الموضوع: باركنج.. باركنج.. باركييييييييييينج

مصر كلها عرفت أن عدادك أخره 230 بس متقلقش مش هنقول لحد

:):):)

كتييييييير اوى بيفوتنى الفطار و السحور فى رمضان علشان الركنة و مرة فاتنى مقابلة فى بنك Hsbc فى ابو الفدا فى الزمالك علشان 45 دقيقة بادور على ركنة و كتييير اوى بارجع البيت غرقان ميه علشان مطرت على دماغى علشان راكن على بعد 3 شوارع من البيت و مرة صاحب فيلا هوا الكاوتش بتاع العربية بالعند علشان باركن فوق الرصيف بتاعه و سبتله العربية 10 ايام بالعند و الحصة فى الجراجات حوالين البيت وصلت 45000 ج للتمليك او 140 ج فى الشهر و تسيب المفتاح (بصراحة الواحد بيسيب حاجات تانية ماينفعش تتقال لما بيسيب المفتاح لسايس الجراج)
زهقت و باحس ساعتها ان العربية بقت عقاب من ربنا مش نعمة من ربنا

(بصراحة الواحد بيسيب حاجات تانية ماينفعش تتقال لما بيسيب المفتاح لسايس الجراج)

+10000000000000000000000000

و بدأنا قلق الركنة تحت البيت :(

كل حد عامل له مكان للركنة و ما بيسحمش ان حد يركن مكانه.. مع ان الشارع بيبقى فيه أمكان تانية للركن.. بس لاااااااااازم يطلع لنا و يطلب اني اشيل العربية و أركنها في مكان تاني.. هو يعني ما ينفعش حد في الشارع ده يجيب عربية و يحاول يركنها جنب بيته و لا ايه؟؟

أرجع و أقول برضه همه الناس عندها حق، يركن بعيد لييييييييييه ما دام يقدر يركن تحت بيتهم :o

بس انا اعمل ايه؟ لو مرة رجعت و لقيت المكان اللي تحت بيتنا فيه عربية راكنة و العربية دي مش حد جاي زيارة و ماشي، لأ دول عربيتين بتوع اللي تحتينا و ابنه بس عربية الراجل كبيرة و واخدة مكان كبير و تقريبا مش بتطلع :(

لأ و انا أصلا يعني مش متمكنة من الركن، يعني اللي عايزني أشيل عربيتي بادي له المفتاح هو يركنها لي، و طبعا بيركنها مطرح ماهو عايز :(

يعني حاجة تزهق من الآخر :(

آه نسيت أقول حاجة: مافيش جراجات في شارعنا و لا الشوارع اللي حوالينا :o