الموضوع: B Class In my Hand

المشاركة الأصلية كتبت بواسطة ahmedchina

حتى اليوم عامل بالعربية 37000 ألف كيلو متر .

بالنسبة ليا أنا عامل حتى اليوم 37000 سنتيمتر لأني لسه مستلم حالاً !!
جاك B15 موديل 2011 سوداء
السعر الآن أصبح: 81000 جنيه .. دي مش عربية .. ده سهم في البورصة !!
طبعاً بدري جدا إني أكوّن رأي نهائي، لكن الحقيقة العربية ما شاء الله ممتازة من كل الجوانب
أول ما طلعت من المعرض و مشيت شوية لقيت واحد راكب لانسر بيهدي جنبي و بيسألني السؤال إللي أكيد كلكم عارفينه
ضحكت في سري و إبتسمت و رديت: جاك !!

الف مبروك وربنا يجعلها أدم السعد عليك

المشاركة الأصلية كتبت بواسطة kemo678

الف مبروك وربنا يجعلها أدم السعد عليك

ربنا يبارك فيك متشكر جدا

المشاركة الأصلية كتبت بواسطة odaoda

ألف مليون مبروك
ومتسنين اخر الاخبار منك
ومن استاذ احمد طبعا

الله يبارك فيك
الحقيقة مع المعلومات الموجودة في الموضوع ده و غيره الواحد مش لاقي حاجة جديدة يقولها
كل إللي أقدر أعمله إني أقول تقييمي الشخصي للعربية بعد حوالي 300 كم فقط:
التصميم الخارجي (روح التصميم، الشكل العام، الإيروديناميكية): * * * * *
التصميم الداخلي (الإتساع، الصالون، التابلوه و توزيع الأدوات، الفرش و الخامات): * * * * *
نظام التعليق (العفشة): * * * * * (أتفق مع الجميع إن العفشة ناشفة شوية و لكن مش للدرجة إللي تخليها مش مريحة)
الإمكانيات و الإضافات: * * * * *(بالنسبة لهذه الفئة و هي الفئة الموجودة في السوق)
المحرك (القوة، التسارع، الصوت): * * * * *
العزل (عزل الصوت، عزل الهواء، عزل الماء): * * * * *
الثبات و الإتزان و التحكم و القدرة على المناورة: * * * * * (حتى 100 كم/س و هي أقصى سرعة بالنسبة لي حتى الآن)
إستهلاك الوقود: بدري جداً علشان أقدر أحكم
القيمة مقابل السعر:
حتى 80000 جنيه: * * * * *
أكتر من 80000 جنيه: * * * * *
التقييم العام: * * * * *
ملاحظات عامة:
- الباور رائع جداً جداً جداً
- حساس الركن الخلفي مفيد جداً
- الفرامل قوية جداً
- نظام الصوت نقي جداً
- نظام الإنذار جيد جداً و مقالبه (حتى تتعود عليه) كتير جداً !!
- كاوتش 205 (!!) و جنوط 16 بوصة مزيج شرس جداً
- كرسي السائق لا يمكن ضبطه لأعلى و أسفل (في هذه الفئة)
- مراية الصالون صغيرة إلى حد ما و لكن بدرجة غير مقلقة
- مساحات وضع الأشياء الصغيرة (عملات معدنية، شاحن محمول، أدوات، و خلافه) قليلة نوعاً ما

المشاركة الأصلية كتبت بواسطة ahmedchina

مبروك عليك العربية و ربنا يعطيك خيرها و يبعد عنك شرها
بس كان ليا سؤال هو الماتور بتاعها المتسوبيشى و لا الماتور بتاع جاك الجديد ال vvt ؟
و شكرا

الله يبارك فيك
الموتور ميتسوبيشي 4g15
1488 سي سي 102 حصان
موتور 4gb2.3c vvt أعتقد إنه بينزل فقط في الفئة الثانية و الثالثة
1499 سي سي 112 حصان