عاوز البس نظاره شمس مع اني لابس نظاره طبيه اعمل ايه

**MRBEBO** · 14-05-2010 07:36 AM

حل كويس موضوع تغيير عدسة النضارة الشمس بواحدة طبية ملونة

بس خلي بالك سعر النضارة في العدسة اكتر من الشنبر

لانها لو ماركة بتكون معمولة بطريقة معينة لحماية العين ودي طبعا مش هتبقى متاحة في العدسات اللي بتاع النضارات هيلونهالك

فبرضوا هيبقى مش لذيذ انك تجيبها وتغير عدستها الاصلية ومش هتقدملك الحماية الصح

انا عملت على فكرة الموضوع ده في نضارة بوليس ومش عجباني

غير ان الراجل هو وبيغير العدسات الاصلي بالعدسات النظر خدشلي الشنبر بتاعها فاتخنقت على الاخر

بصراحة هو موضوع العدسات اللصقة كويس جدا

وبتهيئلي عملي مش زي ما انتوا متصورين كده

يا جماعة تلت تربع الشخصيات العامة المهتمة بشكلها عمليين عدسات

انا كمان بفكر في الموضوع ده وياريت لو نلاقي حد خبرة يقولنا الخلاصة

**Eng.Geo** · 14-05-2010 09:40 AM

المشكله ان المقاسات بتطلع مختلفه عن بعض وبتتعب العين

ازاي؟؟؟؟
حضرتك بتروح بمقاس النضارة اللي حضرتك لابسها وتقوله يعملك علي الشمبر اللي حضرتك هتختاره ( ان كان بتاع نضارة شمس أو عادية ) وتقوله اعملهالي ملونة
مستحيل يبقي في فرق في المقاسات
اعتقد حضرتك عملت كل واحدة مقاس وده مش صحيح

**elrasy** · 14-05-2010 02:06 PM

متابع باهتمام

**eng.octooo** · 14-05-2010 02:35 PM

طيب سؤال عن العدسات اللاصقة ( اللينسيز)

هيا الاسبوعية دى بتتخلع من العين كل اسبوع ولا اية ؟؟
واليومية اية نظامها ؟

وبتتغير كل قد اية ( يعنى 3 شهور او 6 شهور او او او )

واية احسن الانواع منها (ولا كلها نوع واحد !!) وسعرها كام تقريبا

اسف على الاطالة بس الموضوع طلع فى دماغى

**shouk_1987** · 14-05-2010 02:39 PM

يا جماعة إومال إحنا بنقول ليه ماتروحش لواحد بتاع نظارات تعبان
عشان أهم حاجة يجيبلك عدسة مستوردة (فرنساوى تقريبا) بتبقة بجودة الأصلى و فيها الحماية و كل حاجة

من الآخر اللى هايعمل الحوار ده مايروحش يجيب نظارة غالية عشان بيبقى تمن النظارة الشمس أساسا فى عدستها

واللى نفسه فى نظارة نظيفة أوى و عايز عدستها يبقى ملوش غير حلين
1- يعمل ليزك (ب 4500 جنيه دلوقتى) و أنا هاععملها أول ما أشوف الجيش فى شهر 10 ان شاء الله
2- يلبس عدسات و خلاص

والسلام عليكم

**abogogo** · 14-05-2010 02:55 PM

اخوكم كان نظره -15 يمين و-14 شمال مع شوية استجماتيز الحمد لله عملت ليزيك واصبح -1.5 يمين و-1 شمال عشان الابصار يكون 6/6 بلبس نظارة بسمك عدسات لايذكر وعامل كذا نظارة منهم 2 شمس و3 نظر بالنسبة للشمس ملون عدسات النظر عامل واحده بني والتانية اخضر زيتي مايفرقوش عن الشمس في شئ بتجيب نظارة شمس محترمة وتخلع عدستها وتركب عدسات النظر ملحوظة مهمة جداجدا (ناس كتير لما بتعمل نظارة شمس على نظر بتتجاهل موضوع بؤرة العدسة او سنتر العدسة لان فيرم الشمس بيكون اوسع من فيرم نظارتك النظر العادية عشان كده لما تغير بين النظارات هتلاقي فرق في الابصار لان النظر بتلبسها اكتر من الشمس وعنيك واخده عليها فالما بتلبس الشمس بتحس بزغلله وانها مش مظبوطة على عينك مع ان المقاس بيكون مظبوط عشان كده لما بتعمل نظارة نظر شمس تراعي ان الفيرم بيكون مقارب او مطابق لفريم نظارتك النظر ""الفيرم هو ايطار النظارة الى بيركب فيها العدسات """)

**mr_sameh** · 14-05-2010 06:17 PM

المشاركة الأصلية كتبت بواسطة abogogo

اخوكم كان نظره -15 يمين و-14 شمال مع شوية استجماتيز الحمد لله عملت ليزيك واصبح -1.5 يمين و-1 شمال عشان الابصار يكون 6/6 بلبس نظارة بسمك عدسات لايذكر وعامل كذا نظارة منهم 2 شمس و3 نظر بالنسبة للشمس ملون عدسات النظر عامل واحده بني والتانية اخضر زيتي مايفرقوش عن الشمس في شئ بتجيب نظارة شمس محترمة وتخلع عدستها وتركب عدسات النظر ملحوظة مهمة جداجدا (ناس كتير لما بتعمل نظارة شمس على نظر بتتجاهل موضوع بؤرة العدسة او سنتر العدسة لان فيرم الشمس بيكون اوسع من فيرم نظارتك النظر العادية عشان كده لما تغير بين النظارات هتلاقي فرق في الابصار لان النظر بتلبسها اكتر من الشمس وعنيك واخده عليها فالما بتلبس الشمس بتحس بزغلله وانها مش مظبوطة على عينك مع ان المقاس بيكون مظبوط عشان كده لما بتعمل نظارة نظر شمس تراعي ان الفيرم بيكون مقارب او مطابق لفريم نظارتك النظر ""الفيرم هو ايطار النظارة الى بيركب فيها العدسات """) :oc_sun1[1]:

كلامك صح في موضوع البؤره لكن اخبار الليزك ايه
احكيلنا تفاصيل اكتر

**amir** · 14-05-2010 06:25 PM

المشاركة الأصلية كتبت بواسطة shouk_1987

1- يعمل ليزك (ب 4500 جنيه دلوقتى) و أنا هاععملها أول ما أشوف الجيش فى شهر 10 ان شاء الله

معلومه سمعتها بعد ما دخلت الجيش و كنت هاتجنن ساعتها
اللي بيكون عامل عمليه الليزك بياخد اعفاء طبي نظر!!!
حاول تتأكد من المعلومه دي
و لو طلعت صح يبقي ليا عندك حاجه ساقعه

**shouk_1987** · 14-05-2010 07:16 PM

أنا أخويا عمل الليزك من 3 سنين و كان نظره -6 فى الاتنين تقريبا و الحمد لله من ساعتها 6/6 و كله 100 فل اللهم لك الحمد و أنا إن شاء الله ناوى أعملها بس مستنى الجيش و يارب أخد إعفاء نظر زى أخويا برده إن شاء الله

-

الموضوع: عاوز البس نظاره شمس مع اني لابس نظاره طبيه اعمل ايه

LinkBack

أدوات الموضوع

عرض

-

-

-

-

-

المواضيع المتشابهه

نظاره شمس Ray Ban للبيع = جراب +علبه+منديل

عاوز اجيب نظاره فرست كوبى

نظاره شمس ريبان

الكلمات الدلالية لهذا الموضوع

المفضلات

المفضلات

ضوابط المشاركة