الموضوع: B Class In my Hand

الوصلة فيها صور أكثر و فيديو لعملية الاختبار
http://auto.enorth.com.cn/system/201...08263600.shtml

المشاركة الأصلية كتبت بواسطة ahmedchina

أولا أحب أعرف جميع الاعضاء ملاك الجاك إن العربية تمت 70000 كم فى خلال سنة و نصف تقريبا
طبعا الاستخدام شديد شوية لان تقريباً بعمل 230 كيلو فى اليوم لان بسافر للعمل خارج القاهرة بشكل شبة يومى
العربية شغالة كويس حتى الان الحمد الله التقييم العام لها جيد جدا خلال الفترة السابقة مفيش مشكلات عويصة ظهرت تم تغيير بلى العجل الامامى شمال و الدريكسيون للتقشيير خلال الفترة الماضية
الصيانة دورية فى التوكيل بشكل منتظم
لسة مغير عجل العربية ل جوديير العربية أكثر ثبات و تماسك على الطريق بالاطارات الجديدة
العجل القديم حالتة لسة زى الفل علشان كدة شايلة إحتياطى
طبعاً مغير من فترة الهواؤ اللى فى العجل لنتروجين و هو إحساسى إنة أفضل خصوصاً فى النقر مع السرعات العالية بيخلى العجلة نتعملش بلونة زى الهوا العادى و عن تجربة فى الحالتين
أخر مرة غيرت لزيت كاسترول أداءة أفضل مع العربية اهدى فى صوت الماتور على السرعات المنخفضة و العالية العربية عزمها بقى افضل فى التجميع على السرعات المنخفضة
إستهلاك البنزين اعتقد فى حدود 7.5 الى 9 لتر حسب السرعة و مشغل التكييف و لا لا
أحياناً التفويلة بتعمل 580 و أحياناً 670
العربية عزل الصوت معقول بس محتاج تحسين أفضل من كدة
نظام التعليق الخلفى للعربية لية صوت ملحوظ و هو زى الكركرة دة مع الطرق غير الممهدة و على السرعات المنخفضة ( انا كنت واخد بالى من النقطة بس مش مبالى ) الفترة الاخيرة لقيت على منتديات صينية ملاك العربية بيشتكو من النقطة دى و ناس غيرت المساعدين و السوست الخلفية
العربية العفشة بتاعتها متوافقة مع الالنترا 2006 يعنى أغلب حاجاتها تمشى معها حسب منتديات صينية
العربية لاتزال متماسكة يعنى مفيش اصوات غربية و لا تقطقطة من الداخل أو الخارج
العربية بالنسبة لقيماتها اكثر من القيمة المدفوع فيها
و ربنا يبارك لنا جميعا فى عربيتنا

الف شكر على كل هذه المعلومات الرائعة ,كما إنى بشعر بأمان لوجود شخصية مثل حضرتك تمتلك هذه العربية ,ربنا ميحرمناش منك ويسلم طريقك .
كنت اود ان احصل على تليفونك للتواصل والسؤال عن شخصكم طبعاً ومعرفة كل مايخص العربية من جديد ,وإذا كان هذا ضد رغبت سيادتك فتأكد اننى اكن لحضرتك كل احترام وتقدير واقدر رغبتك فى جميع الأحوال.
ولى سؤال :اين تم تغيير بلى العجل وكام تكلفته بلتغيير ,وتقشير طارة الدريكسيون هل بتكون بشكل مش ظريف ,وزيت كاسترول ,ماهو موصفاته وأخيراً وليس بين الأخوة أخر تحياتى لشخصكم الكريم وايضاً الشكر موصول للأستاذ اودا اودا.

الاخى العزيز و الاستاذ المحترم أيمن
لاتستطيع الكلمات ان تعبر عن مدى إمتنانى لشخصكم الكريم على هذة الكلمات الطيبة التى تحمل كل الاحترام و الاخوة الطيبة . و كم يسعدنى ان نكون أصدقاء و سوف أرسل لك على الخاص وسيلة الاتصال بى و معذرة عن التأخر فى الرد نظرا لانشغالى الفترة الماضية .
بالنسبة الى بلى العجل تم تغيرة فى التوكيل (خارج الضمان) على ما اتذكر تكلف حوالى فى حدود 650 الى 700 جنية هذا اذا لم تخونى الذاكرة .
بالنسبة الى طارة الدريكسون فتم تغيرها بداية الصيف الماضى و كان التقيشير بدرجة كبيرة و منظر الدريكسيون سئ جدا و تم التغيير على حساب الضمان فى ذلك الوقت .
بالنسبة لزيت كاسترول بصراحة أكثر من رائع و إستمر معى 13الف كيلو بعد ال11 الف بدأ صوت الموتور يعلى زى ما كان مع زيت شيل بس زيت شيل كان صوت الماتور بيكون عالى بعد ال7000 كيلو تقريباً
سحب العربية بيتحسن كتير جدا مع الكاسترول التوكيل بيغير الزيت لو إنت جبتة من برة يعنى مش شرط تستخدم زيت الوكيل . المرة دة انا قلت أجرب الزيت الالمانى ليكوى مولى توب تك 4200 بصراحة فى البداية مكنتش حاسس بفرق بس دولتى العربية صوتها هادئ و السحب افضل كتير و إستخدم أيضا منظف دورة البنزين من نفس الشركة بصراحة إستهلاك البنزين قل مع التفويلة الثانية العربية مشيت 680 كيلو و معدل الاستهلاك قل بنسبة عن الاول فى التوفيلات التالية .
مواصفات الكاسترول sl 5w40
مواصفات التوب تك sm 5w40
بس خلى بالك نبة على بتوع التوكيل إن العربية بتأخد 3.5 لتر فقط مع الفلتر علشان المرة اللى فاتت حط ال4 لتر مرة واحدة و دة بيكون فى بعض الضرر على الماتور
و بالمناسبة و انا فى صيانة ال70 الف كان فى عربية جاك بى كلاس تبع شركة سياحة بتعمل صيانة ال85 الف و السائق بيشكر فى ثبات العربية و جودة الخامات شركة السياحة عندها 19 عربية جاك بى كلاس و عدد من العربيات إية كلاس تعليقة على الاية كلاس ثباتها من كويس على السرعات العالية . السرعة العالية بالنسبة له 160 .
و تحياتى لك و لجميع الاخوة ملاك الجاك

مرة أخرى اجدد شديد اعجابى واحترامى لشخصك الكريم واشكرك على هذا الموضوع الثرى على منتدى نايل موتورز,لأنه اصبح مرجع لكل ملاك هذه السيارة ولكل من يرغب فى امتلاكها لذلك اود من الأدارة المحترمة (نايل موتورز ) إما تثبيت هذا الموضوع لثرائه بمعلومات وافية او , رجاء ...ان يكون هناك منتدى خاص بلسيارات الجاك فنحن هنا نريد ان يدوم التواصل والتأخى .
كما اود ان اعيد للأستاذ احمد سؤالى الذى هو خاص بموضوع بلى العجل ,من اين اشتريته ؟ وهل هو خاص بجاك فقط ولا هو لماركة تطابق هذه القطعة يعنى عى حد علمى ان العفشة هى مثل عفشة النترا 2006 مش عارف هذا كلام صحيح ولا. لأ ...تحياتى لحضرتك وشكراً على التواصل وكل سنة وحضرتك طيب بمناسبة حلول مولد النبى محمد صلى الله عليه وسلم وايضاً بمناسبة العام الجديد

عزيزى الاستاذ الايمن
بالنسبة بلى العجل إشتريتة من التوكيل سعرة من غير ضريبة و مصنعية 450 جنية و على فكرة دة طقم كامل مش البلى بس

تحياتى للجميع
ازيك يا استاذ احمد واخبارك اية
واستاذ ايمن تحياتى لية
اخباركم اية طمنونى

المشاركة الأصلية كتبت بواسطة odaoda

تحياتى للجميع
ازيك يا استاذ احمد واخبارك اية
واستاذ ايمن تحياتى لية
اخباركم اية طمنونى

استاذ اودا ,استاذ احمد كل سنة وانتم طيبن وبصحة وسعادة وكذلك الأسرة الكريمة بمناسبة العيد اعاده الله عليكم بكل خير وسعدة وبعودة الأيام عليكم وعلى امة الأسلام