..:: شفت كورولا الجنوب أفريقى ال 1.6 النهاردة professional ::..

**ahmad7610** · 03-02-2008 11:45 AM

شفت بالصدفة فى احد المعارض - الكورولا 2008 الجنوب أفريقى .. بالفتيس MMT الجديد وكماليات professional بضمان الوكيل
طبعا سعرها المفروض 132000 لكن صاحب المعرض فرحان بيها شويه بمخليها ب 137000 جنيه وبعد التفاوض 135000 بالعافيه!؟!؟
-وحجته ان التسليم فورى .........
-
العربية كده ارخص من السيفيك والحقيقة كل الى حيركبها حيتوهم بيها بالذات من جوه .. رغم ان الخامات والله ما تقدرش تفرقها عن اليابانى لكن
تحس ان السيفيك ماسكة نفسها برضه .. اول ما قعدت فى الكرسى بتاع الكورولا سمعت صوت كده طلع ان الكرسى مال للجنب فخبط الكونسول :(
مش عارف ليه حسيت ان الكرسى فيه حاجة غلط مش ماسك كويس او حاجة زى كده: (حاجة غريبة شويه.).....المهم :::

----من بره من غير جنوط و عجل 16 كبير لكن فى فوج والعربية شكلها عالى قوى - والشكل العام - مقبول شويه مش قبيحة قوى زى الصور

----من جوه وهم بسم الله ما شاء الله .. دركسيون بتحكم فى الكاسيت و ذراعان + _ للتحكم فى الفتيس خلف الدركسيون .
لكن التكييف بكر اسود وعدادات عادية مش بلازما .. طبعا لانها موديل professional مش advanced
والكاسيت الاصلى فيها ....
-
ان شاء الله مش حاسيب صاحب المعرض الا لما اعمل لها test drive كامل وحضيفه ان شاء الله.....:)

**Karim_Monir** · 03-02-2008 12:09 PM

ها ها
كمان تست درايف
ادينا مستنين يا غاللي

**limo** · 03-02-2008 01:26 PM

على فكره هيه سعرها كده كويس انا لسه سائل النصر للتجاره والتوزيع عنprofessinal AT قالى موجوده استلام فورى ب145 الف جنيه طبعا زهلت من السعر
وقالى انك ممكن تحجز ب50 الف وتسلم باسعر الرسمى على شهر 4
العربيه متفرقش كبير عن اليابانى طبعا الفينش مختلف لصالح اليابانى لاكن الكماليات لصالح الجنوب افريقى بجداره

**kamalantivirus** · 03-02-2008 01:28 PM

في انتظار تقييم

**أبو عبدالله** · 03-02-2008 01:41 PM

لو عملت تيست درايف اديني مسد بس
هههه

الف شكر

**ahmad7610** · 03-02-2008 03:21 PM

انا كنت محتار بين الفكترا والسيفيك .. كده حتخلونى افكر تانى لييييييييه كده ...
-
كل اللى حكيت لهم عن العربية قالوللى السعر كده حلو جدا للتسليم الفورى ...العربية عندنا فى معرض فى بنها ولونها فضى .. وان شاء الله الراجل صاحب المعرض مش حيقول حاجة لو طلبت اجربها.
وعلى كلام صاحب المعرض انه هو نفسه مش حيقدر يجيب واحدة تانية الا بعد شهر على الأقل ؟!
----
والله حتخلونى انزل اشوفها تانى النهاردة .. انتظروا ردى>>>
-
انا مستغرب من الردود .. هو التست درايف بتاع الكورولا الجنوب افريقى صعب اوى كده ولا ايه .... ده على كده حيبقى سبق صحفى :)

**limo** · 03-02-2008 03:34 PM

عموما الفكترا حاجه تانيه خالص انا لو معايا فلوسها مش هتردد ثانيه انى اجبها
بس انا شايف ان الكورولا احسن عربيه لحد دلوقتى فى رنج 120 الى 130 الف وانا افضلها عن السيفك نظرا لانها بياعه عنها وفيها كماليات اكثر وكمان فى رأى شكل احلى من السيفك
عموما الفيصل لو تعرف تجرب الكورولا يبقى تمام اوى
صحيح هيه ال professinal مالتى مود الى مفيهاش مفتاح زكى وزينون وجنوط اسبور فيها ذراعين سالب وموجب خلف الدركسيون لنقل الحركه ولا الكلام ده موجود فى الadvanced بس ؟

**ahmad7610** · 03-02-2008 03:56 PM

انا كاتب فوق ..
-
اللى كنت اعرفه ان الزراير بتاعت الفتيس + و - دى فى advance فقط .. لكن يبدو انى كنت غلطان .
لانى وجدت العربية دى professional وبذراعى التحكم + و - ..!!
-
المهم كده ال advance زيادة عن العربية اللى شفتها انا ب ::::
( الزينون - الجنوط - زرار start - سينسور - بخاخات - الفرش اللونين وطبعا العدادات البلازما)
-
طبعا الفكترا اكيد احسن بس انا كل اللى مخوفنى منها الصيانة . اسمع انها نار بس حاعمل اللى عليا وانزل مركز الصيانة بتاعها واسال ... ربنا يستر- الاسبوع ده ان شاء الله بدون مقاطعة لازم اخد قرار