صوت تسقيف جامد

**amigo77** · 17-05-2010 10:38 AM

المشاركة الأصلية كتبت بواسطة tuttoo

التسقيف دة عبارة عن شروخ بيحصل ف سقف البستم تكرارة غلط طبعا

يعنى رأى حضرتك الأفضل أوقف العربية لغاية ما أحل المشكلة علشان ما تكبرش أكتر من كده؟

**aymanaly2003** · 24-05-2010 04:02 PM

انا معايا نوبيرا 1 و كان عندي نفس المشكلة و بعد الحيرة نصحني احد الاصدقاء بالذهاب الى واحد بتاع عفشة يراجع على اسبويلر الاتزان و رحت له فوجد كاوتشتين تعبانين جبتهم له اصلي ب 20 جنية و ركبهم و جربت العربية من ساعتها بطلت صوت الكركرة ( زي ما اكون حاطط بنزين 80 )

**megadeath** · 26-05-2010 08:18 PM

الاخ ضاحب المشكلة يا ترى عملت ايه ؟ انا مستنى اعرف العيب ده طلع ايه منك لان عندى نفس العيب
برجاء لو توصلت لحاجة قوللى
و الف شكر

**amigo77** · 28-05-2010 02:22 PM

أسف على التأخير فى الرد
أنا رحت التوكيل ( أبو غالى ) اتقالى كلام غريب جدا
قالولى انه ده عيب من الفتيس ( تأخير فى النقل ) طبعا كلام فارغ لأنى كشفت على الفتيس قبل كده فى شارع أحمد سعيد من مهندس محترم جدا و مش كده بس انا رحت لأكتر من واحد و أكدولى انه ده مش عيب فتيس و ان فتيس العربية زى الفل
المهم ما أطولش عليكم
رحت لميكانيكى محترم و بصراحة كلامه اقنعنى
قال كالتالى :
أن العربية دى كا بيتحط فيها بنزين 80 و بالتالى كون كربون بسمك معين فى غرف الحرق بتاع الموتور فالبستم بقى عند حركته العادية محكوم بالطبقة دى و ده سبب صوت التسقيف او السكة المسموعة
و على كلامه ده مالوش اى تأثير على الموتور اطلاقا غير سماع الصوت فقط
اما العلاج و فك و تنظيف غرف الحرق للموتور بس ده انا حعمله لما الموتور يخف شوية طالما ما فيش اى ضرر على الموتور دلوقتى
لأن على كلامه بردو لو فكيت دلوقتى و نظفت العربية حتدخن و تاكل بنزين
منتظر {اى الخبراء فى الموضوع بردو
و أسف على الاطالة

**amigo77** · 28-05-2010 02:28 PM

ا

نا معايا نوبيرا 1 و كان عندي نفس المشكلة و بعد الحيرة نصحني احد الاصدقاء بالذهاب الى واحد بتاع عفشة يراجع على اسبويلر الاتزان و رحت له فوجد كاوتشتين تعبانين جبتهم له اصلي ب 20 جنية و ركبهم و جربت العربية من ساعتها بطلت صوت الكركرة ( زي ما اكون حاطط بنزين 80 )

أكيد حضرتك تقصد صوت مختلف عن اللى انا اقصده
معقولة يبقى صوت الكركرة او التسقيف ده سببه العفشة ؟
عموما الموضوع لسه مطروح للمناقشة و الرأى للخبراء طبعا
مشكور على الاهتمام و الرد

**megadeath** · 28-05-2010 03:11 PM

الف شكر على الرد
انا هعمل حاجة و حبلغك بالنتيجة .... انا حعمل اسكانر للعربية و ممكن العيب ده يتعرف بالطريقة ديه
و ان شاء الله خير .....عايزين نخلص من المشكلة ديه

**amigo77** · 28-05-2010 04:59 PM

المشاركة الأصلية كتبت بواسطة megadeath

انا هعمل حاجة و حبلغك بالنتيجة .... انا حعمل اسكانر للعربية و ممكن العيب ده يتعرف بالطريقة ديه

أعتقد ان السكانر مش حيفيد لأن السكانر مفيد بس فى حالة أن لمبة check تكون منورة و طالما مافيش عيب فى الكمبيوتر بتاع العربية يبقى السكانر مش مفيد
احنا عايزين حد يدلنا على واحد متخصص لانوس علشان يجيب من الأخر
يا جماعة انا سمعت عن حد مشهور جدا فى فيصل متخصص لانوس اللى يعرفه يا ريت يقولنا على مكانه

**megadeath** · 28-05-2010 06:29 PM

قولى اسمة ايه و انا حعرفلك هو فين بالظبط ....
صحيح هو الراجل بتاع الفيتيس اللى فى احمد سعيد هو الحاج مجدى ؟
و بعدين اللى سكانر حيكشف على الحساسات و ممكن يكون فى حساس مش مزبوط

**samirayad** · 28-05-2010 07:54 PM

رحت لميكانيكى محترم و بصراحة كلامه اقنعنى
قال كالتالى :
أن العربية دى كا بيتحط فيها بنزين 80 و بالتالى كون كربون بسمك معين فى غرف الحرق بتاع الموتور فالبستم بقى عند حركته العادية محكوم بالطبقة دى و ده سبب صوت التسقيف او السكة المسموعة
و على كلامه ده مالوش اى تأثير على الموتور اطلاقا غير سماع الصوت فقط
اما العلاج و فك و تنظيف غرف الحرق للموتور بس ده انا حعمله لما الموتور يخف شوية طالما ما فيش اى ضرر على الموتور دلوقتى
لأن على كلامه بردو لو فكيت دلوقتى و نظفت العربية حتدخن و تاكل بنزين
منتظر {اى الخبراء فى الموضوع بردو
و أسف على الاطالة

من ناحية أنه محترم .....فهو محترم فعلا

بس سيبك من كلامه شويه ..........؟

طيب ماتعمل أسكانر كمان علشان تطمن على حساس الحراره ؟

ومعاك برضه موضوع الصوت من التاكيهات اللى قولتلك عليه قبل كده

**amigo77** · 30-05-2010 11:13 AM

المشاركة الأصلية كتبت بواسطة samirayad

من ناحية أنه محترم .....فهو محترم فعلا

بس سيبك من كلامه شويه ..........؟

طيب ماتعمل أسكانر كمان علشان تطمن على حساس الحراره ؟

ليه حضرتك بتقول سيبك من كلامه
لو عندك اى ملاحظات على رأيه ممكن اعرفها
ثانياً كلام حضرتك مظبوط انا عاوز اعمل سكانر عشان حساس الحرارة و حساس البنزين كمان
ممكن يكون فيهم حاجة
مع انى بحس ان الاسكانر ده خايب و ما بيفدتش الا لو لمبة check منورة يعنى زيه زى قلته
بس ما فيش قدامى فاضل غيره دلوقتى
متتظر الردود و متشكر للاهتمام

الموضوع: صوت تسقيف جامد

LinkBack

أدوات الموضوع

عرض

-

-

-

-

-

المواضيع المتشابهه

صوت تسقيف فى الشاهين

تسقيف

افيش وتشبيه ....... جامد جامد جامد

تسقيف الموتور

تسقيف الماتور

الكلمات الدلالية لهذا الموضوع

المفضلات

المفضلات

ضوابط المشاركة