شكلك حتودينا فى داهية , هو قصده المانجو اللى هى المنجة يا جماعة
, معلش من كتر السهر والمذاكرة الحروف ضربت,
ركز يا محمد ركز فى الحروف ههههههه الله يخليك
شوفتو حرف واحد بيعمل ايه , ممكن يقلب الدنيا ونتحبس بيه
نتمنى من كل رجالة نيسان صنى وكل رجالة نيسان تيدا واكس تريل وكمان الليفينا وبلوبيرد وكل الانواع يشرفونا
وطبعا كل الاعضاء المحترمة اللى فى باقى الاقسام لان الدعوة عامة واسرية ويكون يوم جميل
طيب قبل ما الناس تنسي
ياريت كل اللي موافق يطلع قريه شموسه في فايد يوم الجمعه 7\2\2010 يقتبس المشاركه دي علشان نبدء نحسب العدد
و طبعا الدعوه عامه لأي حد و لو عايز تجيب الاسره برضو براحتك
اليوم هيكون يوم عائلي شبابي و ظريف
والله الفكره والمكان واللى اختار المكان كله اجمل من بعضه . انا لم احضر اول مقابله والثانيه كده شكلى مش هاحضرها لانى نازل مصر اول 6 وراجع 15 / 6 مسافر تانى فلو الميعاد اتغير اكيد هاحضر ان شاء الله
اعذرونى لقلة دخولى المنتدى وباذن الله ربنا يكرم واقدر اكون معاكم باذن الله
ادعولى الامتحانات قربت
ان شاء الله تخلص على خير باذن الله ونسمع اخبار كويسة ,
وكل الناس اللى بتمتحن تخلص بخير وتكون النتيجة طلعت ويكون خير يارجالة
انا خلصت ومستنى النتيجة ......حاسس بالذنب مش عارف لية ههههههههه
قصاد الناس الحلوه دي خد مني الوعد ده
لما نخلص شغل و حالتك تتحسن ان شاء الله
ليك عندي عزومه جامده جامده جامده ترم عضمك و ترجعك وحش من تاني
انا اسف اني مش متوفر حاليا
الشقه عباره عن سيرك قومي
و لسه االنهارده 6 فواعليه وروني الويل و الحمد لله الخساير محدوده باب اوضه كسروه و متسألش ازاي انا بحمد ربنا ان الخساير محدوده و يمكن بكره ان شاء الله بالليل نرجع عصور النور و الشقه يبقي فاضل فيها شغل خفيف مش تقيل
و الله يكرمك كل زي الوحوش
عارف الوحوش؟؟
الوحوش مبترحمش
مبتشبعش
مبتتعبش
زي وحوش شركه المرعبين المتحده
الف الف الف سلامه ياريت الناس الحلوه اللي معانا تدعيلك و تدعي لجميع مرضي المسلمين ربنا يخفف عنهم و يشفيهم كلهم و يرحمنا
بالنسبة لي الموعد الأنسب هو 25 -6
وبإذن الله نتشرف بكم جميعا
ان شاء الله تنورونا باذن الله
واللى حابب يتفرج على صور القرية موجودة فى نفس الموضوع فى صفحة رقم 2
لو هترسى عليكم بس
خليها فى مارينا واهو ناخد فيلا جنب الوزراء ونحسن علاقتك بيهم يا دكتور علشان التعديل الوزارى الجديد وتمسك وزارة المالية لان فيه اشاعة بتقول ان فيه ضرايب سنوية عن الاسنان المستديمه :36_1_1[1]: و هيتعمل لجان جرد سنوى :3_3_102[1]: واللى يضيع حاجة :36_7_4[1]: هيتعمله قضية تبديد
يا خبيث
انت عايز توديني في داهيه بأي شكل
انا امسك وزير برضو
يا اميرنا لك علينا السمع و الطاعه
بس تصدق لو عملو الضريبه دي
احنا و المحامين هنبقي ملوك
احنا نخلع سنان الناس
و المحامين يدافعو عنهم في القضايا
و الناس تتهرب من ضريبه السنان المستديمه بعد كده بتركيب اسنان صناعي
على كدا ياهانى حعدى على امير واجيبه واجيلك على مارينا بس حنعسكر هناك هههههههههههه
ممكن فعلا يا امير الناس خايفة من القرية عشان موضوع الشموسة ده هههههههههه
المشكلة بس اليومين دول الناس مشغولة فى الدراسة والامتحانات , وكل واحد عنده ضغوط الحياة اكيد ,
وبعدين عشان طارحنا المعاد بدرى فالتفاعل هادى بردوا , بس على قد ان ممكن الواحد يقول ان مكنش مفروض يطرح الموضوع بدرى , بس على قد انا مبسوط عشان الكل يكون عارف المعاد من قبلها بفترة عشان محدش يكون عنده حجة ويجى ,عشان نكرر اليوم الجميل اللى كنا فيه مع بعض ,
وفى ناس باذن الله جديدة حتنورنا والمجموعةالقديمة بردوا تقريبا 70 % منها جى ,
واقسم بالله انا من دلوقتى بحضر اصلا ترتيبات اليوم ده من دلوقتى وبنزل وبروح وبجهز للمفاجات اللى حتكون فى اليوم ده , وبجهز برنامج متنسق ومريح للاعضاء,وباذن الله حيكون يوم جميل والكل باذن الله حيستمتع فيه ومش حينساه
ده غير المفاجات اللى امير حيحضرها ,وكمان ايمن سيف ,
وباذن الله على الاسبوع الجى حنثبت المعاد فى موضوع جديد ونبتدى نحصر فيه الاعداد , وحتى الاعداد اللى ثبتت حضورها هنا , حناخد كوبى من مشاركتهم , لان يهمنى حصر الاعداد حتى ان شاءالله 5 افراد عشان بس اظبط على اساسه المفاجات الى بحضرها ,والترتيبات لليوم ده
وعلى فكرة انا ملاحظ كمان ان فى ناس دخلت اختارت اليوم فى الاستطلاع ومش دخلت اكدت اى مشاركة ولا اى كلمة ,
عامة الاستطلاع حينتهى على الاسبوع اللى جى , بعد فتح موضوع جديد باذن الله فيه معاد مثبت ونبتدى نجميع العدد فيه
لألألألألألألألألألألألأ
فيه ايه يا دكتووووور أمييييييييير...انت عايز تعمل جو من الإحباط النفسي ليه.؟؟بتطلع إشاعه ان الناس مش عايز تروح لييييه؟؟؟؟
انا جاااااااي...انا جااااي أهو....
وبعدين دي هانت...انا حخلص إمتحانات على 13/6 ان شاء الله...
و حدوخلي شويتين فى المشروع ...و آخد هدنه مؤقته مخصوص عشان الفرفشه...و نطلع الطلعه دي...
محدش عايز حاجه أجيبها معايا من المحله؟؟
فوط ملايات بشاكير بدل سينييه...فخر الصناعه المحلاويه..
ولا عزاء للدوري الممتاز
مع ان كنت زعلان من جماهير المحلة ساعة ماتش الاهلى الاخير عندكم واللى حصل ,بس والله يا محمد فعلا الواحد زعل ان المحلة هبطت
بس لما اشوفك يا محمد ياعلاء:unhappy: , وانا بقا اللى حغلبك:36_7_7[1]:
ايه هو التصويت استوبد ولا ايه ؟
لا يا فندم التصويت شغال لغاية اخر الاسبوع
سبعاوي إيه رأيه فى الموضوع ده...
مقلش رايه حتى الآن
ياريت فعلا نعرف رايه , لان وجوده مهم جدا معانا واتمنى انه يدخل فى اقرب وقت ويشارك معانا ونعرف رايه
فين اهل النيسان ورجالة النيسان , انا شايف فى ناس كتير مستخبية , وفى ناس مكسلة تشارك , شايف فى وجود لبعض الاعضاء فى المشاركات والموضوعات اللى بتتطرح فى القسم ومش شايف وجود ليهم هنا
على فكرة الواحد مش بيعمل دعاية ولا حاجة او حيكون فى مصلحة ما من وراء المقابلة والتجمع
ولكن بعد نجاح المقابلة الاولى والواحد اتعرف علي شخصيات محترمة جدا وقمم فى الذوق والاخلاق , وقعدتهم كانت جميلة , فالواحد فكر فى تجمع تانى عشان نكمل التواصل القديم , وكمان نضيف عليه باقى الاعضاء اللى مقدروش يجوا المقابلة الاولى , ويزيد عدد الاسرة , ونتعرف على مجموعة كبيرة من الناس المحترمة , ونقدر نفهم بعض , ويكون فى ود بينا كما حصل فى المقابلة الاولى
اتمنى ان يكون فى تفاعل اكتر , من الناس اللى لسه مش شاركت لان اناعارف ان فى مجموعة ماكدة حضورها وحتى لو مش بتدخل لان عارف محبتهم لينا كويس وانهم حارصين على الالتقاء بينا ومقابلتنا مرة اخرى , وده بنعتبره شرف لينا اكيد
عشان الناس مش تفتكر ان العدد بيقل او حاجة قومت كتبت كلمتين , لالالالالالالالا, الحمد لله انا متوقع باذن الله ان حيكون يوم جميل فى وجود الناس القدامة اللى جت المقابلة الاولى وكمان اضافة عليهم وجود الناس الجديدة اللى حتشرفنا باذن الله , بس انا حابب بس يكون العدد 45 الف عضو هههههههههههه ,واتمنى العدد يزيد اكتر واكتر واكتر عشان يكون فى ناس احلى واحلى
لان فعلا الواحد بيتحرك وبيفكر وبيجهز لليوم ده لاجل عيونكم وعيون الناس المحترمة اللى فى قسمنا الحبيب وفى منتدانا الغالى
وباذن الله مستنى تفاعل اكتر عشان نحدد ونركز بس على اليوم ,اللى شكل الاستفتاء رايح ناحية 2/7
عشان اتحرك لعمل كل الترتيبات والمفاجات ليوم المقابلة
وباذن الله يكون نجم المقابلة واليوم ده خالد باشا سبعاوى ويبقا مشرفنا نحتفل بيه لان اليوم ده حيكون يوم عيد ميلاده
والشخصية دى يا جماعة شخصية روعة بجد وجديرة بالاحترام , وانا سعيدجداااااااا انى اتعرفت عليه المرة اللى فاتت
والله يا هانى حتنورونا , وباذن الله زى ما قولتلك لما اجى اسكندرية قريب اكيد حشوفك , لان فعلا انت انسان ذوق جدا ومحترم ,ومن الناس الجدعان بجد والواحد يتشرف بالتعرف عليك وكسب صديق مثلك
وبعدين انا مش قلقان بالعكس , ان حابب نلتقى باكبر عدد من الناس المحترمين فى اليوم ده , ونتعرف على بعض ,
وبعدين وانتم جيين واحدةواحدة لان الطريق بقا ممل بسبب التحويلات للى فيه , لانها بقت كتيرة اوىىى مش اقل من 5 تحويلات تقريبا
وان شاء اله نلتقى بيكم على خير
واضح انك مش متابع الاحداث
http://www.nilemotors.net/Nile/151012-a.html
الله يخليك يا احمد باشا ده كله من ذوقك ومستنى منك تليفون قبل ماتيجى أنشاء الله أسكندرية
بالنسبة للتحويلات فى الطريق مش عارف احتمال الشنورى يطلع سكة مختصرة بحر أبيض وبعدين بحر أحمر وعلى ما تحصلونا احتمال ننضم للصوماليين نخطف كام مركب كده من بتوع جزيرة تيران:049:
انت حتقولى ما انت معاك اكبر قرصان شنورى باشا هههههههههههههههههه ,
عامة القرية اللى حنروحها كمان فيها جزر صناعية حلوة فاكيد طبعا شنورى حيقرصن على واحدة منهم
رغم اني لسة ماجابتش النيسان تيدا الي كنت باخد ارائكم فيها ومقدم عليها
الا اني حابب اني اطلع معاكم الطلعة دية لانها فكرة حلوة اوي وترتيبها تمام ويمكن ان شاءالله تكون معايا في الطلعة دي
والمقابلة التالتة ممكن تكون بقي رحلة صيد جامدة في العين السخنة علي يخت كبير ياخد عدد كبير وبسعر برضة حلو اوي
وهو نقض وقت حلو نكلم ونصطاد
المهم ربنا يتمم المقابلة التانية علي خير الاول و good luck