يا سيراتويه الحقونى الايمبوليزر اتـسرق !!!!!!!

**sefo** · 14-05-2010 12:18 AM

يا جماعه كان فى موضوع عن فئات النيو سيراتو اللى فيها الايمبوليزر(مانع الدواره الا بالمفتاح الاصلى ) والكل اجمع ان الفئات بدايه من الاس اكس والهاى لاين فيها الاوبشن ده
انا عربيتى اس اكس وكيل
مكدبتش خبر بعد ما قرات الموضوع امبارح رحت النهارده اعمل مفتاح واشوف الموضوع وكنت طبعا بسأل الراجل بخباسه هيدور الموتور فقالى طبعا يا بيه
قلت ده اكيد مش فاهم استنى واجرب
وعملت المفتاح واحتفظت بالاصلى داخل المحل علشان محدش يقولى انه كان فى جيبك فالعربيه دارت
وركب عم الاسطى مكانى وجرب المفتاح
وكانت فاجعه بالنسبه لى
الـــــــــــــــــــــــ ــــــــــــعــــــــــــ ـــــــــــــــربــــــــ ـــيـــــــــــــــــــــ ـــــــــــــــــــــــــ ــــــــــــه
دارت تمام التمام ولا فى اى مشاكل
وكأن جردل ميه ادلق عليا وانا فاكر ان انا راكب اس اكس ومش مهم اركب انذار وان كلة سيفتى وفى السليم
طيب انهى فئه اللى فيها الاوبشن ده و دى اشتغالات وكلام
عاوزين حد معاه هاى لاين يجرب ويطلع مفتاح عادى ويجرب ويقولينا يمكن يكون الموضوع ده خدعه فى جميع الفئات
طيب انا دلوقت محتاج انذار على نفس ريموت العربيه ومش مهم 2way اجيب ايه يكون كويس غير انذار الوكيل اللى الكل بيشتكى منه
وهل هيقبلوا يركبوه فى التوكيل والمشكله اتحسمت ولا لازم نشتكى فى كوريا والفيلم ده
اسف للتطويل بس ده بسبب حرقه الدم والمقلت اللى شربيه
اه من كيا وحركتها

**yoko** · 14-05-2010 12:28 AM

بدام عربيتك وكيل روح إش............ هناك وإعملهم مشكله وإنك إتنصب عليك وهتتصل بحمايه المستهلك بالذات لو بورشور الوكيل بتاع الsx مكتوب فيه إمبوليزر

**sefo** · 14-05-2010 12:38 AM

علشان كده اول ما دخلت البيت قلت اشوف الكتالوج بس مقدرتش استنى ادور عليه قبل ما شارككم بالمقلب اللى اخذته
برضه الواحد بيحب يفضفض مع اخواته علشان يهدى شويه

**morasystem** · 14-05-2010 12:48 AM

حضرتك مين قال إن بداية من sx هى اللى فيها اموبيليزر ... انا ex و عندى ايموبيليزر و العربية مش بتدور إلا بالمفتاح الأصلى ... يمكن عربية حضرتك وكيل مفيهاش الأوبشن ده بس مستحيل أكيد الراجل ده كان مركب جهاز فك الشفرة على كونتاك العربية ولا حاجة

**Hosam_Optrawy** · 14-05-2010 01:14 AM

اعتقد ان كل العربيات الوكيل مفيهاش ايموبليزر , ومش مكتوب فى البروشور ان فيها ايموبليزر ولا جايبين سيرته

الخليجى الله اعلم

**sefo** · 14-05-2010 02:45 AM

المشاركة الأصلية كتبت بواسطة morasystem

حضرتك مين قال إن بداية من sx هى اللى فيها اموبيليزر ... انا ex و عندى ايموبيليزر و العربية مش بتدور إلا بالمفتاح الأصلى ... يمكن عربية حضرتك وكيل مفيهاش الأوبشن ده بس مستحيل أكيد الراجل ده كان مركب جهاز فك الشفرة على كونتاك العربية ولا حاجة

يا جماعه كان فى موضوع عن فئات النيو سيراتو اللى فيها الايمبوليزر(مانع الدواره الا بالمفتاح الاصلى ) والكل اجمع ان الفئات بدايه من الاس اكس والهاى لاين فيها الاوبشن دهانا عربيتى اس اكس وكيل

وركب عم الاسطى مكانى وجرب المفتاح
وكانت فاجعه بالنسبه لى
الـــــــــــــــــــــــ ــــــــــــعــــــــــــ ـــــــــــــــربــــــــ ـــيـــــــــــــــــــــ ـــــــــــــــــــــــــ ــــــــــــه
دارت تمام التمام ولا فى اى مشاكل

يعنى ولا كان معاه جهاز فك شفره ولا اى شى غير المفتاح وبعدين اكيد لو عنده جهاز فك شفره مش هيعملى المفتاح ب10 حنيه والا يبقى عبيييييييي