الموضوع: تأثير الكولا على لحم الخنزبر

انا دخلت الموضوع استفاد علميا - خرجت منه مخنوق من اللى بيحصل ده - ليه كل حاجة بندخل فيها الدين ونقف على منابر
عمااااار يا مصر

المشاركة الأصلية كتبت بواسطة mahmoudselim

طبعا كل الشكر لدكتور حمادة علي مجهودة في اظهار اشياء كثيرة كانت تخفي علي بعضا منا
بخصوص بقي ان لحم الخنزير محرم نص. فا كل المحرمات علينا احنا بنطيع الله ورسولة من غير نقاش , لاكن ربنا سبحانة وتعالي لية حكمة في كل افعالة سبحانة وتعالي بداية من خلقة السموات والارض في 7 ايام وهو القادر علي خلقها في اقل من عشر الثانية, ثم خلقة ادام وحواء في الجنة ومن ثم وسوس لهم الشيطان وعصي ادم ربة فعوقب بالحياة علي الارض الي ان يشاء الله ( وهنا بعض الناس تسئل طب لية من الاول ماخلقهمش في الارض؟ ودا لعدة اسباب ومنها لكي يعلموا ان الشيطان هو العدو الاول للانسان ويجب التقيد بما امر الله بة حتي تكون الجنة هي ملازنا في الاخرة ان شاء الله) وهناك الكثير من الدلائل ان كل ما يفعلة سبحانة وتعالي لة حكمة قد نعلمها الان وقد يطول علينا الامر حتي نعلمها . وفي الايام المعاصره التي نعيشها او قبل ذالك ببضع عشرات من السنين اتضحت الكثير من الاشياء مثل السبب في تحريم الربا وفي الازمة الاقتصادية الاخيرة التي هزت امريكا والعالم كلة وتسببت في كوارث مادية اتضح السبب واكيد حضرتك تعلم اكثر مني بهذا الموضوع واسبابة للدرجة التي جعلت بعض الدول العلمانية في التفكير في تطبيق الشريعة الاسلامية في مايخص المعملات النقدية. الحاجة الثانية تحريم الخمر ودي مش محتاجة شرح واكيد كلنا عارفين اضراار الخمر علي صحة الانسان. الحاجة الثالثة تحريم اكل الميتة والجيفة وهنا في نقطة مهمة جدااااااااااا كل علماء الطب اثبتوا ان لحم الحيوانات الميتة او النافقة فية كمية كبيرة جدااا من البكتريا والديدان وتسبب بالعديد من الامراض للانسان وطبعا ممنوع بيعها في كل الدول وبلاخص الدول ال حضرتك بتستشهد بيها في ردك ولم يعترفوا زي ما حضرتك بتقول بأضرار اكل لحم الخنزير مع ان سبحان الله اية التحريم في كلا الامرين هي اية واحدة( إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ ) البقرة/ سبحان الله بيخدو ال يعجبهم بس وبيدفعوا عن الشئ الاخر قمة التناقض في افعالهم!!
اما بخصوص تحريم لحم الخنزير فهو لم ينزل نص بدون تعليل زي ما حضرتك بتقول راجع كتاب الله المصحف الشريف تجد فية في سورة الانعام
{قُلْ لَا أَجِدُ فِي مَا أُوحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلَّا أَنْ يَكُونَ مَيْتَةً أَوْ دَمًا مَسْفُوحًا أَوْ لَحْمَ خِنْزِيرٍ فَإِنَّهُ رِجْسٌ)
والرجس يطلق على ما يستقبح في الشرع ، وفي نظر الفطر السليمة ، وهذا التعليل وحده كاف ، وورد تعليل عام وهو الذي ورد في تحريم المحرمات من المآكل والمشارب ونحوهما وهو يرشد إلى حكمة التحريم في الخنزير ، وذلك التعليل العام هو قول الله تعالى : ( وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ ) الأعراف/157 ، فهذا يشمل بعمومه تعليل تحريم لحم الخنزير ، ويفيد أنه معدود في نظر الشريعة الإسلامية من جملة الخبائث .

سيدي الفضل ، كلامك كله إتزان وشرح جميل. بس لو تاخد بالك الموضوع له شقان ، الاول ديني وأنا متكلمتش فيه خالص علشان لا يصح فيه الجدال والثاني علمي ،ودة إلي أنا بتكلم فيه بحكم دراستي وعملي. وأعتقد لا أحد يملك أن يحجر على رأي أحد يختلف معه ، ومن هنا احنا بنتناقش وديا وبمحبة.


أنا من إلي أعرفه ودرسته إن الخنزير ذيه زي أي حيوان يصاب بأمراض وينقلها إلى الانسان ، داه لو مفيش رعاية عليه . متحولش تقنعني إن الخنازير علشان محرمة ونجسة يبقى بتجيب الأمراض ده حتى لو عليها رعاية . لأن الدراسات مأسبتتش كدة حتى الأن . مش معنى كدة إن بقول ناكلها ، لأ مدام حرام متتكلش يبقى متتكلش بس مش علشان السبب داه، علشان حرام.


ليه بقول كدة ، لو فرض وفيه مجموعة علمية أو طبية من الدكاترة المصريين وكانو رايحين مؤتمر وقعدوا مع دكترة من جنسيات تانية وإبتدو الدكاترة المصريين يقولو كلام زي داه من حيث إن الخنازير بتنقل وتنقل وسبب كل الامراض حتى لو عليها رعاية ،تفتكر إيه هيكون منظرهم أو إيه الاثباتات بتاعتهم قدام الناس التانية لما يقوللهم محنا بناكلها ومحصلنش أي حاجة ، أو انتم جايبين الكلام داه منين. سعتها التبرير الديني مش هيشفع لنا مع ناس مبتفهمش غير في العلم .



موضوع الأزمة المالية والربا وكل داه هما هنا متعودين عليه ، ودلوقتي الاقتصاد ابتدى يتعافى بس هي مبتتحسبش كدة، يعني لما حصل زلزال في إيران في واحد قلهم علشان الزنا كتير .، طيب مازلازل ممكن تحصل في كل حتة.
ديه كنت أخر مشاركة لي في هذا الموضوع

مع خالص التحية لجميع الأخوة مسلمين ومسيحيين

المشاركة الأصلية كتبت بواسطة Mahmoud Saloum

معذرة يا جماعة انا ليا تحفظ كبير فى النقاش الدائر حاليا وهو محاولة ايجاد تفسير علمى لاسباب التحريم ؟؟؟؟؟؟؟ ودى مصيبة كبيرة لأن العلم مردود عليه ولو سقط التفسير العلمى فقد سقط ما بنى عليه وهذه كارثة قد تصل الى الطعن فى الدين. ومع احترامى للاخوة الاطباء والعلميين فى المنتدى واللى اسهبوا فى شرح مخاطر لحم الخنزير و مساوئه احب ارد عليهم برد واحد وهو ان اوروبا بالكامل لا تأكل الا لحم الخنزير مش بس كده لا وممكن نص سوا او مدخن فقط !!! وعلى الرغم من كده صحتهم افضل من صحتنا 100 مرة ومتوسط اعمارهم اكبر من متوسط اعمارنا بكتير واصاباتهم بالامراض اقل بكتير جدا جدا عنا فيما عدا الامراض الجنسية طبعا.

دى نقطة النقطة التانية مش الخنزير بس اللى محرم لا الاسد والنمر والنسر و ....... وحاجات كتير محرمة ولا دول كلهم فيهم دود كمان؟

يا إخوانى قال الله تعالى " وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ" الحشر
يعنى ننفذ بدون محاولة ايجاد اسباب ودوافع للتنفيذ . ولا ننساق وراء التفسيرات العلمية اللى بتعضد ما جاء فى القرآن لانها فى مرات عديدة تكون مدسوسة لاحداث بلبلة فيما بعد عندما يثبت عدم صحة هذه التفسيرات. وشكرا

والله مع إن قلت مش هاكتب تاني في الموضوع داه لكن ردك أجبرني إنه أرد وأقول يسلم بقك ، عمال أقول حد يكتب لي على إثباتات علمية ، جبتو الكلام دة منين، الناس ترجع وتجيب لي ايات.ماهو من الناحية الدينية مفيش إختلاف بس المنتدى مش ديني. وسبب فتح المناقشة إن عضو جاب مقطع علمي من على يو تيوب. لو عايزين تحويل الموضوع إلى ديني خلاص أنا مش هناقش.


كنت قاعد في مكتبي لغاية ما الدكتور المشرف على إمتحاناتي دخل علي ساعة أزمة إنفلونزا الخنازير وقالي قريت إلي في CNN ، قلت له لأ ، قاللي بلدكم قررت تدبح كل الخنازير إلي عندها، هو انتم عملتم أبحاث اثبتت إن دبحها هيقلل العدوى ، يا ريت لو فيه حاجة تدور عليها و دة هيكون مشروع الاسبوع دة . دخلت على CDC وعلى كل مواقع ID ومش لقي أي حاجة ، طيب يوم الجمعة هقول لهم إيه وانا بعمل ال-presentation قدام المشرف والاعضاء . اطريت قبلها بيومين أقعد مع المشرف وأوضح له إني عايز أغير البحث بتاع الاسبوع داه لأني مش لاقي سبب علمي ، كل الاسباب اللي في بالي دينية والرجل وافق وغيره.الرجل لما قلت ليه السبب ديني بحت إقتنع جداً ومقلش حاجة ، عمر ماكان العلم بيثبت أو ينفي أي دين.



الغريب إن أعلى بلدين على مستوى العالم كانو اندونسيا ، وفيها أعلى نسبة مسلمين ومصر .