الموضوع: عن البورصه المصريه

اولا انا بقالى 10 سنين متابع البورصة والطبيعى ان اى حد بيكسب وبيخسر

وحضرتك بتقول اخوك جاهل..طيب لو انا جاهل حعمل حاجة من تلاتة

-حسكت
-حطلع بره الموضوع اللى مش فاهمه
-حتعلم

لكن هنا بيعملوا ايه؟ ولا حاجة بالعكس مكابرة وعند وهتافات وخلاص ..(الا هو مين مدير صندوق بايونيرز ويعنى ايه اصلا صندوق بايونيرز وهل باينويرز هى الحكم يعنى) ببساطة شديدة شركة السمسرة لازم تبرللك اى حاجة علشان تخليك فى السوق وتبعد الخطا عنها

فبدل متفهمك ان دلوقتى الوقوع ده امر طبيعى (على الاقل المرة دى) تقعد تشتت انتباهك لاى حاجة ملهاش علاقة بالموضوع

طيب ادارة البورصة ممكن تعمل ايه فى حاجة زى كده..ازمة من بره مصر ولا حتى من جوا مصر..ايه حدود تدخلها...ومن الاصل السوق بينزل ليه؟ مش علشان الناس بتبيع؟ طيب ولو الناس مبعتش يا دكتور هل الاسعار حتنزل؟ حتقلى الكبار بيبعوا علشان ينزلوا السهم وبيشتروا علشان يطلعوا السهم ويضحكوا علينا..طيب وايه اللى بيخليكم تمشوا وراهم..لما بيبعوا مبتشتروش ليه ولما بيشتروا بتجروا وراهم ..يعنى حد بيضربك على ايدك؟ طيب بتشكى ادارة البورصة ليه




وحقولك تانى لو كنت سمعت الناس بتعترض فى اى ايام تانية كنت سكت...لكن امبارح بالذات يعترضوا ويعملوا مظاهرة دى اللى عجيبة


ياسيدى عمر مكان عدم المعرفة عيب...لكن تخيل انى قريت كتاب عن الطب وروحت مصمم اعالج الناس ولما الناس تموت اقول صاحب شركة الادوية هو الغلطان

واضح أن السوق جالو هبوووط

المشاركة الأصلية كتبت بواسطة amir

ربناخصوصا لما كل شويه واحد فاكر نفسه من الصحابه و يتفرد و يتني و يقولك البنوك حرام

رب كلمة هوت بصاحبها فى النار فيرجى مراعاة حديثك عند التحدث عن ناس بينصحوك بحاجة حرام فعلا
فتخيل هما يبقوا صح وانت بتتريق عليهم كمان
(على فكرة مفيش شيوخ-تقريبا- بره مصر بتفتى بحلال فوائد البنوك الا (المسيسون)

وكمان لما اقولك الخمرة حرام مش مطالب انى اجبلك بديل

ولكن برده لان هنا متاخرين اوى فمحدش عارف يطلعلك بدائل حلال

لكن العالم جرى بالمشاوير فى الموضوع ده واخترع اداوات مالية تتوافق مع الشريعة وتتناسب مع الظروف

واخيرا مش كل البنوك الاسلامية ضحك على الدقون والفترة الجاية حتشوف تطور كبير فى الموضوع ده لكن الشخص العادى ممكن يقولك مفيش فرق بين البنك العادى والاسلامى (يبقى مين اللى بيفتى ساعتها؟)