الموضوع: B Class In my Hand

استاذ اودا. ازيك --ايه المشكلة بلضبط ياريت تشرح بلتفصل.ووحشتنا جداً ,انت والأستاذ أحمد,سلامى اليكم والى الجميع

يعنى بقالى شهر ونص كدة حصل مرتين ان العربية تعمل مارش ومتدورش
البطارية بتنام يعنى
بس فبقيت اسيبها قبل ما اطلع البيت دققتين دايرة تشحن عشان الصبح تدور
وللاسف البطارية خارج الضمان حاليا

عزيزى أودا بصراحة المشكلة دى اول مرة تظهر بس نصيحة توجة للتوكيل و شوف المشكلة إية فى أقرب فرصة علشان ما فيش حاجة تانى تحصل و تكون بسيطة إن شاء الله و عرفنا إية اللى حصل .
و معذرة لعدم المشاركة لفترة لانى مسافر للصين حالياً
و سلامى للاستاذنا العزيز أيمن باشا
العربية كلها خارج الضمان حاجة تزهق أخر مرة سألت مدير المركز يعنى إية الضمان الاساسى , قال يعنى كل حاجة فى العربية الماتور ووووو , قمت ماقطع سيادنة و قلت الماتور سنة أو 50000 كيلو ووووو قالى ماتشوف إنت شارى العربية بكام . قلت و إية العلاقة أم قال يعنى العربيات الغالية غالية علشان التوكيل بيتحمل ضمان العربية بالكامل بدون تفصيل زيهم . الرد كان لما عرفتوا إنى جبت عربية هوندا سيفك لاحد الاصدقاء و شوفت كتيب الضمان وملقتش حاجة من الحاجات الموجودة عندنا . المهم سألتة معنى كدة إن اللى إشترى العربية بعدنا سعر 85000 الضمان بتاعة شامل حاجات أكثر منا نحن أصحاب اول دفعة , مردش سكت فكر و غير الموضوع و قال كيا و غيرها و اسبرانزا إن المساعدين مش فى الضمان من اول كيلو حاجات كدة . قلت يبقى حرام عليكم الفلوس اللى بتاخدوها على كدة لو إشتريت العربية من غير ضمان السعر هيقل مش كدة و لا إية ؟؟؟
إسلوب غريب فى التفكير و الحوار اى كلام و السلام
الحوار كان علشان شاشة التكييف عندى كانت بتخرف يعنى البيانات و العلامات بعد شوية وقت بتتغير بس وضع التكيف سليم يعنى نفس سرعة الهواء و الدرجة . لروحت قبل العيد و قبل السفر على طول كشف عليها الكهربائى اللى مايعرفش حاجة فى العربية زى ما شوفت عمل كشف ظاهرى و قال البوردة باظت قلت بس التكيف شغال كويس يعنى الشاشة بس . المهم سألت لقيت إن زرار التكيف برة الضمان قلت دة مش زرار التكيف دى البوردة زى ما قلت بتاع الصيانة بيحاول يقنعنى إن المكتوب فى كتاب الصيانة و الضمان المقصود به لوحة التكيف كاملة . المهم سألت على السعر لتها بحوالى 900 جنية من غير مصناعية طبعاً إستعباط
المهم كان اخر رمضان و انا مسافر قلت طالما التكيف شغال و الشاشة اللى بتخرف يمكن تضبط نفسها بعد شوية و دة اللى حصل اصبحت بتخرف كل فين و فين
حاجة تانى قالها مسئول الصيانة إن الضمان بيكون طبقاُ لتعليمات الشركة الام و إنهم بيسجل محتوى الضمان فى وزارة الصناعة على ما اتذكر
بصراحة الميزة الوحيدة عندهم إن أغلب قطع الغيار موجودة فى المخزن رغم السعر الغالى شوية يمكن دى تكون الحاجة اللى هتصبرنا شوية بعد نفاذ الضمان .

إحقاقاُ للحق انا دخلت على منتدى صينى و دورت على ضمان الجاك فى الصين لقيت إنه مايختلفش كتير عن مصر ممكن المدة تكون اطول شوية للشهور او الكيلوات زى الماتور فى نوعين للضمان حسب نوعية إستخدام العربية ملاكى أو تاكسى بس الكيلومتر واحد 100000 كيلومتر و الشهور الملاكى 36 شهر و الاستخدام الاخر 12 شهر حسب ما فهمت من صورة الكتيب اللى على الموقع .
ممكن سياسة التصدير و الضمان بتختلف عن الصين نفسها و الله أعلم

يلا خير الحمد الله يعنى قطع الغيار متوفرة؟

المشاركة الأصلية كتبت بواسطة ahmedchina

عزيزى أودا بصراحة المشكلة دى اول مرة تظهر بس نصيحة توجة للتوكيل و شوف المشكلة إية فى أقرب فرصة علشان ما فيش حاجة تانى تحصل و تكون بسيطة إن شاء الله و عرفنا إية اللى حصل .
و معذرة لعدم المشاركة لفترة لانى مسافر للصين حالياً
و سلامى للاستاذنا العزيز أيمن باشا
العربية كلها خارج الضمان حاجة تزهق أخر مرة سألت مدير المركز يعنى إية الضمان الاساسى , قال يعنى كل حاجة فى العربية الماتور ووووو , قمت ماقطع سيادنة و قلت الماتور سنة أو 50000 كيلو ووووو قالى ماتشوف إنت شارى العربية بكام . قلت و إية العلاقة أم قال يعنى العربيات الغالية غالية علشان التوكيل بيتحمل ضمان العربية بالكامل بدون تفصيل زيهم . الرد كان لما عرفتوا إنى جبت عربية هوندا سيفك لاحد الاصدقاء و شوفت كتيب الضمان وملقتش حاجة من الحاجات الموجودة عندنا . المهم سألتة معنى كدة إن اللى إشترى العربية بعدنا سعر 85000 الضمان بتاعة شامل حاجات أكثر منا نحن أصحاب اول دفعة , مردش سكت فكر و غير الموضوع و قال كيا و غيرها و اسبرانزا إن المساعدين مش فى الضمان من اول كيلو حاجات كدة . قلت يبقى حرام عليكم الفلوس اللى بتاخدوها على كدة لو إشتريت العربية من غير ضمان السعر هيقل مش كدة و لا إية ؟؟؟
إسلوب غريب فى التفكير و الحوار اى كلام و السلام
الحوار كان علشان شاشة التكييف عندى كانت بتخرف يعنى البيانات و العلامات بعد شوية وقت بتتغير بس وضع التكيف سليم يعنى نفس سرعة الهواء و الدرجة . لروحت قبل العيد و قبل السفر على طول كشف عليها الكهربائى اللى مايعرفش حاجة فى العربية زى ما شوفت عمل كشف ظاهرى و قال البوردة باظت قلت بس التكيف شغال كويس يعنى الشاشة بس . المهم سألت لقيت إن زرار التكيف برة الضمان قلت دة مش زرار التكيف دى البوردة زى ما قلت بتاع الصيانة بيحاول يقنعنى إن المكتوب فى كتاب الصيانة و الضمان المقصود به لوحة التكيف كاملة . المهم سألت على السعر لتها بحوالى 900 جنية من غير مصناعية طبعاً إستعباط
المهم كان اخر رمضان و انا مسافر قلت طالما التكيف شغال و الشاشة اللى بتخرف يمكن تضبط نفسها بعد شوية و دة اللى حصل اصبحت بتخرف كل فين و فين
حاجة تانى قالها مسئول الصيانة إن الضمان بيكون طبقاُ لتعليمات الشركة الام و إنهم بيسجل محتوى الضمان فى وزارة الصناعة على ما اتذكر
بصراحة الميزة الوحيدة عندهم إن أغلب قطع الغيار موجودة فى المخزن رغم السعر الغالى شوية يمكن دى تكون الحاجة اللى هتصبرنا شوية بعد نفاذ الضمان .

اولاً ::ترجعلنا بلسلامة بأذن الله
ثانياًالف شكر على سؤالك والحمدلله اننى عرفت ناس محترمة مثل حضرتك والأستاذ اودا.
ثالثاً::كنت اتمنى ان حضرتك تستغل وجودك فى الصين وتحاول تكلم القائمين على تسويق هذه السيارة وتقنعهم إن اسعار قطع الغيار مغالى فيها ,لأنك ياأستاذ احمد تتصور ان الأبواب الأمامية وبلذات الناحية اليمين يعنى الى جنبك الباب ده عندى اتخبط وعايز يترد لأن الخبطه جمده ,المهم سألت على الباب طبعاً فاضى عارف سعره كام (ثلاثة الاف جنيه ,تخيل فى حين ان يباب الf3 سعره 600 او630 ميزدش عن كده يعنى قول بضريبة المبيعات ب1000 ,شوف التفاوت فى فرق السعر ارجوك تعرض هذا الأمر مع وضع المققارنة بلنسبة للسيارة byd حتى يعلموا القائمين على التسويق ان نسبة تسويق الجاك بهذه الطريقة لن تحقق الهدف المنشود له فى شركة jac كما يجب ان يعلموا ليه الbyd منتشرة اكثر هى والأسبرانزا,ولا هما مكتفيين بلبرازيل وبس لازم يفهموا ان مصر سوق واعد لايقل شىء عن البرازيل بل يفوقه...وأخيرا نننتظر عودتك بلسلامة الى ارض الوطن بخير وصحة بأذن الله

الاصدقاء الاعزاء السلام عليكم و رحمة الله
الاستاذ أيمن انا رجعت مصر الغالية منذ فترة بس كنت مشغول جدا معرفتش أرد على سيادتك بالنسبة لموضوع سعر الباب دة حاجة مبالغ فيها جداً , و على فكرة انا جبت إميل بعض السئولين فى الشركة مسئولين عن السوق المصرى و التصدير هبعتلك على الخاص العناونين
قطع الغيار مبالغ فى سعرها جدا معرفش لية هل الجمارك غالية
حسب ما سالت فى الصين الاسعار مش بالاسعار دى خالص
انا جبت لوحة تحكم التكيف من هناك بنصف سعر مصر و جبتها تجارى مش من المصنع و لا السوق يعنى اللى بياعهالى كسبان كويس
و الله الموفق

أولا أحب أعرف جميع الاعضاء ملاك الجاك إن العربية تمت 70000 كم فى خلال سنة و نصف تقريبا
طبعا الاستخدام شديد شوية لان تقريباً بعمل 230 كيلو فى اليوم لان بسافر للعمل خارج القاهرة بشكل شبة يومى
العربية شغالة كويس حتى الان الحمد الله التقييم العام لها جيد جدا خلال الفترة السابقة مفيش مشكلات عويصة ظهرت تم تغيير بلى العجل الامامى شمال و الدريكسيون للتقشيير خلال الفترة الماضية
الصيانة دورية فى التوكيل بشكل منتظم
لسة مغير عجل العربية ل جوديير العربية أكثر ثبات و تماسك على الطريق بالاطارات الجديدة
العجل القديم حالتة لسة زى الفل علشان كدة شايلة إحتياطى
طبعاً مغير من فترة الهواؤ اللى فى العجل لنتروجين و هو إحساسى إنة أفضل خصوصاً فى النقر مع السرعات العالية بيخلى العجلة نتعملش بلونة زى الهوا العادى و عن تجربة فى الحالتين
أخر مرة غيرت لزيت كاسترول أداءة أفضل مع العربية اهدى فى صوت الماتور على السرعات المنخفضة و العالية العربية عزمها بقى افضل فى التجميع على السرعات المنخفضة
إستهلاك البنزين اعتقد فى حدود 7.5 الى 9 لتر حسب السرعة و مشغل التكييف و لا لا
أحياناً التفويلة بتعمل 580 و أحياناً 670
العربية عزل الصوت معقول بس محتاج تحسين أفضل من كدة
نظام التعليق الخلفى للعربية لية صوت ملحوظ و هو زى الكركرة دة مع الطرق غير الممهدة و على السرعات المنخفضة ( انا كنت واخد بالى من النقطة بس مش مبالى ) الفترة الاخيرة لقيت على منتديات صينية ملاك العربية بيشتكو من النقطة دى و ناس غيرت المساعدين و السوست الخلفية
العربية العفشة بتاعتها متوافقة مع الالنترا 2006 يعنى أغلب حاجاتها تمشى معها حسب منتديات صينية
العربية لاتزال متماسكة يعنى مفيش اصوات غربية و لا تقطقطة من الداخل أو الخارج
العربية بالنسبة لقيماتها اكثر من القيمة المدفوع فيها
و ربنا يبارك لنا جميعا فى عربيتنا