الموضوع: أرتفاع سعر بنزين 80 بنسبة 30%

انا سمعت هذا الخبر فى احد برامج الفضائيات، ولكنى غير متذكره أسم البرنامج او القناه

وكمان كان بيتكلم عن رفع الدعم عن بنزين 95

المشاركة الأصلية كتبت بواسطة noramagdy

السلام عليكم

كنت افكر فى شراء سياره موديل التسعينات بموتور عادى مش رشاشات (not injection)، لكن بعد قرار زيادة سعر بنزين 80 من 30% إلى 50% فى أول يوليو القادم، وبعض المهتمين بالاقتصاد تنبأو أن هذه الزياده ستستمر سنويأ حتى يقارب سعره بنزين 90 تمهيداً لإلغاء بنزين 80 فى سنة 2014 (طبقاً لاتفاقية الحفاظ على البيئة).

هل هذا يعنى أنى اشترى سياره بموتور رشاشات للاقتصاد فى تكلفة الوقود؟
وان هذه الزياده فى سعر بنزين 80 ستخفض اسعار السيارات ذات الموتور العادى؟

وهل فعلاً ان الموتور العادى يستهلك اكثر من الموتور الرشاشات؟
لكن الموتور العادى يمكن ان يعمل ببنزين 80
وبالتالى زيادة الاستهلاك يعوضها اخفاض سعر البنزين؟
والمحصله ان تكلفة الكيلومتر للموتور العادى أقل من تكلفة الكيلومتر للموتور الرشاشات؟

1-حضرتك لسه مفيش اي اخبار مؤكده عن ان بنزين 80 يغلى بس دايما في اشاعات حولين الموضوع دا
2- بالنسبه لموضوع تشتري سيارة كربراتير او انجكشن فاكيد الانجكشن موفر جدا في استهلاك البنزين عن الكربراتير ولاكن صيانه الكربراتير افضل دا غير انه مش مكلف ومفيش مشاكل الرشاشات اللي غالبا بتتسد من رواسب البنزين
3-هو غالبا مفيش علاقه بين نوع البنزين وسعر السيارات في السوق المصري لكن السمه الغالبه هو العلاقه بين السعه اللتريه للمحرك وسعر السيارة
4-بالنسبه للاستهلاك فهو مش اللي انتي متخيلاه لاكن اكيد في فرق وغالبا الاستهلاك الكويس للبنزين بيعتمد على عوامل كتير غير نوع نظام الحقن زي :
- ظبطه العربية من تاكيهات وبوجيهات وكهربا ...الخ
- حسب دوسه الرجل او طريقه السواقه هاديه او رياضيه او حرق

اتمنى اكون افدت حضرتك

شكراً جزيلاً keemvip

سؤال: أوبل فيكترا 1600cc موديل 1995، موتورها عادى ولا رشاشات؟

العربيه دي كانت مع ابن خالتي وكانت كربراتير بس فيه ناس معاها العربيه دي انجكشن

اول مره اسمع ان بنزين 80 هيغلي