الموضوع: حادثه عربيتى بولو 2009 قدر الله و ما شاء فعل

السلام عليكم يا شباب
دى اول مشاركه ليه فى المنتدى
الكلام ده من شهر تقريبا حصل على الكرنيش فى اسكندريه جنب سان ستيفانو المهم انا كنت مروح بليل الساعه 11 كده و ماشى فى امان الله ولا بجرى ولا بشد و مروق خالص فى حدود 50 كده المهم مره واحده اسمع صوت فرمله و الاقى عربيه بتجرى فى وشى وبووووووووووووووم الدنيا ضلمت انا مصدقتش الموضوع كلو حصل فى ثانيه انا فقت لاقيت ناس كتير و اسعاف و دخان الى حصل ان شاب محترم كان باخد غرزه لطيفه ( ده الكلام الى الشهود بتقوله ) المهم عربيتو عومت منو و طلع على الجزيره و الى يعرف الكورنيش فى اسكندريه اصلا الجزيره حجمها مرعب و صعب جدا عربيه تعديها المهم الشاب الجميل ده هوب طار و عدا و دخل فيا فيس تو فيس بالظبط كانو كان مسنتر عليا طبعا مكنتش رابط الحزام لانى مكنتش بجرى هوا خبطنى عربيته فيرانا و انا بجد بكره العربيه الكلبه ديه عربيه مفيش فيها ثبات و جنوط 13 طب سعاتك بتجرى بيها لييييييييييييه ؟
طبعا انا خدت الخبطه رجعنى ورا 20 متر بضهرى و طلعنى فوق الجزيره ستر ربنا محدش خبطنى من ورا الايرباج طلع طبعا و فعلا هوا الى حمانى بس الباسنجر اير باج عملى جرح فى راسى لانى مكنتش رابط الحزام
بجد انا لما فوقت و شوفت منظر العربيهقولت قدر الله وما شاء فعل و قدرت فعلا الالمانى و الامان الى فيه يعنى هوا مثلا اتبهدل و دخل معرفش غيبوبه او حاجه كده يلا ربنا يشفيه
انى اطلع من حادثه زى دى بجرح 6 غرز و تمزق اربطه فى ايدى دى بجد حاجه ورتنى قد ايه الالمانى بيتهم بالبنى ادم الى سايق العربيه دى
كنت عايز استفسر منكم يا شباب عن توكيل الكيلو 21 و هوا كويس ولا اعمل العربيه بره بس المشكله ان الاير باج لازم فى التوكيل يا ريت الافاده من اهل الخبره و بجد يا رجاله الحزااااااااااااااااااااا ااااااااااااااااااااااااا اااااااااااااام ده و الله مش زينه فى العربيه و اسيبكم مع صور الحادثه