الميجان يا وحوش

**ahmed1_com** · 13-05-2010 03:58 PM

انا مش عارف اعملها ايه تانى امبارح رحت كان حساس البنزين فى مشكله عملته وغيرت بوجيهات اصلى جبتها من التوكيل وعملت العفشه جيت انهارده بدور مش راضيه تدور خالص اعد اكد على الحساسات بردو مفيش مش عارف اعمل ايه ياريت يا وحوش حد يفدنى بسرعة ضرورى وياترى ترس الفريز يكون سبب بس هو الترس عايز يتغير بس لسه مش قوى الصوت ضعيف ياريت حد يفدنى بسرعة

**Hany Saad** · 13-05-2010 04:03 PM

المشاركة الأصلية كتبت بواسطة ahmed1_com

انا مش عارف اعملها ايه تانى امبارح رحت كان حساس البنزين فى مشكله عملته وغيرت بوجيهات اصلى جبتها من التوكيل وعملت العفشه جيت انهارده بدور مش راضيه تدور خالص اعد اكد على الحساسات بردو مفيش مش عارف اعمل ايه ياريت يا وحوش حد يفدنى بسرعة ضرورى وياترى ترس الفريز يكون سبب بس هو الترس عايز يتغير بس لسه مش قوى الصوت ضعيف ياريت حد يفدنى بسرعة

أخبار بطاريتك إيه؟؟؟ درس الديفزر بيقوم مع صوت تكسير و بعدين تطفى.

لكن كده ممكن تكون بطارية فقدت النطق....

**renualt_engineer** · 13-05-2010 04:05 PM

المشاركة الأصلية كتبت بواسطة meggieboy

أخبار بطاريتك إيه؟؟؟ درس الديفزر بيقوم مع صوت تكسير و بعدين تطفى.

لكن كده ممكن تكون بطارية فقدت النطق....

ممكن لو العربيه مفهاش كهربا اصلا بس لو فى دواره مارش يبقى زى ما قولت

**ahmed1_com** · 13-05-2010 04:22 PM

مشكورين جدا طب spead sensor ده مكانه فين فى العربيه كمان العربيه بتدى مرش عادى وانا على ما اظن البطريه شغاله عادى لانى الكونتك شغال عادى وكمان بدى مرش شغال عادى وانا جربت الطرمبه وفكيت الخرطوم ودورت لقيت البنزين بيخرج عادى فا ياريت حد يفدنى ةيعرفنى الحساس ده فين

**renualt_engineer** · 13-05-2010 04:27 PM

الحساس موجود تحت حساس الحراره بين الموتور والفتيس لو مديت ايدك حتلاقى فيشه راكبه فى جنب الوتور ممكن تحركها وتدور العربيه او الحساس قاطع ساعتها لازم يتغير وده جديد بحوالى 280-320 فى التوفيقيه

**د.محمود صلاح** · 13-05-2010 10:25 PM

ياريت توافينا باللي حصل معاك وان شاء الله يكون الموضوع بسيط

**gazzar91** · 14-05-2010 11:58 PM

المشاركة الأصلية كتبت بواسطة renualt_engineer

الدفيزر مش السبب بس الاعراض شكلها speed sensor هو اللى ممكن يخلى العربيه ما تدورش وكمان الطلمبه لو قاطعه راجع على البنزين الاول لو فى ضغط مع فتح الكونتكت يبقى الحساس

مش ده برضه هو الـ Fly wheel position sensor اللي بين الموتور و الفتيس و راكب بمسمارين 10 و الصنايعية بيسموه حساس كرنك (و أنا متحفظ على الموضوع ده)... أنا آسف على السؤال بس أنا حاصل عندي لبس لأن الـ speed sensor ده بيبقى في بلي العجل اللي هو برضه بيدي قرايته للـ ABS.