ارجو عدم الاستغراب:اية الاحسن بالترتيب فيرنا-نيو اكسنت-النترا-نيو سيراتو-صنى من حيث

**zamalek26** · 12-05-2010 03:17 PM

ارجو عدم الاستغراب من هذة المقارنة لان انا بقارن من عدة نواحى مختلفة باختصار عاوز عربية تكون فيها مميزات كلاتى:

1-قطع غيار رخيصة مهم جدا عشن ما يكونش فية تكاليف كتيرة.
2-صيانة رخيصة
3-اعادة بيع سهلة باقل الخسائر
4-قلة العيوب مع ذكر العيب ان وجد
5-مش عاوز مواصفات كتيرة اوى غير تكيف كويس-ماتور محترم-صوت مش عالى للماتور-عفشة كويسة (من الاخر عربية تحس ان تمنها فيها) واقتصادية.
6- قوة صاج العربية
7- قوة دهان العربية وعدم تاثرة بسهولة....

طبعا هو فية اختلاف فى الاسعار ما بينهم لكن انا يهمنى فعلا اشترى عربية للزمن واحس انى دفعت فلوس تستاهلها.....العربية.!

الاسعار كلاتى:

- فيرنا74 الف اتوماتيك (مقلق من مواضيع اكل البرومة الى فية الشاصي والبوية اللى بتطلع!!!)
-نيو اكسنت 82 الف اتوماتيك مقلق من حوار الماتور اللى باظ بعد 1000 كيلة -وحوار الدبرياش اللى بيتغير فى ال1000 كيلو او المسافات القريبة )طبعا هى اتوماتيك فا مش هتهمنى بس انا بشترى عربية ككل هل الاتو فيها حاجة؟؟
-النترا 99 الف اتوماتيك (مقلق من تغير الشكل وممكن سعر الشكل دة يقل جامد).
-نيو سيراتو 103 اتوماتيك (هل وهى فاضية واتوماتيك كدة هتاثر في اعادة البيع؟؟؟ اية عيوبها فى التقفيل دة اعتقد الفئة دة lx)
-صنى 100 الف سوبر صالون اتوماتيك. مقلق من موضوع قطع الغيار الغالية وصوت الماتور وموضوع التقفيل المصرى - وضعف الصاج!!!!

اخر حاجة مهمة جدا هل اشترى منى للوكيل علطول ولا اشتهرى من معرض؟؟؟ واي ةالفرق ما بينهم فى المعاملة والسعر ؟

ارخص فائدة فى بنك اية؟ وكم النسبة السنوية؟

**islamnasser10** · 12-05-2010 05:39 PM

اعتقد النيو اكسنت هى الافضل سعرها مش مبالغ فيه وسعر قطع الغيار معقولة واستهلاك قليل لبنزين
وعربية مستقبلها حلو وكويس انك بعدت عن المانيوال علشان هو اللى فيه المشاكل
دة رأيي وانتظر رأى الخبراء

**Hosam_Optrawy** · 12-05-2010 06:50 PM

بص انت كل كلامك بيقول فيرنا

قطع غيار رخيصه وصيانه رخيصه اعادة بيع سهله باقل خساره تكييف ممتاز موتور ممتاز

لو مقلق من التقفيل المصرى والمشاكل اللى ممكن تحصل

يبقى نيو أكسنت

وموضوع الموتور دا بتبقى حظوظ وحالات فرديه والاوتوماتيك بتاعها كويس

بس خد بالك الاكسنت كمان هاينزل منها شكل جديد زى الالنترا

وطبعا كل ماتزود هايكون افضل

يعنى لو زودت وجبت النترا هاتكون اوسع وموتور اقوى واشيك

ومتفكرش فى الموضوع الشكل الجديد وتأثيره على السعر

لان مش شرط مادام حاجه جديده نزلنت القديمه ترخص

شوف اسعار الشكل القديم 2004 - 2006 هاتلاقيها عاليه جدا لدرجة انها مقريبه من ال 2007

السيراتو طبعا احدث شكل وبالعكس اعادة البيع ال Lx هاتكون كويسه لانها اقل فئه

رأيى انت مختار عربيات كويسه واللى هايحسم الموضوع هو المبلغ

كل ماتزود كل ما هاتاخد حاجه احسن ورفاهيه اكبر بس على حساب ان قطع الغيار هاتبقى اغلى والصيانه اغلى واعادة البيع تخسر اكتر

كا ما العربيه تبقى ارخص هاتبقى حاجتها رخيصه وخسارتها قليله

بالتوفيق

**zamalek26** · 12-05-2010 10:13 PM

أرجو وضع ترتيب من حيث اسعار قطع الغيار
وترتيب اخر من حيث اسعار الصيانة
وترتيب اخر من حيث سعر اعادة البيع

**islamnasser10** · 13-05-2010 03:28 AM

منا علشان كده اخترت النيو اكسنت
عربية تعتبر معقولة كسعر ولكن فيها معظم اللى ممكن تحتاجه من اى عربية + انها اشيك بكتير من الفيرنا واللانوس واللوجان والسبيرانزا لانها اعلى من الفئة دى + انها تكنولوجيا احدث
انا اخترتها كحل وسط علشان متدفعش كتير فى عربية على الفاضي ومصاريف تشغيل عربيات زى النترا وسيراتو اعلى بكتير من الاكسنت
ومش عارف حضرتك بتتكلم على النيو اكسنت العادية ولا اللى فى التوكيل مسمينها سبور علشان شوية عتب وكلام تافه
واستنى برضه نشوف اراء باقى الاعضاء
ولو حد يقدر يكتبلنا سعر كل عربية جنب اسمها بس السعر الاوتوماتيك يبقى كتر خيره

**د.محمود صلاح** · 13-05-2010 10:35 PM

الخيارات متقاربة جداً ربنا يعينك على حسن الإختيار

**M.Osman** · 13-05-2010 11:12 PM

حضرتك بتقول قطع غيار رخيصة ... بس برضه مش واضح
لأن حشرتك حاطط كذا عربية من كذا فئة...

انا هتكلم عن العربية اللي معايا ... الفيرنا

1-قطع غيار رخيصة مهم جدا عشن ما يكونش فية تكاليف كتيرة.
رخيصة و متوفرة بغباء و انواع من الصيني للأصلي الكوري ...انا كنت عملت حادثة و مكنة مياه المساحات كانت باظت ... ولاقيتها موجودة عند الكهربائي اللي بتعامل معاه ... يعني حاجاتها موجودة و انت واقف مكانك!

2-صيانة رخيصة
انا لسة بعمل الصيانات الدورية فقط ... و نسبياً ارخص من النيو اكسنت مثلاً بعد الضمان هبقى اعملها عند اي حد وخلاص

3-اعادة بيع سهلة باقل الخسائر
العربية مطلوبة ... يعني هتتباع بسرعة ... لكن حتة الخسائر دي معتقدش اوي ... لأن انا كنت شاريها في 2007 هاف ب66 دلوقتي ب62 ... يعني قيمتها نزلت اصلاً !

4-قلة العيوب مع ذكر العيب ان وجد
بالنسبة لي .. عزل الصوت عند الأبواب و يمكن انا اللي اتسببت فيه لما فكيت الأبواب عشان اركب سنتر (كانت هاف اوبشن)

5-مش عاوز مواصفات كتيرة اوى غير تكيف كويس-ماتور
محترم-صوت مش عالى للماتور-عفشة كويسة (من الاخر عربية تحس ان تمنها فيها) واقتصادية.
تكييف العربية ممتاز - محركها اقتصادي لو معظم تحركاتك سفر

6- قوة صاج العربية
صاج الفيرنا جيد جداً و مش زي ما الناس بتقول ... هو احسن من موديلات هيونداي القديمة و في نفس الوقت مش زي الأوكتافيا مثلاً (طبعاً يعني)

7- قوة دهان العربية وعدم تاثرة بسهولة....
لا... جودة الدهان مش عجباني بصراحة ... حاسس انها طبقة خفيفة اوي

لكن مجملاً ما زلت شايف انها احسن عربية في فئتها و بالتوفيق

**zamalek26** · 14-05-2010 02:11 PM

المشاركة الأصلية كتبت بواسطة ahmedegypt

-صنى 100 الف سوبر صالون اتوماتيك. مقلق من موضوع قطع الغيار الغالية وصوت الماتور وموضوع التقفيل المصرى - وضعف الصاج!!!!

و برده حضرتك لو معاك 80000 مثلا ممكن تجيب صنى او اوبترا يوزد واعتقد دول احسن عربيات تحت ال 100 الف

فكرت فى الكيا ريو نفس نيو اكسنت كفئة بس اعادة بيعها اية ظروفة ؟؟؟

فيها ميزة ضمان خمس سنين ..... مش 3 زى غبور