حجز.. بلطجة.. برشطة.. تظبيط سايس او بواب عمارة..
هو ده حال الباركنج في مصر.. أزمة حقيقية :(
يا ترى انتوا بتعملوا ايه؟ :rolleyes:
عرض للطباعة
حجز.. بلطجة.. برشطة.. تظبيط سايس او بواب عمارة..
هو ده حال الباركنج في مصر.. أزمة حقيقية :(
يا ترى انتوا بتعملوا ايه؟ :rolleyes:
بيتي مافيهوش مشكلة تندة لكل عربية في Parking Lot (كانت من عوامل إختيار المكان) ... طبعا الامر ما بيخلاش من ناس عجيبة بتركن غلط و تقفل علينا... بس البواب بيتصرف
المشكلة في بيت أهلي في ميدان لبنان لعنة مالهاش حل :mad:
و طبعا في كندا مافيش مشكلة ;)
كندا ايه يا مستر شيكو
ممكن اجى اركن في اتاوا
--------
عندي في الشارع العمارات اقل حاجة 6 ادوار على شقتين وانا عمارتي 9 وجنبي 12
اقل شقة فيها عربية واحدة
اللي يرجع بدري يلحق
بس في الشارع الليورايا اللي كان ساكن فيه شريف المصري
واحد زميلي في الشغل ساكن عندة في العمارة
عامل نظام حلو
معلم كل حدود عربية بعلامة عند الحيط
اي حد يركن بس جوة الحود دي وده بيخلي المساحة عند العمارة ناس تركن كويس
عند الشغل بقي المبني عندنا في جراج دورين تحت الارض
بس انسى انك تنزل عشان ده لقدامى المحاربين
ها ها
قصدي قدامى الاعضاء
بس الحلو ان الشغل في منطقة النزهة الجديدة بنروح نلاقي الناس نزلت اشغالها ونلاقي مكان نركن
بس لو رحت بعد 8:45 اركن في اي ححتة ملطش
والشوارع ضيقة كيك واتوبيسات المدارس الخاصة محترفة تلطيش العربيات
البلد بقت زحمة جدا
حتى بتظبيط البوابين برضه مشكلة و ملهاش حل..... عدد العربيات أكتر من مساحة الركناقتباس:
أهو ميدان لبنان ده أكتر مكان مأساة الركنات فيه مالهاش حل :confused:
انا باشتغل في شارع موازي لشارع لبنان و مافيش حل في الركنة فيه غير تظبيط بوابين العمارات.. انما غير كده، لف لك بأه يا حلو بالربع ساعة عشان تصادف حد طالع و مكانه ما يكونش محجوز :o
كندا كلها تنور يا باشا بس أنت انوي و ماتشلش هم الركنة :D:Dاقتباس:
كندا ايه يا مستر شيكو
ممكن اجى اركن في اتاوا
والله يا علا..الموضوع كان بالنسبالي صداع رهيب..
انا كنت عايش مع جدتي في شارع تجاري جدا.. كانت الركنة ف الشارع شبه مستحيلة.. لو لقيت مكان لازم امسك فيه بايدي وسناني.. يا اما انزل انقل العربية بالليل متأخر لما الاماكن تفضي شوية.. ده كان بيحصل مع اول عربية.. الموضوع مكانش بيخلا من خناقات مع اصحاب محلات واني مكنتش باخلي حد يركن قدام البيت عندي اوقات ..
مع تاني عربية انا ركنتها في جراج بعيد شوية عن البيت,, حوالي 5 دقايق مشي.. كان بياخد 80 جنيه ف الشعر..ودلوقتي وصل ل 100 بس كان اخر دماغ.. كنت بارجع ارمي العربية ع الباب هما يركنوها..اوقات كانوا بيحطوها في اماكن وحشة.. بس علشان كان الجراج زحمة ومكانش في اماكن كتير.. اخر حل كان اني اظبط السايس فلوس كان بيكرنها في مكان جامد جدا..
اخر حل بقي ومع العربية التالتة.. الحمد لله انا نقلت المقطم شقتي انا.. في جراج تحت العمارة.. ليا مكان كبير وواسع الحمد لله ومحدش بيركن ورايا.. والبواب بينام قدامها..الحمد لله دي يمكن من اجمل مميزات المقطم.. والعمارات الجديدة خاصة كلها مش كبيرة قوي.. وفي جراج يكفي كل عربيات العمارة..
انا مره فى الزياره اللى فاتت لمصر نزلت الزمالك ... ويالهول ما رأيت ... الشوارع كلها الداخليه عباره عن حارتين الحاره اليمين عربيات راكنه والشمال للماشيه (العربيات اللى ماشيه يعنى :) ) انا استحاله انسى المنظر ده ...العربيات انا مش عارف اصلاً راكنه ازاى بالطريقه دى او حتى هاتطلع ازاى ... مش ممكن تكون راكنه لازم تكون نازله من فوق فى مكانها كده ... بأمانه بدون أى مبالغه مافيش حتى 3 سم بين العربيه والتانيه ... انا شخصيا لو راكب اى عربيه تانيه غيرى حبيبتى الشاهين كان لازم هاحك فى اى عربيه
ربنا يرحمنا !!!
طيب انا كده من كلامكم اروح انتحر احسن :)
اصل ساكن في وسط ميدان الدقي وشغلي في شارع مصدق
والله بسيب العربيه مابرحش بيها الشغل علشان الشغل قريب فا بستسهل وباخد تاكسي
وكمان علشان اولا مش هلاقي ركنه في شارع مصدق وثانيا لما ارجع اركن عند البيت مش هالاقي ركنه
والبراكينج هنا في الدقي ب 180 ومحدش بيحرسها باليل ومن غير نظافه كمان !! قوليلي بقي انا اعمل ايه ؟؟
وعلي فكره الركنه تحت العماره عندي ممنوع اصلا من المرور بس انا بركن بلطجه وهما حفظوها وبقو يسبوها
مهو حاجه من الاتنين يا ابيع العربيه يا اروح انتحر احسن :)
لأ بعد الشر عليك من الانتحار.. بس خلي العربية مركونة بقي متخرجش بيها غير المشاوير المهمة لكن الشغل قضيها مواصلات احسن..
وربنا يكون في عونك..
انا معنديش مشكلة في الركنة في الاماكن اللي بروحها بشكل منتظم .. البيت و الجامعة لأن الاتنين ليا ركنة فيهم ..
و لكن مشكلتي الكبيرة اني اخش شارع ضيق اصلا و الاقي كام صف عربيات راكن .. و انا في نصه الاقي ناس جاية كمان بالعكس .. و غالبا الموقف ده بينتهي بكام خدش في العربية كدة بيعكننوا عليا اليوم ..
غير كدة اما بروح عند واحد صاحبي ولا ايام تدريب تبع الكلية .. كان تقريبا نص البنزين اللي بستهلكوا بدور علي ركنة ! و فييييين و فين اما الاقي ركنة .. و احلي حاجة ان اقعد ساعة الف و ساعتين بحاول اركن العربية في حتة اد كدة .. و ونا ماشي الاقي واحد ظهر معرفش منين بيمسح ازاز العربية و بيقولي نورت يا باشا !
انا عندى جراج بتاعى
الحمد لله
انا لما جيت اتجوز كان احد اهم الإعتبارات فى اختيار مكان شقتى هو وجود مكان متسع للركنة تحت العمارة، وخذت تريقة من نسايبى لحد ما كنت قربت افك الخطوبة على موضوع الركنة ده وانى حاططلة الأهمية دى كلها ، كأنى مثلا جاى من المريخ او بتكلم عن مشكلة بتحصل فى دولة ميكرونيزيا او جمهورية قرغيزستان ، بس نفذت اللى دماغى وخدت شقة فى مكان متنظم كويس وكل كام عمارة ليهم بارك عربيات قد ملعب كرة القدم، ده غير الشوارع المحيطة وبالتالى مش بعانى خالص عند البيت، اقصى قدر من المعاناه بيواجهنى هو انى مركنش العربية تحت بلكونتى لكن اركنها تحت البلكونة التانية، لكن بالنسبة للشغل ده بقى اللى لعنة واى لعنة، يكفى انى اقول انى بشتغل فى المهندسين ،التى قال فيها احد الحكماء انها"منطقة عشوائية يقطنها علية القوم" ولو اتأخرت لحد 9 صباحا ياإما اخد اجازة يا إما اروح الشغل بتاكسى، وطبعا فى وسط النهار انا لازم انسى نهائيا فكرة ان عندى عربية لأن اى مشوار برة المهندسين مستحيل ، ده غير انى لا هلاقى ركنة مطرح ما انا رايح ولا هرجع الاقى الركنة اللى سبتها، غير انى لما بركن الصبح صف اول بنزل فى نص النهار ألاقى قافل عليا صف تانى وتالت ورابع ولا شيخ صنعة المناديين نفسه يعرف يطلع لى العربية قبل فض الإشتباك الساعة خمسة لما يبتدو الموظفين يروحوا، ولو اجرمت فى حق نفسى واتأخرت لحد الساعة سبعة يبقى يا ويلى من مرتادى كافيهات المهندسين اللى كل واحد فيهم ابن بارم ديله اللى بييجو مش بس يركنوا صف تانى وتالت ورابع لكن بمنتهى البجاحة بيقفوا امام مداخل الجاراجات ويشدوا الفرامل ومحروق ابو الجراح على العربيات اللى فيه، وفى هذة الحالة هضطر استنى لحد ما الننوس يخلص قعدة الأنس والحجرين بتوعه علشان ييجى يخرجنى اروح بيتنا انام
انا فعلا اصبحت بدور على شغل تانى بسبب المشوار والركنة
انا شارع بيتي الحمد الله في شارعين واحد رايح و واحد جاي .. بس طبعا صفين علي الجنبين و سعات صف تاني ( محمد توفيق دياب )
العمارة 13 دور شقتين كل دور .. و كل دور يمتلك علي الاقل سيارتين .
72 سيارة لعمارة واحدة .. حقول المتوسط 50 سيارة للعمارة ... نص الشارع ينتهي عند عمارة رقم 22 يعني 22x 50 = 1100 سيارة :)
لو رجعت قبل 12 ممكن ! اكون محظوظ !
بعد كدة بركن في شارع موازي لشارع بيتنا !
و يا سلام لو يوم خميس .. الجامع الي في وش البيت .. بياخد الشارع كله باليل علشان صلاة الجمعة فبركن في عباس العقاد :)
و احلى حاجة لما نكون بنصلي .. و تلاقي عربية داخلة الشارع .. و بتزمر :) LOL
يا جماعه دي مشكلة علي مستوي القاهرة....والجيزة ...
بسبب :
1-الزيادة السكانية الخرافية (متهيالي المحافظتين فيهم مالا يقل عن 20 مليون بني ادم)
2-اسلوب التوسع الرأسي ....ابراج عمارات 13 و14 و20 دور...
3-مواصلات عامة سيئة للغاية ولا تفي باحتياجات الناس...
4-المدن الجديدة خالية من مراكز الاعمال....الشركات الكبيرة والمتعددة الجنسيات متمركزة في القاهرة والجيزة....
5-المدن الجديدة للاثرياء فقط.....(سعر متر الشقة في القاهرة الجديدة وصل لحد 4آلاف جنية علي المحارة)
من اكتر المواضيع اللى بتشلنى فى حياتى حكاية الشارع اللى بيتقفل علشان صلاه الجمعة او التراويح، والطبعا الموضوع ده من المواضيع اللى لو اتكلمت فيها مع اى حد ابقى بهاجم الدين واتوصف بأقذع الصفات اللى ممكن انسان يتوصف بيها مع ان اللى علمنا صلاه الجمعة هو نفسه اللى علمنا حق الطريق لكن تقول لمين
يعنى انت بنفسك بتقول ان الشارع بيتقفل من يوم الخميس باليل علشان خاطر صلاه الجمعة وده اعتداء على حق الناس فى الإرتفاق (استخدام الطريق للوصول) الى بيوتهم ، وحقهم فى ترك ركائبهم فى المكان الذى اعتادو عليه، ده اولا، ثانيا ماذا لو طرأ طارئ يحتاج الى مرور سيارة فى وقت الصلاه، كحالات الإصابات والحرائق وما شابه او حتى واحدة ست واخدة طفلها فى سيارتها لطبيب او لضرورة من الضرورات وما اكثرها، ثالثا، فيها ايه لو صف المصلين اللى بيقفل الشارع يقل حتى نصف او ربع اتساعه ويزيد عدد الصفوف للخلف حتى نفسح طريقا لمن يريد المرور؟ رابعا ، حتى فى المساجد التى يحافظ القائمون عليها على حق الطريق نجد المصلين وقد اغلقوا الشوارع بسياراتهم لأداء الصلاه مع ان كل واحد فيهم لو مشى شوية هيلاقى مكان لسيارته لا يؤذى به عباد الله( انا الجامع اللى انا بصلى فيه يبعد عن بيتنا حوالى 1.5 كيلومتر، باخد السيارة الى اقرب مكان من الجامع فيه ركنة وبنزل امشى حوالى 200-300 متر لحد الجامع ومش شايف ان فيها مصيبة ولا كارثة، في حين ان انا بشوف مهزلة لما المصلين بيخروجوا من الجامع مرة واحدة وكل واحد فيهم بيحاول يهرب بسيارته من المعمعة التى ساهم فى خلقها بركن سيارته بشكل عشوائى علشان مكسل يمشى خطوتين زيادة)، لدرجة ان شارع رئيسى مثل شارع ذاكر حسين فى مدينة نصر يغلق تماما ساعة صلاه الجمعة لان سائقى الأتوبيسات وقفوا باتوبيساتهم صف ثالث ورابع وخامس وحتى اغلاق الطريق تماما لأداء الصلاه، لمجرد ان لازم الاتوبيس يقف فى باب الجامع ولا يصح ان السائق الهمام يمشى بيه شوية لقدام ويركنه فى مكان لا يسد الطريق
سلوكيات اراها غير متحضره اطلاقا ولو جرؤت على الكلام فيها يتهمنى الجميع بالزندقة لأن عندهم قناعة تامة ان كونهم يؤدون صلاة الجماعة فذلك يتيح لهم سلب حق غيرهم، وكأن احدهم لم يسمع بالآية الكريمة:"ان الصلاه تنهى عن الفحشاء والمنكر" او يبدو ان تعريفهم للفحشاء والمنكر يقتصر فقط على الأمور الإباحية اما ما عداها فليس بفحشاء ولا منكر
انا معاك يا استاذ سبعاوي
وللأسف والدي ( الي بيصلي في نفس الجامع ) اجتمه مرة بشيخ من شيوخ الجامع و حاول يقنعه .. في شيخ منهم وافق فعلا .. اما التاني
فأصر على ان صلاة الجمعة اهم من ان يتعطل " اي شخص " بضعة دقائق عبال مالصلاة تخلص .
و بعد شهر او اكتر ... تم بناء نظام " Frames " يبدأ من رصيف الجامع و يمتد اعمدة غارسة في الجنينة بين الشارعين و تحمل مظلة فوقهم تفرد يوم الجمعة علشان الصلاة .. احتلال يعني :)
و طبعا المهندس الذكي الي صممها .. عمل العمود قريب جدا من " بردورة " رصيف الجنينة .. مما يعني انك لو ركنت من غير متركز اوي .. حتلبس بعربيتك في العمود " الفولاذي " :)
و ربنا يهيدنا جميعا .
و آديني بقيت واحدة من اللي بيعانوا من مشاكل الباركنج.. طيب ما انا كنت ماشية على رجلي و لا هاممني الناس بتركن ازاي.. انما تقولوا ايه بأه؟ ناااااااااااس غاوية وجع قللللللللللللب :rolleyes:
ماشى ياعم مش تضبط ابن خالك طيب.....
انا متعزب جدااااا من الركن...لو رجعت بعد الساعه 8 مش بلاقى ركنه تحت البيت..واغلب العربيات اللى بتركن تحت البيت مش من سكان العماره ده غير اللى بيركن عربيته فى مكان يشيل ثلاث عربيات...بترسى انى اركن بعد بيتى بشارع او اثنين...للناس اللى عارف م.نصر انا ساكن خلف جندوفلى ب شارعين وحته...اغلب الوقت بركن عند جندوفلى...
العربية في الجراج،، بس مفيش اماكن مخصصة لحد
يعني اللي يلحق يركن،، فانا لما بنزل بجيب عربية
تانية احجز بيها مكاني وهكذا وكان في ناس اذكياء
بيركنوا امامي ويحبسوني والاقي متكوم امامي 3
و4 عربيات فيقيت اكوم العربيات اللي تبعي امامي
احبس نفسي ولا يحبسنيش حد !!!
اسوء شىء بيواجهنى يوميا هو انى ادور على مكان اركن فيه
الجراج القريب مني مليان على اخره ولو وديت العربية هتقف فى نص الشارع ولما اجى اخدها
هيكون فيه مش اقل من خبطتين ثلاثة فبضطر اركن فى الشارع ولما اركن فى الشارع
مش بخلص من الكلاب اللى معقدنى فى حياتى ومن العربية خبط وطنتيط على العربية كل يوم بالليل
يعنى انا بكتب دلوقتى والعربية بتصرخ تحت من الكلاب وبلزق فى الرصيف خوفا من العربيات الطائشة
ومع ذلك امبارح نزلت بشيل الغطاء لقيت الرفرف الامامى مخبوط مش عارف اعمل ايه حد عندو حل للى انا فيه ده
انا بقي والحمد لله الشارع عندي كله ناس كبيره في السن كله تقريبا طلع علي المعاش واشترو بالمكافئه عربيات
يجي ينزل بيها نص ساعه يروح يقعد علي القهوه اللي علي اول الشارع ويرجع يركن ويروح بيته انا بقي حتي لو رجعت الساعه 8 بالليل ولا عمري اعرف اركن في الشارع
ده انا برجع الاقي في صف تاني راكن علي الرغم ان عرض الشارع صغير انا من منطقه محرم بك في اسكندريه طبعا اللي عارف محرم بك يعرف شوارعها صغيره قد ايه بجد نفسي في اسانسير من اللي بيطلع العربيات البيت اخدها في حضني بدل ما هي كل ما انزل الاقيها مخبوطه كده العربيه بقالها سنه ونص وتشوفها تحس انها بقالها قرن من الزمن
ده غير بقي ان في الشارع عندنا في مدرسه ابتدائي ف الولاد ربنا يكرمهم يا رب عايزين يعملوا زي برنامج pimp my ride وهات يا رسومات وخرابيش بالمسامير علي العربيات بجد الواحد زهق
انا بركن عربيتي يا علا فى الجراج بس وحياتك لا جراج نافع ولا حاجة نافعة
على يدك و يد المنتدى كله عربيتي اتبهدلت من البيه اللى كان جنبى و بهدلى العربية يمكن والله لو كنت بركن فى الشارغ مكنش حثل اللى حثل
ياباشا وعندك أحلى فوانيس للهوندا وصلحووووووووو :D:D:D:D:D
http://memimage.cardomain.net/member...630_9_full.jpg
وعليه واحد اسبويلغ دبل وينج هددددددية
http://www.scottmarlow.net/images/571_b_1_.jpg
حلوووو كده :p:p:p
أى خدمة....:p:p:pاقتباس:
شكراااا عالتريقة
بس فعلا و الله فى بنات كتير بيكتبوها عثل و عثول و كده يعنى
وكذا مرة يعنى مشس غلطة مطبعية
المهم براءة يافندم....طلعت غلطة مطبعية
الاتنين يا فندم:)اقتباس:
اللي حاصل انكوا مستحملينا و لا انكوا بتفوتوا لنا؟.. الأولانية ممكن.. انما التانية بالطريقة دي.. يبقى أشك
بالنسبالى الباركينج....انا ساكن فى شارع خاص يعنى مسدود من الاخر بس عدد العربيات يفوق المساحة
بالضعف تقرييا و الناس بتركن مائل على الرصيف على الصفين و بيبقى فى ممر فى النص للمرور
المهم اما مبلاقيش اماكن اللى هو الغالب يعنى بفضل ماشى لغاية ما اوصل لغاية الشارع و اسيبها و اطلع البيت
و اما يفضى مكان ابقى انزل احطها فيه او اسيبها للصبح بس بنزل الاقى طابور طويل ورايا أفضل انزلهم واحد واحد يشيلوا عربيتهم لأنى بنزل بدرى اوى و بيبصولوى شظرا
الطريف بأه ان فى بواب من البوابين بيعرف يسوق ( هو الحقيقة اتعلم السواقة من ركن عربيات السكان )
معاه مفاتيح عربيات الشارع كله تقريبا
الا عربيتى
كان بيبفضل يقولى سيبلى المفتاح و اول ما يفضى مكان احطهالك فيه....بس بعينه
كفاية اللى بيعملوه فقى عربيات الناس
ابسطا فلاشر و الكاسيت على الاخر و يفتح الازاز لو كان كهربا عشان ينقلها اربعة متر لورا
نفس اللي حاصل مع بواب العمارة اللي فيها الشغل و عشان معظمنا هناك نساء فطبعا الركنة بالنسبة لنا هاسل مش هانقدر عليه.. فبيدوا مفاتيح عربياتهم للبواب يركنها لهم، بس بينزلوا بأه يلاقوا التكييف شغال و مؤشر الراديو متحرك من المحطة اللي مظبطينها عليه و مهازل تانية كتير.. فقرروا انه يركن لهم العربية و يطلع لهم المفتاح على طووووووول :D
انا باركن في اي مكان تحت البيت لان عندنا حوالي 7 عربيات بس في العمارة وانا رقم 8
اما عند الوالد فيبقى معجزة اني اركن جنب البيت مش تحتيه
الشغل ماعنديش مشكلة (مدينة الانتاج الاعلامي) كلها اصلا اماكن
ده فيها مهبط طيارات هليكوبتر وانا مظبط اني اركن هناك بس لما استلم الطيارة من الجمارك
رامي (ابو احمد)
و أنا عايز لفة قصدى طلعة:d:d:dاقتباس:
ده فيها مهبط طيارات هليكوبتر وانا مظبط اني اركن هناك بس لما استلم الطيارة من الجمارك
طيب حضرتك اوعى تدخل منتدى بيجو بأه لو سمحت:cool:
لأنك هتعرف بكل بساطة
ان دى صورة لقيتها على النت:rolleyes:
و عامل بيها منظر على العيال أصحابى:cool:
كلام فى سرك بأه اوعى تقول لحد:D