحل الشمالى لو امكن
اقترح بس اضافة ايجار شالية وتضاف تكلفتة وتوزع على الجميع
علشان اللى عاوز ينام شوية والى عاوز يقعد لتانى يوم ويرجع صباح اليوم التالى
مع تخصيص فرد او فردين لتنظيف الشالية و خدمة الحاضرين و تضاف تكلفتهم و توزع ايضا
كما ارجو بتوجية الدعوة لكل الزملاء اللى حضروا مقابلة عيد ميلاد المنتدى و دعوة خاصة للسادة استاذ ابو رقيه و د. احمد بحرى ومحمد بك شنورى
على فكرى نفس التحذير عن موقع القرية على النت ظهر عندى
اولا ادخل بقلب جامد على الموقع لان مفهوش حاجة , وعلى ضمنتى لانه فتح عند ناس كتير , وفى احيانا ناس عندها انتى فيرس بيهيس وبيشوف الموقع على انه فى ضرر , زى مثلا برنامج avast اللى لو حد عطس جنبه بيقول فيرس ,
وعلى العموم انا منزل صور القرية فى الصفحة رقم 2 عشان الكل يشوفها بردوا
وبالنسبة الى اقتراح موضوع اسكندرية اعتقد حيكون صعب , القرية دى ممتازة فى الوقت الحالى , وبعدين موضوع لم الفلوس حيكون مقيد , بالنسبة لو حد حصله ظروف مثلا , ومش قادر يجى , فكل اللى حيجى حيدفع هناك فى القرية لما نوصل بالسلامة ,
الى جانب مش حنشيل هم الخدمة لانها حتكون متوفرة على اكمل وجه وحنفضى روحنا للقعدة مع بعض والاستمتاع باليوم
وموضوع النوم والتريح لتانى يوم حيكون صعب , لان فى ناس مرتبطة اكيد بتانى يوم شغل
وبالنسبة الى الدعوة خاصة للسادة استاذ ابو رقيه و د. احمد بحرى ومحمد بك شنورى اكيد طبعا هما مدعويين ويشرفونا اكيد لان وجودهم وسطينا بيسعدنا لانهم شخصيات محترمة جدا وانا بعتلهم كمان دعوات على الخاص , والدعوة عامة لكل اسر المنتدى , واسرة نيسان بتتشرف بوجود كل الاعضاء معانا اكيد
-------------------------
maka
ان شاء الله هكون معاكوا و المعاديين مناسبين باذن الله
حتنور يامحمد كالعادة وحتشرفنا
------------------------
aymenseef
هواااا ده الكلاااااااااام
انا كمان هحضر مفاجئه محترمه لكل الحضور
بمناسبه عيد ميلاد سبعاوي باشا
بس نحصر العدد عشان اعرف كميه ال..... اللى هجيبه:star1:
ومتنسوش المقابله اللى بعدها تبقى يوم عيد ميلادي بقه:ma:
يا مفاجائتك يا جامد يا ايمن باشا , باين عليه حيكون يوم تحفة
وبعدين ابقى قولى بس انت على يوم عيد ميلادك امتى وانا اظبطك يا حبى ولا يهمك
وبعتلك اللى انت عايزه على الايمال يا فندم وتحت امرك
-----------
AbuSamaa
أستاذ أحمد الرائع.. السلام عليكم..
للأسف موقع قرية الشموسة مش عاوز يفتح وبتظهر رسالة إنه موقع خطر.. وربنا يستر..
بخصوص الموعد أظن 25 يونيو مناسب جداً قبل مواعيد المصايف وازدحام الشواطئ والطرق والقرى السياحية..
ثانياً ما فكرتوش في أماكن أخرى غير فايد؟ زي السخنة مثلاً.. أقرب وطريقها أنظف وأسرع طريق في مصر.. والمناظر هناك خلابة وساحرة.. لكن مش عارف هل فيه أماكن مناسبة لقضاء يوم واحد مع الأكل وخلافه؟ متهيألي ممكن تأجير شاليه أو اثنين ليوم واحد وتوزيع التكلفة هايخليها مش عالية بالمرة.. ويتبقى البحث عن مطاعم أو مكان نجيب الأكل منه..
أنا بس باطرح اقتراحات للنقاش.. لكن ماليش اعتراض محدد على فايد باستثناء الوقت لأن طريق الاسماعيلية عليه حوالي 3 رادارات وأقصى سرعة فيه من 90-100.. وكدة المشوار أظن هايدخل في ساعة ونص من بعد ما تخرج من القاهرة.. أما بقية الاعتبارات فأعتقد متقاربة سواء التكلفة أو الخدمات المتاحة.. مع ملاحظة إن اعتبارات زي الهدوء والمناظر الطبيعية وجمال المياه لصالح السخنة.. فما رأيكم؟
استاذ سامح لينا الشرف تكون معانا وتنورنا باذن الله بردوا فى يوم المقابلة القادمة ان شاء الله ,
بالنسبة الى صور القرية انا نزلتها على الصفحة رقم 2 عشان الموقع لو بيعلق مع حد
بالنسبة الى ميعاد 25 /6 فى ناس طلعت حتخلص امتحانات يوم 24 اصلا وانا مكنتش اعرف , وغير كدا حيكون فى اواخر الشهر , وغير كدا طلع بالصدفة عيد ميلاد خالد باشا سبعاوى 2/7 , واعتقد الزحمة حتكون فى نص شهر 7 فعشان كدا بنفضل فى اول جمعة من شهر 7
وبالنسبة الى القرية دى مش بيكون عليها ضغط جامد عشان قرية محترمة جدا , وحتى لو فيها زحمة مش زحمة تخنق زى اى قرية عادية فمتقلقش من النقطة دى وسيبها على الله ومتخفش
بالنسبة الى الوقت الى فايد بالظبط ساعة , وغير كدا انت مش بتكمل الى طريق اسماعيلية للاخر
انت بس بتوصل الى الكارتة الاولى وبعد كدا بتدخل يمين الى فايد , والطريق ظريف ونظيف جدا مفهوش اى مشكلة
وبالنسبة الى العين السخنة , الايام جاية كتير وحنظبط فى العين السخنة رحلة بردوا تكون متميزة فى المكان والخدمة والاسعار عشان تناسب الكل , وفى دماغى حاجة فى العين السخنة لذيذة للمرة اللى بعدها باذن الله
وبالنسبة الى موضوع تاجير شاليه ليومين حيكون صعب , , وكمان ليه نتعب روحنا فى الخدمة واللف على المطاعم والاكل , والقرية فيها كل حاجة , والغدا من ضمن تذكرة الدخول ووجبات مشبعة جدا وممتازة ومكان اكثر من ممتاز
اتفرج على ا لصور بس وانت حتحس انك بتتفرج على قرية سياحية فى العين السخنة او فى الغردقة كمان , وحتشوف مناظر خلابة وتحفة , واسال كمان محمد على ابو الفتوح
ناس كتير راحوا القرية دى , وانا عن نفسى طلعت فيها مرتين قبل كدا , ممتازة جداااااااااا
وبعدين احنا مش حنلم حاجة من الناس قبلها , كل اللى حنعمله حنتجمع الصبح فى مكان واحد ونتحرك مع بعض فى الطريق , ولما نوصل هناك حندفع تذكرة دخول القرية زى ما قولت قبل كدا , عشان مش نقيد حد بحاجة ,
سلام على الناس الحلوة :satelite:... امير باشا ازيك انت فاكرنى ولا لسه متلغبط فيا برده :majd(4):...نفسى اشوفك والله ونفسى اشوفكو كلكم تانى فعلا .. محمد علاء واوكتو واحمد كمال وغازى والراجل الوسيم dr smart ... خايف انسى حد بس كلكم ناس محترمين وان شاء نتقابل تانى على خير ..
للاسف انا اوت عشان الامتحانات :(
دعواتكوا بقى
ان شاء الله يكون يوم جميل ومستنية بفارغ الصبر ان شاء الله
ونروح واتفرج عليكم وانتوا بتعومو (قصدى بتغرقوا هههههه)
قال انزل اعوم قال ......
انا ممكن امسكلكم العوامات هههه
وانا متابع الموضوع ان شاء الله بس يمكن تقل ردودى بس علشان النيلة الى اسمها امتحانات .....
يا باشا ده شئ أســـــــــــاسي... معاك السباح العالمي محمد غازي (بالعكاز) :36_7_4[1]:
ان شاء الله تكون حالتي اتحسنت اكتر شويه, و اقدر انزل معاكوا البحر لأن اصلا
الدكتور قاللي اني لازم انزل بسيين مثلا و اعوم حره و فراشه لأن ده علاج طبيعي لكتفي
يعني هنعوم و نتعالج في نفس الوقت... :ma:
تحياتي يا هندسه...
يا باشا الجيزه و الهرم و اي حته تحبها تحت امرك... انت شاور بس على المكان
و اركن... و ربنا يستر و ترجع تلاقي العربيه في مكانها :ma: هههههههههههه
اشوفك على خير يا هاني بك... و تقبل تحياتي
ربنا يخليك يا باشا, و اكيد انا كمان نفسي اشوفك, و ان شاء الله نتقابل على خير...
تحياتي يا باشا...
اوبااااااااااااااا
بقي كده تجيب اسمي في التحقيق يا هاني باشا
وكمان الاقي احمد باشا تي في باعتلي امر ضبط واحضار
ولما اجي الاقي القضيه كبيره كده وملموم فيها الناس الحلوين
امير وغازي واكتو (مع الاحتفاظ بالالقاب)
عموما حشوف ايه ظروفي وحاجي اسلم سلاحي
لو هاني باشا طالع من اسكندريه حاجي معاه
لو مش طالع ححط علامه نسيان علي العربيه من قدام
ومن ورا حكتب عليها اكس تريل
علشان الواحد يبقي داخل ببرستيجه برضه وسط الصني والتيدا والعربيات الشعبيه دي
ههههههههههههههههههههههههه ههههههههههههههه
ومتجمعين علي الخير باذن الله
--------------------------------------
بس انا بضم صوتي لصوت هاني باشا وياريت
لو فيه امكانيه اننا نحجز شاليه هناك لحفظ المتعلقات وتغيير الملابس واللي يحب يريح
بشرط ان السعر يكون معقول
وان امكانيه الحجز تكون في نفس اليوم
علشان محدش يدوخ دوخه الارمله علي معاش جوزها اللي ملهوش معاش اصلا
اصلي مجرب الحاجات دي ههههههههههههههه
=========================
بجد بقي
لو ظروفي سمحت باذن الله حكون معاكم
فانا دلوقتي باكد بنسبه 50% اني جاي
الشنوووورى باشا....كبير الإجتماعيين..و منسق المقابلات...
أهلا بيك فى عرين النيسان....
طيب إيه رأيك بقى ان انا نفسي أشوفك والله...
و يا سلام لو تنورنا لان مقابلة عيد الميلاد كانت فى ميعاد ميعلم بيه إلا ربنا..
تنورنا يا باشا ان شاء الله..
ركز بقي شويه في المذاكره
و متنساش القاعده الازليه
ذاكر تنجح غش تجيب مجموع
و لو محتاج ممكن نوضبلك هجوم نيساني ساحق بقياده شنوري كبير قيادي حركه الخيال في فنون المكر و الاحتيال علي اي لجنه و نخطف المراقبين و نطالب بنموذج الاجابات و نحط اسمك عليه و كده تقفل الامتحان يا كبير
و مادمت مش ناوي تعوم يبقي تمسكلي الطوب و الجنازير و تجهز رمان علي الشط
و انا كل شويه اشاورلك علي واحد تيجي تعلقله الرمانه من سكات و من غير حد ما يدري بيك
انا علي علم بتحركات المدعو شنوري و اعوانه (شركه شيطانيه متناحره)
و بنوه انه في سبيل عمل طبق طاير علي شكل شعار نيسان
علشان يقدر يتنقل من غير رادار و مخالفات
و اهو يعرف يطب علينا في اي مكان
من غير هم مطبات و حفر و بلاعات
بس الخبرا اشارو عليه انه لازم يذاكر و يشد حيله
علشان ال 50% بتاعته دي تبقي مليون في الميه
للاسف يا دكتور كل امكانيات الغش دلوقتي منحازه للمحجبات
بيحطوا الهاند فري او البلوتوث تحت الطرحه وهاتك يا غش
بالنسبه لاكتوا فاحنا لازم نعمله عمليه ارهابيه
الحل المتاح دلوقتي اننا نقطعله نص ودنه علشان يكون فيه حجه اننا نلف وشه بالشاش والقطن ونزرع السماعه تحت الضماده
غير كده ملهوش حلول عندنا
معلش يا اكتو نصيبك تذاكر
----------------------------------
كمان اذاكر ايه ال 50% دول يدخلوني اي قريه خاصه
ولا المقابله حتكون حكومه ولازم المجموع يكون عالي
ويا تري القريه دي فيها مركز لشباب الشيشه ولا مفيهاش ؟؟
علشان الاخوه الكييفه برضه لازم نعملهم ركن ومنحرمهمش من حاجه
طيب يا جماعه انا شايف ان الغرف اسعارها معقوله جدا بالنسبه لعددنا
فلو فيه امكانيه اننا ناخد غرفه للاسباب اللي انا قولتلها
حفظ الامتعه
تغيير الملابس
الاستحمام
يبقي تمام
بشرط انها تكون مفتوحه علي المكان اللي حنقعد فيه
وطبعا حيكون بالاتفاق مع اداره القريه علشان حيكون فيه عدد كبير داخل وخارج من الغرفه
يا ريت المنظمين يشوفولنا الموضوع ده
دا انا اللى أجى معاك يا باشا وشرف لى يا زعيم
ومين غيرك حينصفنى على حجز الشالية ده فلا يفتى و شنورى فى مارينا و شرم والغردقة وكل القرى الساحلية
وكده كده نحجز شالية للمغتربين أمثالنا و اللى عاوز يغير ملابسة من الزملاء اللى مش عاوزين يحجزوا نبقى نأجرلهم المكان بالساعة :3mla: :3mla:
و ياريت تأكد على الزعيم ابو رقية والدكتور أحمد بحرى وكلنا نطلع اسكندرية مع بعض
ايه موضوع 50% انك جاى :majd(4):ما توتورروناش ياناس
اولا يا فندم اكيد حتنورنا باذن الله
وكل اهل اسكندرية ينورو وعلى راسنا من فوق , زى ما رحبتوا بالناس فى مقابلة عيد الميلاد ومتاخرتوش على حد ,
وياريت الواحد يلتقى بيكم , عشان اللى مقدرش يجى وقت عيد الميلاد وكان عنده ظروف يتعرف عليكم بردوا ,
سواء فى القاهرة او فى اسكندرية او فى اى مكان كله واحد , المهم نتجمع على خير
وبعدين انا كنت جى المقابلة بتاعت عيد الميلاد على المعاد القديم ب23/4 ولما وصلت اسكندرية كلمت خالد ابورقيه ومكنتش اعرف ان المعاد اتغير
وبالنسبة للقرية فيها اماكن لتغير الملابس والاستحمام على مستوى عالى ونظيفة جداااااااا وفى اماكن لحفظ الامتعة
هو يوم خفيف وظريف , وانا روحت القرية دى قبل كدا وفى ناس معانا رحتها كمان , مستواها عالى حتى المكان اللى بيتم فيه تغير الملابس
وبعدين فى امكانية حجز غرفة لما نوصل بالسلامة باذن الله فى نفس اليوم هناك ,عشان اللى حابب يريح فيها
وبالنسبة لركن الشيشة فى كافتيريا فيها شيش , وكل اللى نفسك فيه
والقرية فيها ملاعب كرة قدم وبلياردو وتنس طاولة وبدالات مائية وبلاى ستيشن وجزر فى المياه و4حمامات سباحة , قرية ممتعة جدا , والوجبات فيها جامدة
وباذن الله يكون يوم جميل ورائع وحتى اللى جايب معاه اسرته يستمتع كمان
ياباشا كتر خيرك الفكرة بس ان المقابلة اللى فاتت فى اسكندرية الناس اللى جاءت من محافظات مثل القاهرة تعبوا جدا أثناء الرجوع علشان سفر اول اليوم ومجهود طوال اليوم "فى الاكل بس " .. فما بالك وسائل الترفيه المتاحة فى القرية ح تهد الواحد
لذا فنحن نحب ان نقضى الليل هناك ثم نعود صباح اليوم التالى ولن نكلف احدا شيئا فى ذلك ان شاء الله
المهم ايه موضوع ملاعب الكورة دى انا من جيل حسام حسن وكرش حسن مصطفى
يعنى هشترى حته امام الجون وابعتوا لى الكورة بس وانا اجيب جوان:w6266d
شوف يا أخى ظلم الانسان لاخوه الانسان وانا اللى كنت فاكر الرمان ده بيتاكل علشان
تكسر بيه سنان الناس:36_7_4[1]: ده طلع رمانه من اللى بتموت الناس خالص ...
بس برضه الحق عليك هو فيه حد يحط رمان زى ده 15 يوم فى ميه مالحة من غير ما يكيسها طب والعمل يا دفاس ؟؟؟ يعوض عليك ربنا
فكرتنى بصديق لى دكتور اسنان ومعالج لمشاهير من الفنانين وكان دايما يتنافس معايا على شراء حته الارض اللى قدام الجون وكانت بترسى على عصير منجة فى نادى سموحة .... يعنى اعمل حسابك على قفصين منجة كده :Oc_sun1[1]: :Oc_sun1[1]:
دا انتا اللى اخترت فايد ... يعنى ملعبك:36_7_7[1]: ووسط جمهورك
احلا منجة تجبها من هناك , والله لما نروح , نبقى نروح نبص بصة على مزارع المنجة ونشوف الدنيا فيها ايه
وطالما شنورى حيمسك صفارة , ضمنا ناكل منجة براحتنا ونسيب الاجوان تدخل ترخ , بس نشيله قفص مانجة
لا بجد اللى نفسه فى اى حاجة يعملها حيعملها لان المكان جميل ومتوفر فيه كل حاجة باذن الله
المقابلة الأولى لكم كانت رائعة من حيث التنسيق والتصوير ..
عقبال الثانية كده
استاذ احمد ارجوا ان يكون التجمع في اي يوم من الايام ديه بعد اذن كل اعضاء المنتدي المحترمين لأني بجد نفسي اكون معاكم
الايام هي :-
09-07
16-07
23-07
هكون متشكر جدا لحضرتكم
ان شاء الله احضر المقابلة دى وانا فرحان بالنتيجة ( دة شكلة كلام اعلانات ههههه)
طيب انا عارف بيت المعيد الى هايراقب عليا !!! اقولكوا علية هههههههه
والدكتورة بتاعة المادة دى فاكرانى انى انا الى فكتلها الشكمان بتاع العربية بتاعتها علشان اقولها انا هاوصلك وكمان يومها كان يوم العملى والموضوع طويييييل ....الموضوع دة ينفع ينزل كتاب والله اسمة مذكرات اوكتو من مادة الفيزياء b
هههههههههههههههههههه
بس كويس جدو شنورى هاييجى معانا ب الاكس تريل بتاعتة وهايمسك الطوب والرمان معانا هههههههه
ماشاء الله...كله ناوي يعلق الرمانه بالجنزير..
على اساس ان دي الغمازه بتاع الطعم..
حنعلق فيها مين؟؟؟عشان نصطادلنا قرش بقى؟؟؟؟؟
مين؟؟؟مين؟؟؟مين؟؟؟؟...........
تفتكر يا محمد ميين الى ممكن نعلقة ؟؟؟ ههههه
:C_laugh[1]::C_laugh[1]::C_laugh[1]::C_laugh[1]::C_laugh[1]::C_laugh[1]:
أوعى أكون انا قصدك؟؟؟
انا لا أسمن و لا اغني عن جوع..
انما فيه عضو إيييييييييه خيره واااافر:3mla::3mla:
بس لما أشوفك يا أكتو حقولك عليه يا حبيب قلبي من جوااااا:satelite::satelite::049::049:والبانجو من سينا....
بيقولوا البانجو من هناك حلو قوى..خصوصا فى الموسم ده:36_1_8[1]::36_1_8[1]::afro::sifone:
هههههههههههههههههه حاضر يا ابن عمو علاء هههههههههههههه
بشمهندس أحمد كمال فين؟؟بالإنجليزى؟؟؟
مختفي بقاله كام يوم كده عننا...
مقالش إن كان حابب ينورنا ولا لأ؟؟
و فين باقى الناس اللي من الأقسام التانيه؟؟
والله انا شايف انه هيكون يوم حلو لعده اسباب اهمها :
1- الناس الحلوه اللى مشاركة معانا فى الموضوع واللى شفناهم فى المقابلة الاولى بصراحة ناس زى الفل قمة فى الاحترام وكان يوم جامد واكيد الناس اللى ماجتش احنا اكيد خسرنا وجودهم.
2- الميعاد مناسب لمعظم الناس يكونوا خلصوا امتحانات ويكون فى فرصة للناس تطلع مع اقاربها للمصايف قبل رمضان والزحمة بتاعت شهر سبعة.
3- المكان انا حبيت اكلم عليه فى الاخر لما له من مزايا عديدة فيه حمامات سباحة على اعلى مستوى مناظر تحفة طبعا شاطى نظيف ملاعب كرة اماكن شيشة للى عاوز تنس طاولة العاب ترفيهية كتير بصراحة والاكل كتير ومشبع وحلو وكل شىء متوفر بسهولة ومش محتاج حاجة من بره القرية كلها تحفة انا رحتها من حوالى سنتين وده بصراحة اللى انا شوفته هناك كنا فى اجتماع سنوى تبع الشركة وكنا واخدين القرية كلها لحسابنا وغرف واقامة 4ايام وكانت حاجة اههههههههه من الاخر.
فبصراحة ملقتيش احلى من كده جو وصحبه علشان يبقى يوم جامد
اخوكم محمد على ابو الفتوح
تم الرد عى الخاص يا فندم بالنسبة للرسالة اللى حضرتك بعتهالى واسف على التاخير
وبالنسبة للمواعيد المقترحة حتكون صعبة
وزى ما قال اخونا محمد على وانا متفق معاه , ان المعاد ده اخترناه عشان الناس تلحق بعد كدا تطلع مع اسرها الى المصايف وتسافر برحتها قبل رمضان لان الوقت فى الصيف السنة دى ضيق جدا
وكمان مندخلش فى زحمة شهر7 , وغير كدا احنا خايفين اصلا ليطلع 2/7 زحمة , بس باذن الله يكون يوم ظريف
وياريت تحاول تشرفنا لان فعلا عن نفسى وعن اسرة نيسان بتمنى ان حضرتك تكون مشرفنا لان حضرتك شخصية محترمة وذوق جدا
وياريت تحاول بجد عشان وجودك معانا مكسب كبير وشرف لينا
--------------------------------------------------------------------
اكتو ومحمد علاء ايه الحكاية يا رجالة , فين المذاكرة , شكلكم كدا بتراجعوا هنا فى المنتدى هههههههههههه ,
اكتو بايت هنا على طول , ركز شوية عشان تنهى كتاب المذكرات بتاعك "مذكرات اكتو "على خير وتكتبه وتجيبهولنا نقرائه لانك شكلك كدا مجنن الاستاذة معاك وبتعمل فيهم مقالب جامدة , ده انت طلعت مشكلة ههههههه شكلك كدا كنت مشارك فى فك الشكمان يا يالئيم
ومحمد علاء انا عارف بيراجع فين , ههههههههههههههه فاكر ولالا لما كلمتك فى التليفون , وقولتلك وقولتلى ايوة صح
بجد وحشتنى القعدة معاكم يا شباب ونفسى اقعد معاكم تانى ويكون يوم طويل عشان المرة اللى فاتت كان الوقت قصير جدا
وباذن الله يكون وشنا عليكم حلو , وتخلصوا على خير ,ويمكن النتيجة تطلع قبل يوم المقابلة ونسمع اخبار جامدة وحلوة , وانا والله اجبلكم هدية واظبطكم
وباذن الله يكون يوم جميل لان المكان رائع زى ما قال اخويا محمد على وباذن الله نستمتع فيه مع بعض كلنا, واسرنا كمان تستمتع بيه معانا
واجمل حاجة ان كل الناس محضرة مفاجات لبعض , وده معناه ان فى روح الاسرة والحب بينا وان شاء الله يكون يوم تحفة بالصحبة الحلوة اللى حتكون متجمعة فيه