الموضوع: B Class In my Hand

عملت الصيانة يوم السبت بعد كنت عملت بالسيارة 1500 كيلو . المهم وصلت الساعة 9.30 و خلصت الساعة 1.30 . كنت العربية الوحيدة الجاك اللي في الصيانة على فكرة المركز يخدم على جيلى و جاك تم تغير الزيت و خلافة المعاملة مش وحشة بس لسة عايزين يحسنوا من نفسهم شوية . الموضع كله كلفنى 190 جنية و نصف , غسلوا العربية بعد الصيانة . مصلحوش موضوع الحدفة اليمن قالو الجهاز لسة موصلش الجهاز بتاع الترصيص و الكمبيوتر و السوفت وير بتاعت العربية هتيجى كمان إسبوع .
المهم العربية بعد الصيانة صوتها هدى كثير عن الأول .
جربت النهاردة بيها على طريق السخنة أشد على الماتور شوية جبت بيها 165 كيلو -ساعة العربية ثابتة و تقيله على الأرض . بس بصراحة ال1500 سى سى بعزم 130 نيوتن شوية على العربية دى . السحب مش وحش بس كانت تكون احلي لو الماتور 1600 .
التكيف الحمد الله كويس .
لو في أي استفسار أنا تحت أمركم

النهاردة جبت بالعربية 185 كم الحمد الله العربية ثابتة بس منصحش اى حد يجرى على السرعة دى , بالنسبة لى كانت عندى إجتماع هام جدا و كنت متاخر و الطريق فاضى قلت أجرب . معتقدش إنى هاعملها تانى .

احمد باشا سؤال ومعلش لو فيها غلاسه .. ياتري في من العربيه ديه اتوماتك ؟

وياتري سعرها كام سواء واتوماتك او مانيوال ؟؟ والعربيه فيه منها فئات ولا فئه واحده ؟؟

شكرا للرد مقدما يا باشا

مش غلاسة يا كيمو باشا الموديل الموجود دلوتى هو موديل واحد فقط , مانيوال مفيش أتوماتيك
فى الصين الاتوماتيك 1800 سى سى و لسة هتنزل فى الصين الشهر الجاى . سعرها دلوتى حوالى 75000 جنية للمانيوال اول دفعة السعر كان مميز 69900 جنية

بخصوص إستهلاك البنزين انا بسجل للعربية و حسبت و النتيجة كالتالى :
نوع البنزين 92
متوسط إستهلاك البنزين بعد 2600 كيلو هو 7.6 لتر لكل 100 كيلو
أقل إستهلاك كان 5.2 لتر فى 100 كيلو
أعلى إستهلاك كان 10.2 لتر لكل 100 كيلو ( بسبب السرعة العالية أكتر من 140 )
أفضل بنزين شل و موبيل عمرة اطول من إسو و وطنية عن مراقبة أستخدام شخصى فى اكثر من عربية .
أعتقد مع الاستخدام المعقول ممكن تنزل الى 6.8 لتر لكل 100 كليو

elhamed alaha is run very good ? what about you? please