B Class In my Hand

**ahmedchina** · 24-05-2010 05:34 PM

تقرير عن الجاك b15
نبذة عن تاريخ العربية :
اول ظهور للسيارة كان فى معرض بكين الدولى للسيارت عام 2008 و كانت النسخة التجريبة و قد لفتت هذة السيارة إنتباة كل عشاق السيارات نظراً لخطوط التصميم الجديدة و الرياضية لها . وقتها كان اسم السيارة b18 نظرا لان كان مخطط ان يتم طرح السيارة بموتور 1800 سى سى . السيارة تصميم إيطالى و هى شركة بينيفارينا و هى شركة فى غنى عن التعريف. هذه السيارة تعتبر الحصان الاسود الذى تراهن علية شركة جاك لدخول عالم صناعة سيارات الركوب حيث تاريخ الشركة فى تصنيع سيارات الركوب يعتبر من احدث الشركات الصينيية على الاطلاق كما انها ليست شريك لاى من الشركات العالمية المعروفة . و قد قامت الشركة بتفادى اخطاء الشركات الصينية الاخرى و بدأت من حيث إنتهى الاخرون .لكن يجب الا ننسى ان شركة هيونداى شريك إستراتيجى لشركة جاك فى بعض موديلات السيارت التجارية و الدفع الراباعى لذا بشكل او اخر البى 15 تأثرت بخبرة هيونداى على الاقل فى نظام التعليق .
أهم ما يميز السيارة هو جمال التصميم الخارجى الذى لا نجد فية أى تشابة مباشر مع اى سيارة أخرى و هو ما يعطى ميزة قوية لهذة السيارة حيث الشخصية المنفردة طول السيارة يبلغ 4598سم و طول قاعدة العجلات يبلغ 2710 بما يعطى إحساس بالرحابة و الوسع الداخلى و فعلا هى كذلك فانا طولى 190 عندما أجلس فى السيارة و أضع مقعد السيارة على اقصى و ضعيه يستطيع من يجلس خلفى أن يجلس بمنتهى الراحة . وضعية كرسى القائد أعلى قليلا من باقى الكراسى داخل السيارة معرفش هل باقى السيارات هكذا ام لا ؟ نعود الى التصميم الخارجى اعتقد ان هذة السيارة يمكن ان تنافس بشدة الكثير من السيارات الموجودة فى السوق و لاتقل باى حال من الاحوال عن السيارات الاخرى بل هناك كثير مما شاهد السيارة لم يصدق أنها صنيية الصنع و التصمييم .
من الداخل السيارة لاتختلف عن الخارج فهى منظمة جدا تعطى إحساس بالرافهية من شكل العدادت الرياضى و لون الاضاءة الخلفية البرتقالى المصفر فى تحفة وواضح جداً سهلة القراءة , الدركسيون ماكسى بالجلد و متعدد الاوضاع صوت الكلاس عالى زى المرسيدس و البيجو . الكنسولتو يعطى إحساس بالحداثة الكاسيت تتش و التكييف كذلك الخامات المستخدمة فى التبلوة عالية الجودة متحسيش إنها بلاستيك وواضح انه نوع ممتاز لان العربية ملهاش اى رائحة غريبة . الفتيس سهل وواضح فى النقلات العزل داخل العربية جيد جداً التكيف قوى و عند التشغيل لا يؤثر على الماتور و السحب . العربية فيها وصلة خارجية ل ام بى 3 .
فرش العربية جلد و دى حاجة كانت مفاجئة اعتقد الوكيل نفسة ماكنش عارفها
نظام الانوار داخل العربية رائع جدا فى عند الراكب الامام فى المنتصف و فى الجزء الخلفى للراكب الخلفى و فى كمان مكان عند النور الداخلى الامامى مكان للنظارة . مستوى الرفاهية فى السيارة ممتاز على سعرها .
العربية مرتفعة عن الارض بشكل كويس و يناسب الطرق هنا فى مصر لكن لا يؤثر على الثبات جربتها كذا مرة العربية ثابتة جداُ العجل عريض مقاس 16 المونيوم الفرامل ممتازة .
الباور ممتاز بس العربية فيها حدفة يييمن هظبطها مع صيانة الالف و المشكلة دى كانت موجودة فى عربيات فى الصين و كلها تم حلها بظبط الزوايا و الترصيص .
المرايا اللى فى النص صغيرة شوية عليها
جميع المريات معتمة .
الماتور 1500 سى سى لسة مجربتش أشد علية اقصى حاجة 80 حسب تعلميات كتيب الاستخدام الخاص بالعربية . مع تشغيل التكيف و هى واقفة ال اربى ام مابيذيتش غير 100 بس و دى شى ممتاز
إستهلاك البنزين يعنى فى حدود 7.5 لتر فى اول 1000 كليو اعتقد سيكون أقل فى 6.5 لتر إن شاء الله . التناك ممكن تفول ب 55 لتر ينصح باستخدام 93 فى مصر 92 ماشى . السحب عموما ممتاز و يفى بالغرض المطلوب .
الشنطة الخليفة واسعة بس مش مربعة الشكل تحس إن فيها شوية إهدار بس تشيل كتير
العربية مع تحميل 4 أفراد كانت لسة عالية عن الارض بشكل ممتاز .
باقية التقرير مع الصور سوف أقوم به خلال يوم إن شاء الله
انا جاهز لاى إستفسار

**odaoda** · 24-05-2010 05:53 PM

تقرير ممتاز ستاذ احمد
اضيف ان الكاسيت مش تتش

وان العربية جاى معاها وصلة يو اس بى تقدر تحط فيها فلاشة
موضوع حدفة يمين محستوش بس لسة مع الترخيص هروح اظبط هوا الكاوتشات والمواضيع دة كلها

**ahmedchina** · 24-05-2010 06:55 PM

some photo by mobile

**ahmedchina** · 25-05-2010 01:23 PM

بالنسية لماتور العربية فهو مصنوع بمعرفة شركة إسمها دونجان ميتسوبيشى لصناعة المحركات و هى شركة من شركتين شركاء لميتسوبيشى فى الصين , هذا المحرك يعتبر جديد الكود الخاص به هو 4g15 حيث تم تطويرة على موديل 4g18 و هو الموديل الموجود فى البى واى دى إف 3 و البريليلنس سبنلندرو , و الموديل المحسن حيث تم تقلليل ححجم السى سى من 1600 الى 1500 فقط مع الاحتفاظ بنفس القوة اللى هى حوالى 104 حصان و التقليل فى إستهلاك البنزين , و على فكرة الموديل 4g18 هو اللى فى الانسر الكريستالة .
و دة طبعا علشان الصين العام الماضى و نتيجة للازمة الاقتصادية العالمية و لتشيجع الناس على الشراء كانت بتعمل دعم غير مباشر فى الضرائب المفروضة على السيارات للفئة اقل من 1600 سى سى . علشان كدة فى موديلات صينى كتير هتكون 1500 سى سى مش 1600 سى سى زى ال fvr ,fsv ,jac b15 و غيرها من المويلات الجديدة . أعتقد الماتور يفى بالاستخدام خصوصا إن الواحد مش داخل سبق عربيات . بس الصراحة ال 1500 شوية على العربية بالوزن دة 1315 كليو جرام .
من خلال التجربة فى ال1000 كليو الاولى محستش بأى مشاكل فى السحب بالتكييف او بدون و دى شى كويس .
صوت الماتور فى البداية كان عالى شوية و فى رجة خفيفة بس بعد 200 كليو الصوت مش مسموع و الرجة لسة على بسيط و العربية واقفة بس . هاشوف النقطة دى فى الصيانة و ممكن تروح مع تغير الزيت . درجة حرارة العربية اقل من نصف المؤشر بحاجة بسيطة . السحب كويس جدا مع الحمولة ركبنا 4 افراد و بعض الامتعة فى حدود 400 كج كلنا على بعض ماكنش فى مشكلة مع التكيف .
الاضاءة الخارجية قوية وواضحة فى الليل و جميلة جدا الاضاءة الخلفية .
العربية فيها ردار ركن خلفى مفيد جدا فى الاماكن الضيقة و خصوصا إن العربية عالية من ورا شوية فبيكون فى شوية صعوبة فى الركن الخلفى .
الفرامل ممتازة و كنت شفقت تقرير تحليلى عن العربية فى موقع صينى و قال إن العربية ممتازة و بتوقف خلال 36 متر فقط على سرعة 100 كم ساعة الانواع الاخرى من 40-48 متر على نفس السرعة .
العفشة بالنسبة لى كويس الاحساس بالمطبات خفيف , بس واحد صاحبى ركب معايا و قال إنها أنشف شوية من الهيونداى إلنترا الجديدة .
على فكرة نظام التعليق الخاص بها هو نفسة الخاص بالهيونداى النترا الشكل القديم و الماتركس الشكل الجديد و الاوبترا سوا الامامى او الخلفى .
و للحديث بقية إن شاء الله

**odaoda** · 25-05-2010 01:27 PM

متابع باهتمام

**odaoda** · 25-05-2010 01:29 PM

العفشة ليست ناشفة العفشة جيدة بس بعد التربيط هتبقى انعم كمان بعد صيانة ال1000 ثم ال5000
دة فكل العربيات الجديدة زى النيسان صنى والافيو والاوبترا بلذات ومعظم الجديد

**ahmedchina** · 25-05-2010 01:38 PM

أنا معاك إن العفشة مش ناشفة دة كان مجرد إنطباع من زميل ليا ركب العربية معايا
انا مشيت بها على طريق السخنة بصراحة ممتازة متحسيش بالطريق تحتك

**ahmedchina** · 25-05-2010 01:42 PM

على فكرة التصميم الخاص بالعفشة يمل الى ان يكون ناعم و تكون السيارة اكثر راحة و لا تجعلك تشعر بالمطبات الخارجية

**odaoda** · 25-05-2010 03:44 PM

مازلت متابع باهتمام تقيم وكلام اكتر من رائع لو حضرتك تجمعة فموضوع جديد عشان الناس الى كانت بتسأل علتقرير يبقى اوقع وافضل
وعقبال تقرير الصيانة بأذن الله

**krim71** · 25-05-2010 04:30 PM

انا عايز اعرف العيوب
يعني اعملي ليستا كده بكل العيوب اللي اكتشفتها لان الكلام كله العربية حلوة و الماتور حلو و العافشة حلوة طب انا عايز بقى اخوش في المفيد اللي هو العيوب لانه هو اللي بيفرق في العربيات دي اللي بتبقى كل حاجة فيها حلوة d:

الموضوع: B Class In my Hand

LinkBack

أدوات الموضوع

عرض

-

-

-

-

-

المواضيع المتشابهه

نواكل hand made :)

هل توكيل فولكس بيبيع عربيات مستعملة certified first hand ؟؟

For the frist time in Egypt hand made Power box(Inlet manifold) for Corsa B Twin Cam

رينو ميجان Hand Book III

Hand Art ... فن باستخدام اليد

الكلمات الدلالية لهذا الموضوع

المفضلات

المفضلات

ضوابط المشاركة