B Class In my Hand

**odaoda** · 19-01-2011 01:25 AM

لا فى فئة اقل من الى عندنا

**Ahmed_Gadalah** · 24-01-2011 02:24 AM

العربية دى 7 راكب؟ وفيها كام كنبة؟ أرجو الإفادة , أنا سمعت عنها كده.

**ahmedchina** · 24-01-2011 02:05 PM

لا طبعاً ! دى عربية سيدان عادية
بس معلومتك صحيحة حيث إن العربية دى فى منها مودلين الاول سيدان الموجود فى مصر حالياً و الثانى فان أو 7 راكب زى الماتركس و الكارينز و فى منها 5 راكب . لو 7 راكب هتكون بصفين من الكنب الخلفى 3 كرسى + 2 كرسى
التوكيل منزلهاش مصر علشان الموتور بتعاها 1800 سى سى , و المصنع معندوش موتور 1600 محترم يسحب العربية اللى حجمها زى الكارينز تقريباً .

**samakordy** · 25-01-2011 01:19 AM

السلام عليكم ورحمة الله وبركاته
بعد غياب عن سيادتكم طال شهرين اتشرف بالمتابعه معكم يا ملاك البى كلاس
وبعد ما عملت 15000 ك الاخبار تمام والحمد لله
والعربيه زى الفل ما شاء الله بس الحاجه الوحيده اللى مزهقانى هى العفشه الناشفة ولان مكان اقامتى (كفرالشيخ) الشوارع مليئة بالمطبات فانا حاسس بموضوع العفشه بس الحمد لله العربيه معوضانى فى حاجات تانيه كتير
وعلشان مطولش انا شوفت السى دى اللى راكب فى العربيات الاوتوماتيك انا نفسى اركب واحد فى عربيتى وهل هو نفس مقاس اللى موجود ويا ترى موجود فى التوكيل
برجاء افادتى واتشرف برايكم فى الموضوع دة
ولكم جزيل الشكر

**Ahmed_Gadalah** · 25-01-2011 11:29 PM

المشاركة الأصلية كتبت بواسطة ahmedchina

لا طبعاً ! دى عربية سيدان عادية
بس معلومتك صحيحة حيث إن العربية دى فى منها مودلين الاول سيدان الموجود فى مصر حالياً و الثانى فان أو 7 راكب زى الماتركس و الكارينز و فى منها 5 راكب . لو 7 راكب هتكون بصفين من الكنب الخلفى 3 كرسى + 2 كرسى
التوكيل منزلهاش مصر علشان الموتور بتعاها 1800 سى سى , و المصنع معندوش موتور 1600 محترم يسحب العربية اللى حجمها زى الكارينز تقريباً .

شكرا عالإفادة يا أحمد باشا , العربية دى محترمة جدا وعجبانى جدا ويا سلام لو ينزل منها ال7 راكب هنا فى مصر يبقى قشطة

وربنا يباركلك فى عربيتك ويديك خيرها ويكفيك شرها

**ahmedchina** · 26-01-2011 11:21 AM

عفوا يا باشا إحنا تحت امرك
يا ريت التوكيل ينزلها رأى شخصى هتكسر الدنيا و تبقى منافس شرس للكارينز . على فكرة أنا شوفتها على الطبيعية فى الصين تحفة

**n_i_t_e** · 16-02-2011 01:26 PM

قربت أكمل 10000 كم و التقرير و حالة العربية بتاعتى كالتالى:

الزجاج الأمامى الجانبى بتاع السواق حركته مش رأسية بالضبط و بحس انه بيطلع و بينزل بميل و بعدين بيستوي بس لما بيوصل للأخر
فى باركينج سينسور اتفك و ده اعتقد يمكن بسبب مرة كنت بركن و الشارع ضيق و بضطر ألمس الحيطة بضهر العربية عشان أكسب مساحة بس طبعا غيابه مؤثر على الباركينج سيستم بصفة عامة.
طبعا فى خبطات و حكات معرفش بتيجى منين العربية أغلب الوقت راكنة و الله انا صعبان عليا العربية دي تمشى فى شوارع مصر. الواحد كان أحسن يجيب عربية مستعملة متكسرة عشان ميزعلش عليها.

العربية ساعات بتتركن فوق الأسبوع ساعات بقول البطارية زمانها نامت بس الحمد لله مبتخذلنيش و بتدور.
الحمد لله العربية ادائها ناعم و سلس و ملاحظتش مشاكل أو عيوب لحد دلوقتى.ربنا يبارك فيها و فى جاكاتنا كلنا

**odaoda** · 16-02-2011 04:59 PM

تقرير ممتاز بس لو بتركن العربية زيادة عن اسبوع ياريت كل يومين تنزل تدورها تلت ساعة فقط للحفاظعلى البطارية عشان متبوظش لان كدة غلط علبطارية جدا واذا منامتش مرة هتنام بعد كدة
انا كمان عامل 9500 كيلو وربنا يحفظهالك

**ahmedchina** · 20-02-2011 02:59 PM

يا شباب انا عامل بيها لغاية النهاردة 45000 كيلو و علمت صيانة الاربعين من إسبوعين كلفتنى 700 جنية , العربية الحمد الله زى الفل . تغير زيت و فلتر و زيت باكم و فتيس و باور و بوجيهات و مياة ريداتير . بس بصراحة مستوى إدارة الصيانة صفر , العمال قاعدة بضيع وقت , رحت الصبح الساعة 10 و كنت انا العربية الثانية مخلص الساعة 1 ظهراً العامل مشتغلش غير لما دخلت الورشة و ظلت واقف لحد لما خلص . حاجة تانية عندى العربية ذراع الغمزات اليمين و الشمال أحياناً مبشتغلش لما بدور العربية , و بيشغل لما بشغل فلشر الانتظار و طبعاً دة بالتابعية النور العالى بردة بيعلق , و الرجل بتاع التوكيل قعد يلعب فى الذراع وقال ماهو شغال . قولت بيعلق أحيانا كثير . قلى بس هو شغال دلوتى . المهم حصلت نفس المشكلة مرة تانى مرتين فى يومين متتاليين . إن شاء الله المرة الجاية مش هسيبهوم الا و الموضوع دة محلول . غير كدة الحمد الله

**Superdriver** · 22-02-2011 02:21 AM

المشاركة الأصلية كتبت بواسطة ahmedchina

يا شباب انا عامل بيها لغاية النهاردة 45000 كيلو و علمت صيانة الاربعين من إسبوعين كلفتنى 700 جنية , العربية الحمد الله زى الفل . تغير زيت و فلتر و زيت باكم و فتيس و باور و بوجيهات و مياة ريداتير . بس بصراحة مستوى إدارة الصيانة صفر , العمال قاعدة بضيع وقت , رحت الصبح الساعة 10 و كنت انا العربية الثانية مخلص الساعة 1 ظهراً العامل مشتغلش غير لما دخلت الورشة و ظلت واقف لحد لما خلص . حاجة تانية عندى العربية ذراع الغمزات اليمين و الشمال أحياناً مبشتغلش لما بدور العربية , و بيشغل لما بشغل فلشر الانتظار و طبعاً دة بالتابعية النور العالى بردة بيعلق , و الرجل بتاع التوكيل قعد يلعب فى الذراع وقال ماهو شغال . قولت بيعلق أحيانا كثير . قلى بس هو شغال دلوتى . المهم حصلت نفس المشكلة مرة تانى مرتين فى يومين متتاليين . إن شاء الله المرة الجاية مش هسيبهوم الا و الموضوع دة محلول . غير كدة الحمد الله

الأخوة مالكي جاك:
ممكن أعرف مراكز الخدمة المعتمدة في القاهرة (غير الرئيسي الموجود في أبو رواش) مكانها فين تحديداً؟
لأن بصراحة عملت صيانة 1000 كم من أسبوع، و بصراحة مشوار أبو رواش ده علقة، بجانب إن الخدمة هناك ليست على المستوى المطلوب في كل شيء.
و إذا كان حد تعامل مع أحد تلك المراكز يا ريت تقييم سريع لمستوى الخدمة
شكرا مقدماً

الموضوع: B Class In my Hand

LinkBack

أدوات الموضوع

عرض

-

-

-

-

-

قربت من 10000 كم -

-

-

المواضيع المتشابهه

نواكل hand made :)

هل توكيل فولكس بيبيع عربيات مستعملة certified first hand ؟؟

For the frist time in Egypt hand made Power box(Inlet manifold) for Corsa B Twin Cam

رينو ميجان Hand Book III

Hand Art ... فن باستخدام اليد

الكلمات الدلالية لهذا الموضوع

المفضلات

المفضلات

ضوابط المشاركة