عمرو دياب و الطوبة و الاشاعة

**ramy01011** · 14-05-2010 01:24 PM

زي ما انتوا عارفين اني عايش في دبي من فترة كانت فيه حفلة لعمرو دياب في دبي في فيستفال سيتي و طبعا مكدبتش خبر لاني من عشاق عمرو دياب و تقدروا تقولوا عليا مجنون عمرو دياب لدرجة ان اصحابي بيقولوا لي لو عمرو دياب عمل شريط فاضي هتشترية و تسمعو المهم الحفلة كانت مفروض تبتدي الساعة 7 بالدي جي و عمرو هيجي 9 المهم هو أتأخر لحد 11 بس عادي المهم انه جه و ابتدي غنا و في نص الحفلة حد حدف عمرو بطوبة و الله لو كان وقع تحت ايدي مكنتش رحمته المهم بذكاء عمرو دياب اتسقبل الطوبة و اعد ينططها علي رجلة زي لعيبة الكورة و هزر و قال صحيح من الحب ما قتل و الناس كلها ضحكت و انتهي الموضوع و عني كوكتيل اغاني قديمة بجد من اروع الاغاني فكرتني بالذي قد مضي و نسي الناس مع اغانية التأخير و سوء تنظيم الحفلة انا اللي زعلني حاجة واحده و انا في الحفلة اتصل بيه ناس من منظمين الحفلة و قالوا لي مبروك انت كسبت لقاء مع عمرو دياب بعد الحفلة بجد مكنتش مصدق نفسي المهم بعد الحفلة اتصلت بالرقم اللي كلمني و رد عليا واحد و قالي احنا متاسفين اصل عمرو مضايق و عايز يسافر بسرعة المنحوس منحوس هههههههههه
كل ده موش مهم المهم بعد كام يقوم لاقيت علي اكتر من منتدي خبر أشاعة قذف عمرو دياب بالحجارة في حفلة دبي و استغربت جدا و قريت الخبر لاقيت قال اية مدير اعمالة بينفي الخبر ده مع انه حصل و الله يا جماعة و بعدين ده حصل من شخص يعني سلوك فردي و عمرو اتعامل معاة بذكاء و الموقف عدي مرور الكرام لية الناس تكبر الموضوع ده و لية و ده الاهم يطلع مدير اعمالة يكدب الخبر ده ؟؟؟؟ معلش الموضوع ضايقني فقلت اقوله

**mahmoudselim** · 14-05-2010 02:43 PM

لا تصدق أي خبر حتى يتم نفيه رسميا

**nab!l** · 14-05-2010 02:48 PM

فعلا زكى
واللى يوصل كده لازم يكون انسان زكى

**magomago** · 14-05-2010 04:06 PM

لو كان حصل معايا موضوع المكالمه دى
كنت استنيته بره الحفله
وحدفته بقالب طوب

**م.محمد علاء** · 14-05-2010 04:09 PM

المشاركة الأصلية كتبت بواسطة magomago

لو كان حصل معايا موضوع المكالمه دى
كنت استنيته بره الحفله
وحدفته بقالب طوب

الصلح خير قوم نتصالح..ده الصلح خير

**ramy01011** · 14-05-2010 11:54 PM

المشاركة الأصلية كتبت بواسطة mahmoudselim

لا تصدق أي خبر حتى يتم نفيه رسميا

لا اصدق اية الموضوع حصل قدام عنيا

**mahmoudselim** · 15-05-2010 12:31 AM

المشاركة الأصلية كتبت بواسطة ramy01011

لا اصدق اية الموضوع حصل قدام عنيا

لاقيت قال اية مدير اعمالة بينفي الخبر ده مع انه حصل و الله يا جماعة
مش فاهمني انا اصل اول ما عرفت الخبر دا قريتة علي مصرواى الاشاعة و النفي في خبر واحد وبعد ما كتبو الاشاعة كتبو نفي مدير اعملة ساعتها عرفت ان الخبر دا حقيقي.
ارجو ان المعلومة تكون وصلت بالشكل السليم