شكر تاني مرة للمهندس طارق والمهندس محمد(صيانة الأربعين)

**elpasha009** · 03-02-2008 01:37 PM

يا جماعة أنا مش عارف أقول ايه على معاملة المهندس طارق زويل والمهندس محمد في توكيل ميتسوبيشي فرع قليوب.بجد الناس ده تحفة وأنا مهما كتبت مش هوفي حقهم أبدا.
الموضوع ان أنا رحت التوكيل يوم الحد اللي فات علشان أعمل صيانة الأربعين ووصلت هناك بدري الساعة 7:45 والحمد لله دخلت تاني واحد.المهم بعد ما سلمت العربية طلعت طبعا علشان أسلم على المهندس طارق والمهندس محمد(أنا كنت أول واحد زرتهم من المنتدى في صيانة العشرين)وكالعادة طبعا قضيت أحلى 3 ساعات مع الناس ده:)
بجد صباح الأدب والأخلاق والواجب والاحترام وعلشان مظلمش حد هو بصراحة الناس هناك معملتهم كلهم ممتازة من أول بتوع الأمن لحد المهندس طارق أكبر مسؤل شفته هناك:)
أنا كمان عاوز أوجه تحية مخصوصة للمهندس محمد لأنه مسبنيش من ساعت مرحت لحد مطلعت بالعربية وكمان هو اللي دخل جبهالي من جوه خلصلي ورقها وكمان وقف معايا وهي بتتغسل:)
الصيانة تم فيها تغير بوجيهات وفلتر بنزين وفلتر هوا وزيت فتيس اتوماتك وتظبيط العفشة والصيانة العادية ودفعت 1000 جنيه بالتمام والكمال.
طبعا السعر ده من غير الزيت وفلتر الزيت لأني كنت مغيرهم من بره.

**مصراوي جدا** · 03-02-2008 05:56 PM

الله يخليك يا باشمهندس أحمد وشكرا لذوقك

وطالما انت بتتكلم عن صيانة الاربعين يبقى انت اللي هترد على الاستاذ أحمد جمال اللي فاتح موضوع (سؤال الى مالكي لانسر عن صيانة الـ 40 ألف) علشان انا من الصبح عايز اجهز البيانات وأرد عليه لكن ورايا حاجات كتير لكن طالما انت لسه عاملها يبقى تقول له كده من واقع الفاتورة الشغل والمصنعيات وقطع الغيار اللي اتصرفت مع ملاحظة ان عربيتك اعتقد مغيرتش تيل لكن هو ممكن يحتاج

مع الشكر

**elpasha009** · 04-02-2008 04:05 PM

يا جماعة أنا بجد أسف أنا فعلا مشكونتش موجود على النت.أنا أصلا عملت الصيانة يوم الحد ومكتبتش عنها غير امبارح عشان مش موجود في مكان فيه نت.أنا بعتذر تاني مرة

**مصراوي جدا** · 04-02-2008 05:01 PM

لا ابدا ولا يهمك يا باشا .. الحمد لله أنا جبت له التفاصيل

**elpasha009** · 06-02-2008 11:28 AM

الله يبارك فيك يا استاذ اسلام.والله العربية طبعا اتغيرت شوية يعني صوت الماتور بقى أهدى من الأول وكمان العفشة الاحساس بيها اتغير:)
أنا كنت غيرت التيل في صيانة العشرين بس المرادي مغيرتوش لأني بصراحة حسيت ان تغيير التيل عند العشرين كتيييييييييييير أوي فحسنت من دوستي على الفرامل شوية وفعلا متغيرش على أربعين يعني في رأي ممكن يقعد لحد الخمسين:)

**اسلام المصرى** · 06-02-2008 08:40 PM

المشاركة الأصلية كتبت بواسطة elpasha009

الله يبارك فيك يا استاذ اسلام.والله العربية طبعا اتغيرت شوية يعني صوت الماتور بقى أهدى من الأول وكمان العفشة الاحساس بيها اتغير:)
أنا كنت غيرت التيل في صيانة العشرين بس المرادي مغيرتوش لأني بصراحة حسيت ان تغيير التيل عند العشرين كتيييييييييييير أوي فحسنت من دوستي على الفرامل شوية وفعلا متغيرش على أربعين يعني في رأي ممكن يقعد لحد الخمسين:)

شكرا جزيلا على الرد يا أستاذ أحمد :) ربنا يبارك فيك. أصل أنا معايا 1600 أتوماتيك و ماغيرتش التيل و لا مره لغايت دلوقتى , فى صيانة ال20 الف قالولى لأ لسه بخيره , هى الفرامل كويسة بس خفت شوية طبعا , أنا عامل دلوقتى 27 ألف فمنتظر فى صيانة ال30 ألف أنه يتغير , علشان ماضطرش أروح تانى مخصوص علشان التيل بس. أنا سواقتى معظمها خارج المدينة الحمد لله.